-
ព័ត៌មានជាតិ ១៤ ធ្នូ ២០២០អគ្គិភ័យឆេះផ្ទះប្រជាពលរដ្ឋមួយខ្នង នៅខណ្ឌពោធិ៍សែនជ័យ ត្រូវបានសមត្ថកិច្ចអន្តរាគមន៍ ពន្លត់ទាន់ពេលវេលា
នៅវេលាម៉ោង០៥ និង២០នាទីល្ងាច ថ្ងៃទី១៤ ខែធ្នូ ឆ្នាំ២០២០ មានករណីអគ្គិភ័យឆេះផ្ទះមួយកន្លែង ស្ថិតនៅផ្លូវលំ ភូមិត្រពាំងថ្លឹងទី១ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។ មា្ចស់ឈ្មោះសែម លាភ ភេទស្រី អាយុ៣២ឆ្នាំ ជនជាតិខ្មែរ មុខរបរ នៅផ្ទះ។ កម្លាំងជំនាញផ្នែកអគ្គិភ័យបានឲ្យដឹងថា ករណីឆេះនេះបណ្តាលមកពីឆ្លងចរន្តអគ្គិសនី ហើយធ្វើឲ្យខូចខាតផ្ទះសង់ពីឈើប្រក់ក្បឿង ទំហំ០៦x០៨ ចំនួន០១ខ្នង រួមជាមួយសម្ភារប្រើប្រាស់ប្រចាំថ្ងៃទាំងស្រុង និងពុំបានឆេះរាលដាល ដល់ផ្ទះអ្នកជិតខាងឡើយ។ តាមប្រភពពីសមត្ថកិច្ចបានឲ្យដឹងថា ក្នុងការពន្លត់អគិ្គភ័យនេះ បានប្រើប្រាស់រថយន្តពន្លត់អគិ្គភ័យជាច្រើនគ្រឿង៖ – រថយន្តការិយាល័យអគ្គិភ័យ ចំនួន០៤គ្រឿង ប្រើប្រាស់ទឹកអស់ចំនួន ០៤ឡាន ស្មើនឹង១៦ម៉ែត្រគូប។ -រថយន្តរដ្ឋាករទឹក ចំនួន០១គ្រឿង ប្រើប្រាស់ទឹកអស់ចំនួន ០១ឡាន សើ្មនឹង០៤ម៉ែត្រគូប។ ករណីគ្រោះអគ្គិភ័យនេះ មិនបណ្តាលឲ្យមានអ្នកស្លាប់ ឬរបួសឡើយ ហើយត្រូវបានពន្លត់ចប់នៅម៉ោង០៥ និង៥៥នាទីល្ងាច នាថ្ងៃដដែល៕
-
ព័ត៌មានជាតិ ១២ ធ្នូ ២០២០អគ្គិភ័យឆេះផ្ទះប្រជាពលរដ្ឋចំនួន ២ខ្នង នៅខណ្ឌឬស្សីកែវ ត្រូវបានសមត្ថកិច្ចអន្តរាគមន៍ ពន្លត់ទាន់ពេលវេលា
នៅវេលាម៉ោង ១២:០០នាទី ថៃ្ងត្រង់ ថ្ងៃទី១២ ខែធ្នូ ឆ្នាំ២០២០ មានករណីអគ្គិភ័យឆេះផ្ទះមួយកន្លែង ស្ថិតនៅផ្លូវលំ ក្រុមទី១ ភូមិ៤ សង្កាត់ច្រាំងចំរេះទី១ ខណ្ឌឬស្សីកែវ រាជធានីភ្នំពេញ។ ម្ចាស់ផ្ទះទី១៖ ឈ្មោះ រូន យ៉ា ជនជាតិខែ្មរ ភេទប្រុស អាយុ៧៤ឆាំ្ន ម្ចាស់ផ្ទះទី២៖ រូន ម៉ាត់ ជនជាតិខែ្មរ ភេទប្រុស អាយុ៥៥ឆាំ្ន កម្លាំងជំនាញផ្នែកអគ្គិភ័យបានឲ្យដឹងថា ករណីឆេះនេះបណ្តាលមកពីឆ្លងចរន្តអគ្គិសនី ហើយធ្វើឲ្យខូចខាត ផ្ទះសង់ពីថ្មក្រោម ឈើលើប្រក់ក្បឿង ទំហំ៦x១៤ អស់ចំនួន០២ខ្នង និងពុំបានឆេះរាលដាល ដល់ផ្ទះអ្នកជិតខាងឡើយ។ តាមប្រភពពីសមត្ថកិច្ចបានឲ្យដឹងថា ក្នុងការពន្លត់អគិ្គភ័យនេះ បានប្រើប្រាស់រថយន្តពន្លត់អគិ្គភ័យជាច្រើនគ្រឿង៖ – រថយន្តការិយាល័យអគ្គិភ័យ ចំនួន ០៥គ្រឿង ប្រើប្រាស់ទឹកអស់ចំនួន ០៧ឡាន ស្មើនឹង ២៨ម៉ែត្រគូប។ – រថយន្តសាលាខណ្ឌឫស្សីកែវ ចំនួន ០១គ្រឿង ប្រើប្រាស់ទឹកអស់ចំនួន ០១ឡាន សើ្មនឹង ០៤ម៉ែត្រគូប។ ករណីគ្រោះអគ្គិភ័យនេះ […]
-
ព័ត៌មានជាតិ ១១ ធ្នូ ២០២០លោកវរសេនីយ៍ឯក ម៉ៅ សឿត អធិការនគរបាលខណ្ឌច្បារអំពៅ ទទួលអំណោយពីសប្បុរសជន ដើម្បីបង្ការទប់ស្កាត់ ការឆ្លងរាលដាលវីរុសកូវីដ១៩
នារសៀលថ្ងៃ១០ ខែធ្នូ ឆ្នាំ២០២០ លោកវរសេនីយ៍ឯក ម៉ៅ សឿត អធិការនគរបាលខណ្ឌច្បារអំពៅ បានទទួលអំណោយពីលោក ហ៊ុន ចំរើន និងលោកស្រី ឡុង ម៉ីម៉ី នូវម៉ាស់ និងជែល ចំនួន៧០០ឈុត ដើម្បីយកទៅចែកជូនកងកម្លាំង និងប្រជាពលរដ្ឋ សម្រាប់ប្រើប្រាស់ ក្នុងការបង្ការ និងទប់ស្កាត់ការរីករាលដាលវីរុសកូវីដ១៩។ ឱកាសនោះដែរ លោកអធិការ បានថ្លែងអំណរគុណយ៉ាងជ្រាលជ្រៅបំផុត ចំពោះលោក ហ៊ុន ចំរើន និងសប្បុរសជននានា ដែលបានបរិច្ចាគនូវទ្រព្យសម្បត្តិ ធនធានផ្ទាល់ខ្លួន ក្នុងការចូលរួមប្រយុទ្ធប្រឆាំងវីរុសកូវីដ ១៩៕
-
ព័ត៌មានជាតិ ១០ ធ្នូ ២០២០លោកអនុសេនីយ៍ឯក រស់ ហ៊ន ទទួលបានថវិកាឧបត្ថមពីឯកឧត្តម នាយឧត្តមសេនីយ៍ ប៉ែន វិបុល អគ្គស្នងការរង និងជាប្រធាននាយកដ្ឋានបុគ្គលិក សម្រាប់សម្រាកព្យាបាលជម្ងឺ នៅប្រទេសថៃ
នៅរសៀលថ្ងៃទី១០ ខែធ្នូ ឆ្នាំ ២០២០ ដោយមានការយកចិត្តទុកដាក់ គិតគូពីសុខទុក្ខកងកម្លាំងក្រោមឱវាទ ឯកឧត្តម នាយឧត្តមសេនីយ៍ ប៉ែន វិបុល អគ្គស្នងការរង និងជាប្រធាននាយកដ្ឋានបុគ្គលិក បានចាត់តាំងលោកឧត្តមសេនីយ៍ត្រី យឹម សំអាន នាយការិយាល័យ រដ្ឋបាលសរុប នៃនាយកដ្ឋានបុគ្គលិក ក្រសួងមហាផ្ទៃ ជាតំណាង នាំយកថវិកាចំនួន ២.០០០.០០០រៀល ជូនលោកអនុសេនីយ៍ឯក រស់ ហ៊ន នាយរងផ្នែកសណ្តាប់ធ្នាប់ ចរាចរណ៍ នៃអធិការដ្ឋាននគរបាល ខណ្ឌច្បារអំពៅ ដែលមានជម្ងឺដុះដុំសាច់ក្រោមថ្លើម កំពុងសម្រាកព្យាបាលនៅប្រទេសថៃ តាមរយៈលោកវរសេនីយ៍ឯក ម៉ៅ សឿត អធិការនរគបាល ខណ្ឌច្បារអំពៅ និងក្មួយប្រុសលោក រស់ ហ៊ន នៅអធិការដ្ឋាននគរបាល ខណ្ឌច្បារអំពៅ។ ក្នុងឱកាសសួរសុខទុក្ខ ក្រុមគ្រួសារលោកអនុសេនីយ៍ឯក បានថ្លែងអំណរគុណចំពោះឯកឧត្តម នាយឧត្តមសេនីយ៍ ប៉ែន វិបុល អគ្គស្នងការរង និងជាប្រធាននាយកដ្ឋានបុគ្គលិក និងលោកអធិការ ដែលយកចិត្តទុកដាក់ដល់មន្រី្ត ដែលមានជំងឺ និងជួបការលំបាក៕
-
ព័ត៌មានជាតិ ៨ ធ្នូ ២០២០លោកអនុសេនីយ៍ឯក រស់ ហ៊ន ជាមន្ត្រីសកម្មការងារ ឈរជើងធ្វើចរាចរណ៍នៅភ្លើងស្តុបផ្សារច្បារអំពៅ ផ្លូវជាតិលេខ១ កំពុងសម្រាកព្យាបាលជំងឺ ត្រូវបានតំណាងឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ នាំយកថវិកា និងអំណាយមួយចំនួនផ្តល់ជូន
នៅព្រឹកថ្ងៃទី០៨ ខែធ្នូ ឆ្នាំ២០២០ លោកឧត្តមសេនីយ៍ទោ បេង ដាណារ៉ា ស្នងការរង ទទួលដឹកនាំអធិការដ្ឋាននគរបាល ខណ្ឌច្បារអំពៅ តំណាងឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ និង លោកវរសេនីយ៍ឯក ម៉ៅ សឿត អធិការនគរបាលខណ្ឌច្បារអំពៅ បានអញ្ជើញសួរសុខទុក្ខ លោកអនុសេនីយ៍ឯក រស់ ហ៊ន នាយរងផ្នែកសណ្ដាប់ធ្នាប់ ចរាចរណ៍ នៃអធិការដ្ឋាននគរបាល ខណ្ឌច្បារអំពៅ ដែលជាមន្ត្រីសកម្មការងារ ឈរជើងធ្វើចរាចរណ៍នៅភ្លើងស្តុប ផ្លូវជាតិលេខ១ (ផ្សារច្បារអំពៅ) មានជំងឺដុះដំសាច់ក្រោមថ្លើម កំពុងសម្រាកព្យាបាល នៅមន្ទីពេទ្យកាល់ម៉ែត។ ក្នុងឱកាសនោះដែរ លោកស្នងការរង បាននាំយកនៅថវិកាឧបត្ថមរបស់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ចំនួន ៥០០ដុល្លា និងអំណោយអធិការនគរបាលខណ្ឌច្បារអំពៅ រួមមាន ៖ ទឹកសុទ្ធ០៤កេះ, ទឹកក្រូច ០២កេះ, ទឹកដោះគោឆៅ ០២ឡូ និងថវិកា ១.៥០០.០០០រៀល […]
-
ព័ត៌មានជាតិ ៨ ធ្នូ ២០២០អគ្គិភ័យឆេះហាងមួយកន្លែង ស្ថិតនៅខណ្ឌចំការមន បណ្តាលឲ្យខូចខាតសម្ភារៈមួយចំនួន ត្រូវបានសមត្ថកិច្ចអន្តរាគមន៍ ពន្លត់ទាន់ពេលវេលា
នៅព្រឹកថ្ងៃទី០៨ ខែធ្នូ ឆ្នាំ២០២០ វេលាម៉ោង១០ និង៤០នាទី មានករណីអគ្គិភ័យឆាបឆេះនៅហាងយីហោ យ៉ាឃុន កាយ៉ា ថូស នៅចំណុចផ្ទះលេខ២៩ ផ្លូវលេខ២៩៤ ក្រុមទី២៣ ភូមិ៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ កម្លាំងជំនាញផ្នែកអគ្គិភ័យបានឲ្យដឹងថា ករណីឆេះនេះបណ្តាលមកពីឆ្លងចរន្តអគ្គីសនី ហើយធ្វើឲ្យខូចខាត ផ្ទុះកន្ទុយម៉ាស៊ីនត្រជាក់ ០៥គ្រឿង។ តាមប្រភពពីសមត្ថកិច្ចបានឲ្យដឹងថា ក្នុងការពន្លត់អគិ្គភ័យនេះ បានប្រើប្រាស់រថយន្តពន្លត់អគិ្គភ័យជាច្រើនគ្រឿង៖ -ក្រសួងមហាផ្ទៃ ០១ គ្រឿង -ទីក្រុងកោះពេជ្រ ០៤ គ្រឿង -ស្នងការនគរបាលរាជធានីភ្នំពេញ ០៣គ្រឿង ហើយប្រើប្រាស់ទឹកអស់ ចំនួន ០៣ឡាន ករណីគ្រោះអគ្គិភ័យនេះ មិនបណ្តាលឲ្យមានអ្នកស្លាប់ ឬរបួសឡើយ ហើយត្រូវបានពន្លត់ចប់នៅម៉ោង១១៖00នាទីព្រឹក នាថ្ងៃដដែល៕
-
ព័ត៌មានជាតិ ៤ ធ្នូ ២០២០បញ្ជាការដ្ឋានកងពលតូច លេខ៧០ ឧបត្ថម្ភឧបករណ៍បាញ់ថ្នាំសម្លាប់មេរោគ ចំនួន០២គ្រឿង ដល់ស្នងការដ្ឋាននគរបាលរាជធានីភ្នំពេញ
ដោយបានទទួលការអនុញ្ញាតពីសំណាក់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ និងការដឹកនាំចង្អុលបង្ហាញរបស់លោកឧត្តមសេនីយ៍ទោ បេង ដាណារ៉ា ស្នងការរង ទទួលផែនការងារភស្តុភារ និងហិរញ្ញវត្ថុ នៅព្រឹកថ្ងៃទី០៤ ខែធ្នូ ឆ្នាំ២០២០ កម្លាំងការិយាល័យ សុខាភិបាល ទៅទទួលយកឧបករណ៍បាញ់ថ្នាំសម្លាប់មេរោគ ចំនួន០២គ្រឿង ពីបញ្ជាការដ្ឋានកងពលតូច លេខ៧០ ដើម្បីចូលរួមចំណែកក្នុងការបង្ការ ទប់ស្កាត់ការរីករាលដាលជំងឺកូវីដ១៩។ ក្នុងឱកាសនោះដែរ ជំនួសមុខឯកឧត្តមស្នងការ លោកវរសេនីយ៍ឯក ស៊ាន សារ៉ាវុឌ្ឍ នាយការិយាល័យ សុខាភិបាល បានថ្លែងអំណរគុណចំពោះកាយវិការ សប្បុរសធម៌ដ៏ប្រពៃរបស់ឯកឧត្តម ឧត្តមសេនីយ៍ឯក ម៉ៅ សុផាន់ មេបញ្ជាការរងកងទ័ពជើងគោក និងជាមេបញ្ជាការកងពលតូច លេខ៧០ ដោយបានជួយឧបត្ថម្ភឧបករណ៍ បាញ់សម្លាប់មេរោគនេះ៕
-
ព័ត៌មានជាតិ ៣ ធ្នូ ២០២០ក្រុមការងារសមាគមអតីតយុទ្ធជនកម្ពុជា ខណ្ឌដូនពេញ ចុះសំណេះសំណាល និងនាំយកថវិកាមរណៈសង្រ្គោះ ប្រគល់ជូនក្រុមគ្រួសារសព សមាជិកចំនួន០៣គ្រួសារ
នៅថ្ងៃទី០៣ ខែធ្នូ ឆ្នាំ២០២០ វេលាម៉ោង ១០ និង៣០នាទី គណៈកម្មាធិការសមាគម អតីតយុទ្ធជនកម្ពុជា (ស.អ.ក) ខណ្ឌដូនពេញ រាជធានីភ្នំពេញ បានអញ្ជើញសំណេះសំណាល និងសួរសុខទុក្ខ ព្រមទាំងប្រគល់ថវិកាមរណៈសង្រ្គោះ ជូនគ្រួសារសមាជិក ស.អ.ក ចំនួន ០៣គ្រួសារ។ ១- ឈ្មោះ រស់ ថន ភេទប្រុស ជាជនពិការ ស្នាក់នៅផ្ទះ ១២អឺ១ ផ្លូវ១៥៤ ភូមិ៥ សង្កាត់ជ័យជំនះ ខណ្ឌដូនពេញ ទទួលបានថវិកាចំនួន ៤០០០.០០០រៀល (បួន លាន រៀលគត់ ) ។ ២- ឈ្មោះ ទេព ផល្លី ភេទស្រី គ្រួសារពលី ស្នាក់នៅភូមិ១០ សង្កាត់វត្តភ្នំ ខណ្ឌដូនពេញ ទទួលបានថវិកាចំនួន ៤០០០.០០០រៀល (បួន លាន រៀលគត់ ) ។ ៣- ឈ្មោះ […]
-
ព័ត៌មានជាតិ ៣ ធ្នូ ២០២០កម្លាំងជំនាញផ្នែកអត្តសញ្ញាណកម្ម អញ្ជើញប្រជាពលរដ្ឋរស់នៅក្នុងខណ្ឌពោធិ៍សែនជ័យ មកបំពេញបែបបទធ្វើអត្តសញ្ញាណប័ណ្ណ សញ្ជាតិខ្មែរ
នៅថ្ងៃទី០៣ ខែធ្នូ ឆ្នាំ២០២០ កម្លាំងផ្នែកអត្តសញ្ញាណកម្ម នៃអធិការដ្ឋាននគរបាល ខណ្ឌពោធិ៍សែនជ័យ បានបំពេញបែបបទដើម្បីធ្វើអត្តសញ្ញាណប័ណ្ណសញ្ជាតិខ្មែរ ជូនប្រជាពលរដ្ឋរស់នៅក្នុងសង្កាត់ទាំង ៧ ក្នុងខណ្ឌពោធិ៍សែនជ័យ សរុបចំនួន០៨នាក់ ប្រុស០៧នាក់ ស្រី០១នាក់៕ ទោះបីយ៉ាងណា កម្លាំងជំនាញផ្នែកអត្ដសញ្ញាណកម្ម នៅតែបន្ដផ្ដល់បំរើសេវាជូនដល់ប្រជាពលរដ្ឋ ដែលគ្រប់អាយុតាមលក្ខខណ្ឌនៃការកំណត់របស់ច្បាប់ ពិសេសអ្នកបាត់ ឫខុសលក្ខណៈបច្ចេកទេសជាដើម។ ក្នុងឱកាសនោះផងដែរ កម្លាំងជំនាញក៏បានផ្សពផ្សាយ ដល់បងប្អូនប្រជាពលរដ្ឋត្រូវរក្សាអនាម័យ លាងដៃជាមួយអាកុលឬ ជែល និងពាក់ម៉ាសការពារឲ្យបានត្រឹមត្រូវ និងជាប្រចាំ ដើម្បីបង្ការទប់ស្កាត់ការរីករាយដាលនៃជំងឺកូវីដ១៩៕
-
ព័ត៌មានជាតិ ២ ធ្នូ ២០២០លោកវរសេនីយ៍ឯក ហុង ពិសិដ្ឋ នាយការិយាល័យបណ្តុះបណ្តាល ដឹកនាំមន្ត្រីក្រោមឱវាទ ព្រមទាំងនាំយកថវិកា ចុះសួរសុខទុក្ខមន្ត្រីនគរបាល ដែលកំពុងសម្រាកព្យាបាលជំងឺ នៅមន្ទីរពេទ្យលោកសង្ឃ
ដោយមានការយកចិត្តទុកដាក់ជាបន្តបន្ទាប់ពីសំណាក់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី០២ ខែធ្នូ ឆ្នាំ២០២០ វេលាម៉ោង៩ព្រឹក លោកវរសេនីយ៍ឯក ហុង ពិសិដ្ឋ នាយការិយាល័យបណ្តុះបណ្តាល ព្រមទាំងមន្ត្រីក្រោមឱវាទ ចុះសួរសុខទុក្ខ នាំយកគ្រឿងបរិភោគមួយចំនួន ព្រមទាំងថវិកា ជូនលោកអនុសេនីយ៍ឯក នួន ថុន នាយផ្នែកកម្មវិធីសិក្សា ដែលបានវះកាត់បូសអន្ទុងក្នុងពោះវៀន កំពុងសម្រាកព្យាបាល នៅមន្ទីរពេទ្យលោកសង្ឃ។ ក្នុងឱកាសនេះដែរ លោកអនុសេនីយ៍ឯក ក៏បានគោរពនិងថ្លែងអំណរគុណ ចំពោះឯកឧត្តមស្នងការ ដែលតែងតែយកចិត្តទុក្ខដាក់មន្ត្រីក្រោមឱវាទ ជាពិសេសនៅពេលដែលមន្ត្រីនគរបាលមានជម្ងឺមិនថាបុរស ឬ ស្ត្រី ឯកឧត្តមតែងយកចិត្តទុក្ខដាក់គ្រប់ពេល៕
