សូមចុចនៅលើអធិការខណ្ឌ ដើម្បីទទួលបានលេខទូរស័ព្ទទំនាក់ទំនង

លោកឧត្ដមសេនីយ៍ទោ ប៊ុន សុសិក្ខា ស្នងការរង តំណាងឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានដឹកនាំកម្លាំងនគរបាល ព្រមទាំងនាំយកថវិកាប្រគល់ជូន គ្រួសារមន្ត្រីនគរបាល ដែលបានទទួលមរណៈភាព

នៅព្រឹកថ្ងៃទី១៥ ខែធ្នូ ឆ្នាំ២០២០ លោកឧត្ដមសេនីយ៍ទោ ប៊ុន សុសិក្ខា ស្នងការរង តំណាងឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានដឹកនាំកម្លាំងអធិការដ្ឋាននគរបាល ខណ្ឌចំការមន ចូលរួមគោរពវិញ្ញាណក្ខ័ន្ លោកអនុសេនីយ៍ឯក ជាប វណ្ណថន មន្ត្រីនគរបាលផ្នែកអន្តរាគមន៍ នៃអធិការដ្ឋាននគរបាលខណ្ឌ ចំការមន ទទួលមរណៈភាព កាលពីថ្ងៃទី៣​ ខែ​ធ្នូ​ ឆ្នាំ​២០២០​ ដោយសារ​ឧបទ្ទវហេតុ​គ្រោះថ្នាក់​ចរាចរ​។

ជាមួយនេះដែរ លោកស្នងការរង ក៏បាន​មាន​មតិ​សំណេះសំណាលជាមួយ​ក្រុម​គ្រួសារ​សព និងចូលរួមរំលែកទុក្ខដ៏ក្រៀមក្រំនេះ ចំពោះការបាត់បង់មន្ត្រីដ៏ល្អ ដែលសកម្មនឹងការងារ ជាពិសេសបាត់បង់ស្វាមី លោកឪពុកជាទីស្រឡាញ់ របស់ក្រុមគ្រួសារសព។ ស្រប​ពេល​ជាមួយ​នោះ​ដែរ លោកស្នងការរង ក៏បាននាំយកថវិកាមួយចំនួនប្រគល់ជូនគ្រួសារសព យកទៅចាត់ចែងធ្វើបុណ្យតាមប្រពៃណី៕

អត្ថបទពេញនិយម

ក្រុមហ៊ុនឧបត្ថម្ភ

អត្ថបទប្រចាំថ្ងៃ