-
ព័ត៌មានអន្តរជាតិ ២៧ តុលា២០២០ព័ត៌មានអន្តរជាតិ ៖ ប្រទេសវៀតណាមត្រៀមជម្លៀសប្រជាជន ១,៣លាននាក់ នៅពេលដែលព្យុះទីហ្វុង Molave ជិតមកដល់
យោងតាមសារព័ត៌មាន Bangkok Post បានឲ្យដឹងថា ប្រទេសវៀតណាមកំពុងត្រៀមជម្លៀសប្រជាជនជិត ១,៣លាននាក់ ដោយសារឥទ្ធិពលនៃព្យុះ Molave ដែលបានបោកបក់លើប្រទេសហ្វីលីពីនពេញមួយយប់ ដោយបង្កឱ្យមានទឹកជំនន់ និងការរលំបាក់ដី និងបណ្តាលឲ្យអ្នកនេសាទយ៉ាងតិចរាប់សិបនាក់បាត់ខ្លួនកាលពីថ្ងៃចន្ទកន្លងមកនេះ។ ទីភ្នាក់ងារគ្រោះមហន្តរាយនេះបាននិយាយថា ព្យុះទីហ្វុង Molave ដែលមានល្បឿនខ្យល់ ១២៥ គីឡូម៉ែត្រក្នុងមួយម៉ោង និងមានកម្លាំងដល់ ១៥០ គីឡូម៉ែត្រក្នុងមួយម៉ោង បានចាកចេញពីកោះ Luzon របស់ប្រទេសហ្វីលីពីនកាលពីព្រឹកថ្ងៃចន្ទ ដោយបង្កឱ្យមានភ្លៀងធ្លាក់ខ្លាំង ការបាក់ដី និងទឹកជំនន់នៅក្នុងតំបន់ចំនួន ១១ ។ ពុំមានរបាយការណ៍អំពីការស្លាប់ និងរបួសទេ ប៉ុន្តែអ្នកនេសាទចំនួន ១២នាក់ នៅតាមសមុទ្រពុំបានវិលត្រឡប់ទៅខេត្ត Catanduanes នៅឆ្នេរសមុទ្រភាគខាងកើតរបស់ប្រទេសវិញនៅឡើយទេ។ ព្យុះទីហ្វុង Molave ត្រូវបានគេព្យាករណ៍ថានឹងទៅដល់ភាគកណ្តាលប្រទេសវៀតណាមនៅថ្ងៃពុធនេះ ជាមួយនឹងល្បឿនខ្យល់រហូតដល់ ១៣៥ គីឡូម៉ែត្រក្នុងមួយម៉ោង។ ព្យុះនេះនឹងក្លាយជាព្យុះទី ៤ ដែលវាយប្រហារមកលើប្រទេសវៀតណាមក្នុងរយៈពេលមួយខែ ដែលក្នុងនោះ ទឹកជំនន់ និងការបាក់ដីបានសម្លាប់មនុស្ស ១៣០នាក់ និងមនុស្សចំនួន ២០នាក់ បានបាត់ខ្លួននៅតំបន់កណ្តាល៕ ប្រភព ៖ Bangkokpost.com
-
ព័ត៌មានអន្តរជាតិ ២៦ តុលា២០២០ព័ត៌មានអន្តរជាតិ ៖ ប្រទេសចិននឹងធ្វើតេស្តរកវីរុស Covid-19 ជាលក្ខណៈទ្រង់ទ្រាយធំ បន្ទាប់ពីមានការឆ្លងថ្មីចំនួន ១៣៧ករណី នៅក្នុងខេត្ត
អាជ្ញាធរនៅក្នុងប្រទេសចិនបានដុតដៃដុតជើងនៅថ្ងៃអាទិត្យ (២៥ តុលា) ម្សិលមិញនេះ ដើម្បីទប់ស្កាត់ការផ្ទុះឡើងថ្មីនៃមេរោគ Covid019 នៅភាគពាយព្យនៃប្រទេស បន្ទាប់ពីការឆ្លងថ្មី ១៣៧ករណី ត្រូវបានរកឃើញ។ ការធ្វើតេស្តជាលក្ខណៈទ្រង់ទ្រាយធំបានចាប់ផ្តើមកាលពីល្ងាចថ្ងៃសៅរ៍ ទៅលើប្រជាជនចំនួន ៤,៧៥ លាននាក់ នៅក្នុងនិងជុំវិញតំបន់ខាសឆ្កា ខេត្តស៊ីនជាំង បន្ទាប់ពីកម្មការិនីរោងចក្រកាត់ដេរអាយុ ១៧ ឆ្នាំម្នាក់បានធ្វើតេស្តវិជ្ជមាន Covid-19។ គណៈកម្មការសុខាភិបាលខេត្ត ស៊ីនជាំង បានប្រាប់សន្និសីទសារព័ត៌មានមួយកាលពីថ្ងៃអាទិត្យថា ករណីថ្មីទាំងអស់ត្រូវបានផ្សារភ្ជាប់ទៅនឹងរោងចក្រមួយក្នុងតំបន់ស៊ូហ្វូ ដែលជាកន្លែងដែលក្មេងស្រី និងឪពុកម្តាយរបស់នាងធ្វើការ។ ទូរទស្សន៍ពិសេស CCTV បានរាយការណ៍ថា ក្រុមពិសេសមួយមកពីគណៈកម្មការសុខភាពជាតិទីក្រុងប៉េកាំងត្រូវបានបញ្ជូនទៅស៊ើបអង្កេតប្រភពនៃការផ្ទុះឡើង និងជួយក្នុងវិធានការបង្ការ។ រដ្ឋាភិបាលទីក្រុងបាននិយាយនៅក្នុងសេចក្តីថ្លែងការណ៍មួយថា គិតត្រឹមរសៀលថ្ងៃអាទិត្យ គំរូជាង ២,៨លាន ត្រូវបានប្រមូលនៅក្នុងតំបន់ ហើយគំរូដែលនៅសល់នឹងត្រូវបញ្ចប់ក្នុងរយៈពេលពីរថ្ងៃទៀត។ រដ្ឋាភិបាលបាននិយាយថាសាលារៀនទាំងអស់នៅខាសឆ្កា ត្រូវបានបិទរហូតដល់ថ្ងៃទី ៣០ ខែតុលា ហើយអ្នកណាម្នាក់ ដែលចាកចេញពីទីក្រុង ត្រូវបង្ហាញតេស្តអាស៊ីដនុយក្លេអ៊ែរអវិជ្ជមាន៕ ប្រភព ៖ channelnewsasia.com
-
ព័ត៌មានអន្តរជាតិ ២២ តុលា២០២០ព័ត៌មានអន្តរជាតិ ៖ ព្យុះត្រូពិក Saudel បានបោកបក់មកលើប្រទេសហ្វីលីពីន និងបន្តឆ្ពោះទៅកាន់ប្រទេសវៀតណាម
អាជ្ញាធរនៃប្រទេសហ្វីលីពីនបាននិយាយកាលពីថ្ងៃពុធថា ព្យុះត្រូពិក Saudel បានបោកបក់មកលើប្រទេសហ្វីលីពីន និងបង្កឱ្យមានទឹកជំនន់ និងអ្នកស្រុករាប់ពាន់នាក់ត្រូវបានជម្លៀសចេញរកកន្លែងសុវត្ថិភាព ។ ខណៈពេលនេះ ព្យុះមួយនេះកំពុងឆ្ពោះទៅកាន់ប្រទេសវៀតណាម ដែលមានមនុស្សជាង ១០០នាក់ បានស្លាប់ ដោយសារទឹកជំនន់ និងការរលំបាក់ដី ។ នៅភាគអាគ្នេយ៍នៃរដ្ឋធានីម៉ានីលឡា នៃប្រទេសហ្វីលីពីន រូបភាពបានបង្ហាញពីការជន់លិច និងទូកជាច្រើនគ្រឿងត្រូវបានប្រើប្រាស់ ក្នុងការដឹកជញ្ជូនអ្នកស្រុកទៅកន្លែងទួលសុវត្ថិភាព ។ យោងតាមទិន្នន័យពីទីភ្នាក់ងារគ្រោះមហន្តរាយបានបង្ហាញថា មនុស្សជិត ៦.០០០នាក់ ត្រូវបានជម្លៀសចេញនៅតាមខេត្តនានានៅភាគខាងត្បូង នៃទីក្រុងម៉ានីលឡាគិតត្រឹមយប់ថ្ងៃអង្គារ បើទោះបីជាពុំទាន់មានរបាយការណ៍នៃការស្លាប់ និងរបួសក៏ដោយ មកទល់ពេលនេះ ៕ ប្រភព ៖ www.aljazeera.com
-
ព័ត៌មានអន្តរជាតិ ២២ តុលា២០២០ប្រទេសវៀតណាម ៖ មនុស្សជាង ១០០នាក់ បានស្លាប់នៅក្នុងគ្រោះទឹកជំនន់ និងការបាក់ដីក្នុងតំបន់កណ្តាលនៃប្រទេសវៀតណាម
ព័ត៌មានបច្ចុប្បន្នភាពចុងក្រោយពីអាជ្ញាធរគ្រោះមហន្តរាយនៅប្រទេសវៀតណាមបានបង្ហាញថា ទឹកជំនន់ និងការបាក់ដីបានឆក់យកជីវិតមនុស្សចំនួន ១០២នាក់ នៅតាមបណ្តាខេត្តភាគកណ្តាលនៃប្រទេស ចាប់តាំងពីមានភ្លៀងធ្លាក់ខ្លាំងកាលពី ២ សប្តាហ៍មុន។ គិតមកត្រឹមពេលនេះ មនុស្សចំនួន ៤៨នាក់ បានស្លាប់នៅខេត្ត Quang Tri និង ២៧នាក់ នៅ Thua Thien Hue។ យ៉ាងហោចណាស់ផ្ទះចំនួន ១៧៨.០០០ខ្នង ត្រូវបានលិចដោយសារទឹកជំនន់។ ប្រជាជនជាង ៩០,០០០នាក់ បានជម្លៀសចេញពីផ្ទះរបស់ខ្លួន និងផ្លាស់ទៅតំបន់ដែលមានសុវត្ថិភាពក្នុងខេត្ត Ha Tinh, Quang Binh, Quang Tri, ខេត្ត Thua Thien-Hue ។ យោងតាមសមាគមកាកបាទក្រហមវៀតណាមបានឲ្យដឹងថា គ្រោះទឹកជំនន់ពេលនេះមានស្ថានភាពអាក្រក់បំផុត ដែលបានជួបប្រទះក្នុងប៉ុន្មានទសវត្សចុងក្រោយនេះ និងកំពុងជះឥទ្ធិពលអាក្រក់ដល់ជីវភាពរស់នៅរបស់ប្រជាជនរាប់លាននាក់ដែលកំពុងជួបនឹកការលំបាកដែលបណ្តាលមកពីជំងឺរាតត្បាតរ៉ាំរ៉ៃ Covid-19 ។ ភ្លៀងធ្លាក់ខ្លាំងនឹងកើតឡើង ដែលបណ្តាលមកពីខ្យល់ព្យុះត្រូពិក Saudel ដែលធ្វើដំណើរឆ្ពោះទៅប៉ែកខាងលិច នៃប្រទេសហ្វីលីពីន និងឆ្ពោះទៅកាន់ប្រទេសវៀតណាមក្នុងរយៈពេលប៉ុន្មានថ្ងៃខាងមុខនេះ៕ ប្រភព ៖ floodlist.com
-
ព័ត៌មានអន្តរជាតិ ១៦ តុលា២០២០ព័ត៌មានអន្តរជាតិ ៖ សាកសពចំនួន ១២ ត្រូវបានរកឃើញស្ថិតនៅក្រោមគំនរដី បាក់រលំនៅក្នុងប្រទេសវៀតណាម
កាលពីថ្ងៃព្រហស្បតិ៍ម្សិលមិញ អាជ្ញាធរប្រទេសវៀតណាមបានរកឃើញសាកសពរបស់ក្រុមសង្គ្រោះចំនួន ១២នាក់ ដែលបានកប់នៅពីក្រោមគំនរដីបាក់ និងបានបញ្ជាក់អំពីការស្លាប់របស់មនុស្ស ០៤នាក់ ផ្សេងទៀត ដែលបានបាត់ខ្លួន។ ការរកឃើញនេះ ធ្វើឲ្យចំនួនអ្នកស្លាប់ដោយសារគ្រោះទឹកជំនន់ និងខ្យល់ព្យុះនៅក្នុងប្រទេសវៀតណាមកើនឡើងដល់ ៤៩នាក់។ អាជ្ញាធរបាននាំសាកសពទាំងនោះទៅកាន់មន្ទីរពេទ្យនៅក្បែរនោះ ដើម្បីធ្វើការកំណត់រកអត្តសញ្ញាណបន្តទៀត។ ខណៈពេលនេះដែរ កម្លាំងសង្គ្រោះបន្ទាន់នៅតែបន្តការស្វែងរកមនុស្សចំនួន ០៤នាក់ ទៀត ដែលត្រូវបានជឿជាក់ថា បានកប់នៅពីក្រោមគំនរដីដែលបានបាក់នោះ។ មកទល់ពេលនេះ វាសនារបស់អ្នកសង្គ្រោះទាំងនោះនៅមិនទាន់ដឹងច្បាស់នៅឡើយទេ។ គួររំលឹកផងដែរថា តំបន់កណ្តាលនៃប្រទេសវៀតណាមបានរងការប៉ះពាល់ដោយចំនួនទឹកភ្លៀងធ្លាក់ខ្លាំងចាប់តាំងពីថ្ងៃអង្គារ ខណៈពេលដែលខ្យល់ព្យុះចំនួន ០២ បានបំផ្លិចបំផ្លាញតំបន់មាត់សមុទ្រ។ ភ្លៀងច្រើនសន្ធឹកសន្ធាប់បានបង្កឲ្យមានមនុស្សស្លាប់ចំនួនច្រើនជាង ៥០នាក់ និងធ្វើឲ្យលិចលង់ផ្ទះប្រជាពលរដ្ឋចំនួន ១៥០.០០០ ខ្នង និង សាលារៀនចំនួន ២៤៤ខ្នង នៅក្នុងតំបន់។ ជំនន់ទឹកភ្លៀង និង ការបាក់ដី ត្រូវបានរំពឹងថានឹងកើតមានក្នុងរយៈពេលប៉ុន្មានថ្ងៃខាងមុខនេះ បន្ទាប់ពីខ្យល់ព្យុះ ណាំងកា បានមកដល់តំបន់កណ្តាលនៃប្រទេសកាលពីថ្ងៃពុធកន្លងមកនេះ។ អាជ្ញាធរនៅតែមានក្តីបារម្ភថា ស្ថានភាពនឹងកាន់តែធ្ងន់ធ្ងរ ខណៈពេលវិសម្ពាធទាបមួយទៀតកំពុងគ្របដណ្តបតំបន់ឆ្នេរ ដែលបានទទួលរងគ្រោះរួមកហើយ៕ ប្រភព ៖ nnn.ng
-
ព័ត៌មានអន្តរជាតិ ១៤ តុលា២០២០ព័ត៌មានអន្តរជាតិ ៖ ព្យុះ ណាងកា ត្រូវបានគេព្យាករណ៍ថានឹងវាយប្រហារតំបន់ផ្សេងៗ នៅក្នុងប្រទេសវៀតណាមនារសៀលនេះ
យោងតាមការព្យាករណ៍របស់មជ្ឈមណ្ឌលជាតិ សម្រាប់ឧតុនិយមវិទ្យាបានឱ្យដឹងថា នៅថ្ងៃទី ១៤ ខែតុលា ឆ្នាំ២០២០ នេះ ព្យុះ ណាងកា នឹងបោកបក់មកលើ តំបន់កណ្តាលនៃប្រទេសវៀតណាម ដែលមានចម្ងាយប្រមាណ ៧០ គីឡូម៉ែត្រ ភាគអាគ្នេយ៍នៃកោះ បាសឡុងវី ដែលមានកម្លាំងខ្យល់ ៧៥-៩០ គីឡូម៉ែត្រក្នុងមួយម៉ោង។ ភ្លៀងធ្លាក់ខ្លាំងនឹងបង្កឱ្យមានហានិភ័យខ្ពស់នៃការបាក់ដី នៅតំបន់រ៉ែធ្យូងថ្មនៅក្នុងខេត្ត Quang Ninh ។ អាជ្ញាធរក្នុងខេត្ត ថាញហាវ បានចេញសេចក្តីប្រកាសជាបន្ទាន់ដើម្បីឆ្លើយតបនឹងព្យុះ ណាងកា នេះ។ កប៉ាល់ និងទូកក្នុងស្រុកជាង ៧.០០០ គ្រឿង ត្រូវបានជូនដំណឹងអំពីព្យុះ។ ទន្ទឹមនឹងនេះដែរ លោក ហ្វាង ភុកឡាំ អនុប្រធានមជ្ឈមណ្ឌលជាតិ ព្យាករណ៍ឧតុនិយមវិទ្យា បានឲ្យដឹងថា វិសម្ពាធទាបមួយទៀតបានលេចចេញនៅតំបន់សមុទ្រនៅភាគខាងកើតនៃប្រទេសហ្វីលីពីន។ វិសម្ពាធទាបនេះនឹងផ្លាស់ទៅសមុទ្រខាងកើត នៅថ្ងៃទី ១៥ ខែតុលា ធ្វើឲ្យប្រទេសវៀតណាមនឹងទទួលនូវបរិមាណទឹកភ្លៀងជាច្រើន៕ ប្រភព ៖ vietnaminsider.vn
-
ព័ត៌មានអន្តរជាតិ ១២ តុលា២០២០ព័ត៌មានអន្តរជាតិ ៖ ជំនន់ទឹកភ្លៀងធ្វើឲ្យប្រជាជនរាប់ពាន់នាក់គ្មានទីលំនៅ តាមតំបន់ទន្លេមេគ្គង
គ្រួសាររាប់រយគ្រួសារនៅក្នុងខេត្តចំនួន ៣ នៃប្រទេសកម្ពុជា គឺខេត្តពោធិ៍សាត់ បាត់ដំបង និងប៉ៃលិន ត្រូវបានបង្ខំឱ្យជម្លៀសចេញ នៅពេលមានភ្លៀងធ្លាក់ខ្លាំង ដែលបញ្ជាក់ពីការមកដល់នៃវិសម្ពាធទាប់ទូទាំងតំបន់មេគង្គ។ អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយកម្ពុជា បានប្រាប់ទីភ្នាក់ងារសារព័ត៌មាន AFP កាលពីយប់ថ្ងៃសៅរ៍ថា “កុមារអាយុ ២ឆ្នាំ និងបុរសអាយុ ៥៧ឆ្នាំ បានលង់ទឹកស្លាប់ដោយសារទឹកជំនន់” ។ នៅភាគកណ្តាលប្រទេសវៀតណាម ទឹកភ្លៀងជិតមួយម៉ែត្របានធ្លាក់ចុះក្នុងរយៈពេលប៉ុន្មានថ្ងៃកន្លងមកនេះ។ អាជ្ញាធរគ្រប់គ្រងគ្រោះមហន្តរាយបាននិយាយថា មនុស្ស ៥នាក់ បានស្លាប់និង ៨នាក់ ផ្សេងទៀតកំពុងបាត់ខ្លួន ខណៈទឹកជំនន់បានជន់លិចផ្ទះជាង ៣៣.០០០ខ្នង និង បង្ខំឲ្យ មនុស្សជាង ២៦.០០០នាក់ ជម្លៀសចេញ។ នៅក្នុងប្រទេសថៃ ផ្លូវថ្នល់ប្រែទៅជាទន្លេ និងទឹកបានលិចលង់ទ្រព្យសម្បត្តិនៅក្នុងខេត្ត ណាខនរ៉ាក់ស៊ីម៉ា របស់ប្រទេសថៃ ខណៈពេលដែលអ្នកស្រុកបាននាំគ្នាដាក់បាវខ្សាច់ដើម្បីទប់ទឹក និងរើឥវ៉ាន់ទៅកន្លែងខ្ពស់។ អភិបាលខេត្តលោក វីចៀន ចន្ត្រានុតថៃ បានមានប្រសាសន៍ថា សង្កាត់ប៉ាកជុងគឺជាតំបន់រងគ្រោះខ្លាំងជាងគេ ដោយមានប្រជាជន ៨០០០ គ្រួសារ និងប្រជាជនចំនួន ១២.០០០នាក់ រងផលប៉ះពាល់។ ផ្ទះប្រមាណ ២០០ខ្នង ត្រូវបានជន់លិច។ […]
-
ព័ត៌មានអន្តរជាតិ ១២ តុលា២០២០ព័ត៌មានអន្តរជាតិ ៖ យ៉ាងហោចណាស់មនុស្សចំនួន ១៧នាក់ បានស្លាប់ដោយសារទឹកជំនន់នៅក្នុងប្រទេសវៀតណាម
ប្រព័ន្ធផ្សព្វផ្សាយរដ្ឋបានឲ្យដឹងកាលពីថ្ងៃអាទិត្យ (ថ្ងៃទី ១១ ខែតុលា) ថា យ៉ាងហោចណាស់មានមនុស្សចំនួន ១៧នាក់ បានស្លាប់ដោយសារទឹកជំនន់នៅតាមបណ្តាខេត្តភាគកណ្តាលរបស់ប្រទេសវៀតណាមកាលពីសប្តាហ៍មុន ហើយមនុស្សចំនួន ១៣នាក់ ផ្សេងទៀតកំពុងបាត់ខ្លួននៅឡើយ។ ទូរទស្សន៍វៀតណាម VTV បានរាយការណ៍ថា នៅប៉ុន្មានថ្ងៃខាងមុខ ខេត្តនៅតំបន់កណ្តាលនឹងត្រៀមសម្រាប់ព្យុះទីហ្វុងមួយទៀតឈ្មោះ លីនហ្វា ដែលនឹងនាំមកនូវភ្លៀងយ៉ាងច្រើន និងបង្កជាទឹកជំនន់ថែមទៀត។ តាមរយៈវីដេអូដែលបានផ្សាយដោយទូរទស្សន៍ VTV បានបង្ហាញ អ្នកនេសាទត្រូវបានជួយសង្គ្រោះដោយឆ្មាំសមុទ្រ និងឧទ្ធម្ភាគចក្រ ខណៈដែលខ្យល់ខ្លាំងបានបោកបក់ឆ្នេរសមុទ្រវៀតណាមភាគកណ្តាល នៅក្នុងខេត្ត ក្វាងទ្រី។ បើយោងតាមរបាយការណ៍របស់រដ្ឋាភិបាលបានឲ្យដឹងថា ទឹកជំនន់បានកាត់ផ្តាច់ការផ្គត់ផ្គង់ស្បៀងអាហារដល់ប្រជាជនរាប់ពាន់នាក់។ ប្រជាជនប្រមាណ ៣១.០០០នាក់ ត្រូវបានផ្លាស់ទីលំនៅ ហើយផ្ទះជាង ៣៣.០០០ខ្នង ត្រូវបានជន់លិច និងខូចខាតដោយសារទឹកជំនន់៕ ប្រភព ៖ channelnewsasia.com
-
ព័ត៌មានអន្តរជាតិ ១ តុលា២០២០ពត៍មានអន្តរជាតិ ៖ សិង្ហបុរីនឹងដកការរឹតត្បិតព្រំដែនសម្រាប់ភ្ញៀវទេសចរមកពីប្រទេសវៀតណាមចាប់ពីថ្ងៃទី ៨ ខែតុលា នេះតទៅ
អាជ្ញាធរអាកាសចរណ៍ស៊ីវិលសិង្ហបុរី (CAAS) បាននិយាយថា សិង្ហបុរីនឹងដកការរឹតត្បិតព្រំដែនជាឯកតោភាគីចំពោះភ្ញៀវទេសចរ ដែលមកពីប្រទេសវៀតណាម និងអូស្ត្រាលី ដោយមិនរាប់បញ្ចូលរដ្ឋវិចតូរីយ៉ា ចាប់ពីថ្ងៃទី ៨ ខែតុលា នេះតទៅ។ អាជ្ញាធរវៀតណាមបាននិយាយនៅថ្ងៃទី ៣០ ខែកញ្ញាថា ប្រទេសទាំងពីរនេះមានប្រព័ន្ធឃ្លាំមើលសុខភាពសាធារណៈគ្រប់ជ្រុងជ្រោយ និងបានគ្រប់គ្រងដោយជោគជ័យនូវការរីករាលដាលនៃវីរុស Covid-19។ អាជ្ញាធរបានបន្តថា “ ហានិភ័យនៃការនាំចូលពីប្រទេសទាំងនេះគឺទាប ” ។ យោងតាមសារព័ត៌មាន The Straits Times បានរាយការណ៍ថា ប្រទេសវៀតណាម និងអូស្ត្រាលីបានចូលរួមជាមួយនឹងប្រទេសណូវែលហ្សេឡង់ និងប្រ៊ុយណេ ដែលជាប្រទេសទាំងបួន ដែលប្រទេសសឹង្ហបូរីបានបើកព្រំដែនរបស់ខ្លួនជាឯកតោភាគីជាមួយ នៅក្នុងកិច្ចប្រឹងប្រែងដើម្បីជំរុញឱ្យវិស័យទេសចរណ៍ និងទីផ្សារទេសចរណ៍របស់ខ្លួនរស់ឡើងវិញ៕ ប្រភព ៖ vietnamtimes.org.vn
-
ព័ត៌មានអន្តរជាតិ ១ តុលា២០២០ព័ត៌មានអន្តរជាតិ ៖ ក្រុមហ៊ុនអាកាសចរណ៍អាមេរិក (American Airlines) នឹងបញ្ឈប់បុគ្គលិកចំនួន ១៩.០០០នាក់
បើយោងតាមនាយកប្រតិបត្តិលោក Doug Parker បាននិយាយនៅក្នុងអនុស្សរណៈមួយទៅកាន់និយោជិកកាលពីថ្ងៃពុធថា ក្រុមហ៊ុនអាកាសចរណ៍អាមេរិក (American Airlines) នឹងបញ្ឈប់បុគ្គលិកចំនួន ១៩.០០០នាក់ នៅថ្ងៃព្រហស្បតិ៍នេះ។ ក្រុមហ៊ុនអាកាសចរណ៍អាមេរិកនេះ បានស្នើសុំឱ្យសភាសហរដ្ឋអាមេរិកធ្វើការពន្យារពេលកម្មវិធីគាំទ្រប្រាក់ឈ្នួលចំនួន ២៥ពាន់លានដុល្លារ ដែលការពារការងាររហូតដល់ថ្ងៃទី ១ ខែតុលា រយៈពេល ៦ ខែទៀត ប៉ុន្តែរហូតមកដល់ពេលនេះ មិនទាន់មានកិច្ចព្រមព្រៀងណាមួយត្រូវបានធ្វើឡើងនៅឡើយទេ៕ ប្រភព ៖ channelnewsasia.com
