-
ព័ត៌មានអន្តរជាតិ ១២ កក្កដា ២០២១អគ្គិភ័យឆេះឃ្លាំងអំពូលភើ្លងមួយកន្លែង នៅសង្កាត់អូរបែកក្អម ខណ្ឌសែនសុខ បណ្តាលឲ្យខូចខាតសម្ភារៈអស់ទាំងស្រុង
នៅវេលាម៉ោង៣:៣០នាទី ទៀបភឺ្ល ថ្ងៃទី១២ ខែឧសភា ឆ្នាំ២០២១ មានករណីអគ្គិភ័យឆេះឃ្លាំងអំពូលភើ្លងមួយកន្លែង ស្ថិតនៅផ្លូវលំបេងតុង ក្រុមទី៣ ភូមិ អូរបែកក្អម សង្កាត់អូរបែកក្អម ខណ្ឌសែនសុខ រាជធានីភ្នំពេញ។ មូលហេតុនៃការឆេះនេះកម្លាំងជំនាញកំពុងធ្វើការស្រាវជ្រាវ ហើយធ្វើឲ្យខូចខាតឆេះគ្រឿងអគិ្គសនី ១ឃ្លាំងទំហំ១០ម៉ែត្រx១២ម៉ែត្រ អស់ទាំងស្រុង និងពុំបានឆេះរាលដាលដល់ផ្ទះអ្នកជិតខាងឡើយ។ ក្នុងការពន្លត់អគិ្គភ័យនេះ បានប្រើប្រាស់រថយន្តពន្លត់អគិ្គភ័យរបស់ការិយាល័យអគ្គិភ័យ រាជធានីភ្នំពេញ ចំនួន១៥គ្រឿង ប្រើប្រាស់ទឹកអស់៣០ឡាន ស្មើ នឹង១២០ម៉ែត្រគូប និងរថយន្តក្រុមហ៊ុនស្រាបៀរកម្ពុជា ចំនួន១គ្រឿង ប្រើប្រាស់ទឹកអស់២ឡាន។ ករណីគ្រោះអគ្គិភ័យនេះ មិនបណ្តាលឲ្យមានអ្នកស្លាប់ ឬរបួសឡើយ ហើយត្រូវបានពន្លត់ចប់នៅម៉ោង៤:៣០នាទីទៀបភឺ្ល នាថ្ងៃដដែល៕
-
ព័ត៌មានអន្តរជាតិ ២៦ មករា ២០២១ព័ត៌មានអន្តរជាតិ៖ ត្រឹមមួយថ្ងៃសោះ ប្រទេសថៃបានរកឃើញករណីឆ្លងថ្មីនៃវីរុសកូវីដ-១៩ ចំនួន ៩៥៩ករណី
ដោយបំបែកកំណត់ត្រានៃការឆ្លងថ្មី ប្រទេសថៃបានរកឃើញករណីឆ្លងថ្មីចំនួន ៩៥៩ករណី នៅថ្ងៃអង្គារនេះ។ ករណីឆ្លងថ្មីនេះត្រូវបានរកឃើញភាគច្រើននៅក្នុងខេត្ត សាមុទ សាខន ដែលបានបង្កើនការធ្វើតេស្តលើមនុស្សចំនួន ៦០,០០០នាក់ ក្នុងសប្តាហ៍នេះ។ ជាមួយនឹងការធ្វើតេស្តដ៏ទំនើបនេះ មន្រ្តីសុខាភិបាលរំពឹងតួលេខនឹងកើនឡើងនៅក្នុងខេត្តដែលកំពុងមានការឆ្លងដ៏សម្បើមនេះ។ គួរបញ្ជាក់ថា មនុស្សចំនួន ៨៤៨ករណីក្នុងចំណោម ៩៥៩ករណី ត្រូវបាននៅក្នុងប្រតិបត្តិការធ្វើតេស្តដើម្បីទប់ស្កាត់ការរីករាលដាលនៃការឆ្លងក្នុងស្រុក៕ ប្រភព៖ thethaiger.com
-
ព័ត៌មានអន្តរជាតិ ២៦ មករា ២០២១ព័ត៌មានអន្តរជាតិ ៖ ប្រទេសហ្វីលីពីនបញ្ជាក់ពីការឆ្លងក្នុងស្រុកនៃវីរុសកូវីដ-១៩ ប្រភេទថ្មី ដែលបានរកឃើញនៅចក្រភពអង់គ្លេស
ប្រទេសហ្វីលីពីនបញ្ជាក់ពីការឆ្លងក្នុងស្រុកនៃវីរុសកូវីដ-១៩ ប្រភេទថ្មី ដែលឆ្លងរាលដាលយ៉ាងខ្លាំងនៅក្នុងប្រទេសអង់គ្លេស ជម្រុញឱ្យលោកប្រធានាធិបតី រ៉ូទ្រីហ្កូ ឌូតាតេ (Rodrigo Duterte) បោះបង់ចោលផែនការអនុញ្ញាតឱ្យអនីតិជនមួយចំនួនអាចចេញក្រៅផ្ទះបាន។ ក្រសួងសុខាភិបាលហ្វីលីពីនបាននិយាយថា វីរុសប្រភេទ B117 បានរីករាលដាលក្នុងចំណោមប្រជាជន ១២នាក់ នៅ ក្នុងខេត្ត បនតុក (Bontoc) ដែលជាខេត្តមួយនៅភាគខាងជើងនៃភ្នំដែលមានករណីបែបនេះចំនួន ១៧ករណី នៅក្នុងប្រទេសកន្លងមកនេះ។ គួរបញ្ជាក់ផងដែរ ប្រទេសហ្វីលីពីនបានដាក់កំហិតលើការរឹតបន្តឹងដើម្បីបង្ការការឆ្លងវីរុស ដោយហាមឃាត់ការធ្វើដំណើរទាំងឡាយនៅក្នុងស្រុក ចាប់តាំងពីខែមីនា ឆ្នាំមុន និងបានហាមឃាត់ជាផ្លូវការដល់អនីតិជនមិនឱ្យចាកចេញពីផ្ទះ៕ ប្រភព ៖ www.channelnewsasia.com
-
ព័ត៌មានអន្តរជាតិ ២៦ មករា ២០២១ប្រទេសចិន ៖ អ្នករុករករ៉ែចំនួន ០៩នាក់ បានស្លាប់នៅក្នងព្រឹត្តិការណ៍ផ្ទុះអណ្តូងរ៉ែមាសមួយកន្លែង
ក្រុមអ្នកជួយសង្គ្រោះចិនបានរកឃើញសាកសពកម្មករចំនួន ៩នាក់ ដែលបានស្លាប់ដោយការផ្ទុះនៅអណ្តូងរ៉ែមាសមួយ ដែលធ្វើឱ្យចំនួនអ្នកស្លាប់កើនឡើងដល់ ១០នាក់។ កម្មករចំនួន ១១នាក់ ផ្សេងទៀតត្រូវបានជួយសង្គ្រោះមួយថ្ងៃមុននេះ បន្ទាប់ពីបានជាប់នៅក្រោមដីអស់រយៈពេល ២សប្តាហ៍ នៅអណ្តូងរ៉ែក្នុងខេត្តសានដុង។ មន្ត្រីបាននិយាយកាលពីថ្ងៃចន្ទថា មនុស្សម្នាក់នៅតែបាត់ខ្លួននៅឡើយ។ មូលហេតុនៃគ្រោះថ្នាក់នៅអណ្តូងរ៉ែ ដែលកំពុងសាងសង់នេះ កំពុងស្ថិតក្នុងការស៊ើបអង្កេត។ ការផ្ទុះកាលពីថ្ងៃទី ១០ ខែមករា កន្លងទៅនេះ បានបញ្ចេញនូវកម្ទេចកម្ទីចំនួន ៧០តោន ធ្វើឲ្យស្ទះច្រកបំពង់ចេញ-ចូល បណ្តាលឲ្យគាំងជណ្តើរយន្ត និងធ្វើឲ្យជាប់កម្មករនៅខាងក្រោម៕ ប្រភព ៖ theguardian.com
-
ព័ត៌មានអន្តរជាតិ ១៥ មករា ២០២១ព័ត៌មានអន្តរជាតិ ៖ យ៉ាងហោចណាស់មានមនុស្សស្លាប់ ៣នាក់ នៅក្នុងគ្រោះរញ្ជួយដីនៅឥណ្ឌូនេស៊ី
ព័ត៌មានអន្តរជាតិ ៖ យ៉ាងហោចណាស់មានមនុស្សស្លាប់ ៣នាក់ នៅក្នុងគ្រោះរញ្ជួយដីនៅឥណ្ឌូនេស៊ី ទីក្រុងហ្សាការតាៈ យ៉ាងហោចណាស់មានមនុស្ស ៣នាក់ បានស្លាប់ និងអគារធំៗ រួមទាំងសណ្ឋាគារមួយបានបាក់ផងដែរ នៅពេលដែលការរញ្ជួយដី មានកម្លាំង ៦.២ រិកទ័រ បានវាយប្រហារកោះស៊ូឡាវេស៊ី របស់ប្រទេសឥណ្ឌូណេស៊ី នៅថ្ងៃសុក្រនេះ។ ទីភ្នាក់ងារស្វែងរក និងជួយសង្គ្រោះរបស់ប្រទេសបានបញ្ជាក់ថា យ៉ាងហោចណាស់មានសណ្ឋាគារមួយបានដួលរលំ បន្ទាប់ពីការរញ្ជួយដីបានកើតឡើងនៅម៉ោង ២ និង ១៨ នាទី ម៉ោងក្នុងស្រុក នៅព្រឹកថ្ងៃសុក្រនេះ។ គួររំលឹកផងដែរថា ប្រទេសឥណ្ឌូនេស៊ីឆ្លងកាត់សកម្មភាពរញ្ជួយ និងភ្នំភ្លើងជាញឹកញាប់ ដោយសារតែទីតាំងរបស់ប្រទេស នៅលើប៉មប៉ាស៊ីហ្វិក “Ring of Fire” ដែលជាកន្លែងដែលចានតិចតូនិកប៉ះគ្នា។ ក្នុងឆ្នាំ ២០១៨ គ្រោះរញ្ជួយដីកម្រិត ៧.៥រិកទ័រ និងរលកយក្សស៊ូណាមិជាបន្តបន្ទាប់នៅ ប៉ាឡួ លើកោះស៊ូឡាវេស៊ី បានធ្វើឱ្យមនុស្សស្លាប់ ឬបាត់ខ្លួនជាង ៤៣០០នាក់៕ ប្រភព ៖ www.bangkokpost.com
-
ព័ត៌មានអន្តរជាតិ ១៤ មករា ២០២១ព័ត៌មានអន្តរជាតិ ៖ អ្នកវិទ្យាសាស្ត្រ របស់អង្គការសុខភាពពិភពលោក បានទៅដល់ទីក្រុង វូហាន (Wuhan) ដើម្បីចាប់ផ្តើមស៊ើបអង្កេតពីប្រភពដើមនៃជំងឺរាតត្បាតកូវីដ-១៩
យោងតាមគេហទំព័រសារព័ត៌មាន Sky News បានឲ្យដឹងថា ក្រុមអ្នកជំនាញខាងរោគសាស្ត្រ ចំនួន ១០នាក់ និងអ្នកវិទ្យាសាស្ត្រដទៃទៀត នឹងចំណាយពេលប្រហែលមួយខែនៅក្នុងទីក្រុង វូហាន ដែលជាកន្លែងដែលវីរុសកូវីដ-១៩ បានលេចចេញជាលើកដំបូងកាលពីមួយឆ្នាំមុន។ បន្ទាប់ពីចំណាយរយៈពេល ២សប្តាហ៍ ដំបូង ដើម្បីធ្វើចត្តាឡីស័ក ក្រុមការងារ របស់អង្គការសុខភាពពិភពលោក នឹងធ្វើការស៊ើបអង្កេតលើការអះអាងរបស់អ្នកវិទ្យាសាស្ត្រដែលថា វីរុសនេះបានលោតពីសត្វទៅមនុស្ស នៅកន្លែងផ្សេងទៀត ក្នុងប្រទេសចិន មុនពេលមានករណីរកឃើញដំបូងនៅផ្សារ ហួណាន ក្នុងទីក្រុងវូហាន។ ទន្ទឹមនឹងនេះដែរ ករណីឆ្លងនៃវីរុសកូវីដ-១៩ កំពុងមានការកើនឡើងជាថ្មីម្តងទៀតនៅក្នុងប្រទេសចិន ដោយមន្រ្តីបានរាយការណ៍ពីការស្លាប់ ដែលទាក់ទងនឹងវីរុសជាលើកដំបូងរបស់ខ្លួនក្នុងរយៈពេលប៉ុន្មានខែចុងក្រោយនេះ៕ ប្រភព ៖ news.sky.com
-
ព័ត៌មានអន្តរជាតិ ១១ មករា ២០២១ព័ត៌មានអន្តរជាតិ ៖ ក្រសួងសុខាភិបាលរបស់ប្រទេសជប៉ុន បានរកឃើញអ្នកវិជ្ជមានវីរុសកូវីដ-១៩ ប្រភេទថ្មី
ក្រសួងសុខាភិបាលរបស់ប្រទេសជប៉ុនបានរកឃើញអ្នកវិជ្ជមានវីរុសកូវីដ-១៩ ប្រភេទថ្មី ដែលធ្វើដំណើរមកពីប្រេស៊ីល ដែលមានលក្ខណៈខុសពី ប្រភេទដែលត្រូវបានរកឃើញនៅក្នុងចក្រភពអង់គ្លេស និងអាហ្វ្រិកខាងត្បូង។ ក្រសួងបាននិយាយកាលពីថ្ងៃអាទិត្យថា វ៉ារ្យ៉ង់ថ្មី នៃវីរុសនេះ ត្រូវបានរកឃើញនៅក្នុងការធ្វើតេស្តលើបុរសម្នាក់ក្នុងអាយុ ៤០ឆ្នាំ ស្ត្រីម្នាក់មានអាយុ ៣០ឆ្នាំ និងក្មេងជំទង់ពីរនាក់ នៅឯអាកាសយានដ្ឋាន ។ បច្ចុប្បន្ននេះ ប្រទេសជប៉ុនកំពុងធ្វើការជាមួយប្រទេសដទៃទៀត អង្គការសុខភាពពិភពលោក និងអ្នកជំនាញវេជ្ជសាស្រ្តផ្សេងទៀត ដើម្បីវិភាគលើវីរុសប្រភេទថ្មីនេះ ហើយគេនៅមិនទាន់ដឹងច្បាស់ថាតើ វ៉ាក់សាំង ដែលអាចប្រើបាន នឹងមានប្រសិទ្ធភាពលើវីរុសកូវីដថ្មីនេះ ឬអត់។ គួរបញ្ជាក់ផងដែរថា ករណីវីរុសកូវីដ-១៩ ប្រភេទវ៉ារ្យ៉ង់ថ្មី ប្រហែលជា ៣០ករណី មកពីចក្រភពអង់គ្លេស និងអាហ្វ្រិកខាងត្បូងត្រូវបានគេរាយការណ៍ថារកឃើញនៅក្នុងប្រទេសជប៉ុន។ ប្រទេសជប៉ុនបានប្រកាសពីភាពអាសន្នសម្រាប់តំបន់តូក្យូ ដែលបានចាប់ផ្តើមកាលពីថ្ងៃសុក្រ កន្លងទៅនេះ ដោយស្នើឱ្យភោជនីយដ្ឋាន និងបារបិទនៅម៉ោង ៨ យប់៕ ប្រភព ៖ timesofindia.indiatimes.com
-
ព័ត៌មានអន្តរជាតិ ១១ មករា ២០២១ព័ត៌មានអន្តរជាតិ ៖ ការបាក់ដី នៅប្រទេសឥណ្ឌូណេស៊ី បានសម្លាប់មនុស្ស ១១នាក់ ខណៈការស្វែងរកអ្នកនៅរស់រានមានជីវិតកំពុងបន្ត បន្ទាប់ពីអ្នកភូមិបានកប់ទាំងរស់នៅកោះជ្វាខាងលិច
យោងតាមមន្ត្រីក្នុងតំបន់បាននិយាយថា ការបាក់ដីចំនួនពីរ នៅភាគខាងលិច នៃកោះជ្វា ដែលបង្កឡើងដោយភ្លៀងធ្លាក់ខ្លាំងនៅប្រទេសឥណ្ឌូនេស៊ី បានបណ្តាលឱ្យមនុស្សស្លាប់យ៉ាងហោចណាស់ចំនួន ១១នាក់ និងរបួស ១៨នាក់។ គួរបញ្ជាក់ផងដែរថា លោកប្រធានាធិបតីឥណ្ឌូនេស៊ី ចូកូ វីដូដូ បានព្រមានកាលពីខែតុលាថា ភ្លៀងធ្លាក់ខ្លាំងពីប្រព័ន្ធអាកាសធាតុ ឡា នីណា អាចបង្កឱ្យមានទឹកជំនន់ និងការបាក់ដី ដែលជះឥទ្ធិពលដល់ទិន្នផលកសិកម្មរបស់ប្រទេស។ ជារៀងរាល់ឆ្នាំ ប្រទេសឥណ្ឌូនេស៊ីតែងតែទទួលរងគ្រោះ ដោយសារទឹកជំនន់ និងការបាក់ដី ជាពិសេសអំឡុងពេលរដូវភ្លៀង ចាប់ពីខែវិច្ឆិកា ដល់ ខែមីនា៕ ប្រភព ៖ www.abc.net.au
-
ព័ត៌មានអន្តរជាតិ ១០ មករា ២០២១ព័ត៌មានអន្តរជាតិ ៖ ផ្នែកនៃតួ និងកម្ទេចកម្ទីរបស់យន្តហោះឥណ្ឌូនេស៊ី ត្រូវបានរកឃើញ បន្ទាប់ពីយន្តហោះរបស់ក្រុមហ៊ុនអាកាសចរណ៍ Sriwijaya Air Flight 182 បានធ្លាក់
ក្រុមអ្នកជួយសង្គ្រោះឥណ្ឌូនេស៊ីបានយកផ្នែកនៃតួយន្តហោះ បំណែកសម្លៀកបំពាក់ និងបំណែកដែកពីសមុទ្រជ្វា មួយថ្ងៃបន្ទាប់ពីយន្តហោះប៊ូអ៊ីង ៧៣៧-៥០០ ដែលមានមនុស្ស ៦២នាក់ នៅលើយន្តហោះ បានធ្លាក់ភ្លាមៗ បន្ទាប់ពីបានហោះឡើង។ យន្ដហោះបានបាត់ការទាក់ទង បន្ទាប់ពីបានហោះឡើងពីរដ្ឋធានីហ្សាកាតា របស់ប្រទេសឥណ្ឌូនេស៊ី កាលពីថ្ងៃសៅរ៍ ឆ្ពោះទៅកាន់ទៅទីក្រុង Pontianak ក្នុងខេត្ត West Kalimantan នៅលើកោះ Borneo ។ ជាង ១២ម៉ោង ចាប់តាំងពីយន្ដហោះប៊ូអ៊ីងដំណើរការដោយក្រុមហ៊ុនអាកាសចរណ៍ឥណ្ឌូនេស៊ី បានបាត់បង់ការទាក់ទង ពុំទាន់ដឹងអំពីមូលហេតុដែលបណ្តាលឱ្យយន្តហោះធ្លាក់នោះទេ។ អ្នកនេសាទនៅតំបន់ជុំវិញកោះ ដែលជាខ្សែសង្វាក់នៃកោះនៅខាងជើងឆ្នេរហ្សាកាតា បានរាយការណ៍ថាបានលឺសម្លេងផ្ទុះនៅម៉ោង ២:៣០ រសៀលថ្ងៃសៅរ៍។ បើតាមអ្នកនេសាទម្នាក់ឈ្មោះ សូលីហ៊ីន បាននិយាយថា “យើងបានលឺសម្លេងអ្វីមួយផ្ទុះឡើង យើងគិតថាវាជាគ្រាប់បែក ឬរលកយក្សស៊ូណាមិ ចាប់តាំងពីពេលនោះមកយើងបានឃើញការហូរចេញដ៏ធំចេញពីទឹក” ។ “យើងមានការភ្ញាក់ផ្អើលយ៉ាងខ្លាំងហើយបានឃើញផ្ទាល់នូវកម្ទេចកម្ទីយន្តហោះ និងប្រេងឥន្ធនៈនៅជុំវិញទូករបស់យើង”៕ ប្រភព ៖ www.abc.net.au
-
ព័ត៌មានអន្តរជាតិ ៩ មករា ២០២១ព័ត៌មានអន្តរជាតិ ៖ យន្តហោះដឹកអ្នកដំណើរ របស់ប្រទេសឥណ្ឌូនេស៊ី បារម្ភថាបានធ្លាក់ បន្ទាប់ពីបានហោះឡើង
យោងតាមមន្រ្តីទីភ្នាក់ងារស្វែងរក និងជួយសង្គ្រោះ បាសាណាស បានឲ្យដឹងថា ក្រុមអ្នកជួយសង្គ្រោះ ដែលកំពុងស្វែងរកយន្តហោះឥណ្ឌូនេស៊ីដែលបានបាត់ការទាក់ទង បន្ទាប់ពីបានហោះចេញពីទីក្រុងហ្សាការតា កាលពីថ្ងៃសៅរ៍ បានរកឃើញនូវបំណែកដែលគេសង្ស័យថាជារបស់យន្តហោះ នៅផ្ទៃទឹក ភាគខាងជើងនៃទីក្រុង។ មន្ត្រីរូបនោះបានប្រាប់ទីភ្នាក់ងារសារព័ត៌មាន រ៉យទ័រ ថា គេមិនបានបញ្ជាក់ថាកម្ទេចកម្ទីទាំងនោះជារបស់អាកាសចរណ៍ Sriwijaya SJ182 ដែលបានបាត់ទំនាក់ទំនង បន្ទាប់ពីបានហោះឡើងជាមួយមនុស្សជាង ៥០នាក់ នៅលើយន្តហោះ។ គួរបញ្ជាក់ថា យន្ដហោះនេះត្រូវបានគេខ្លាចថា បានធ្លាក់ចូលសមុទ្រ បន្ទាប់ពីបាត់បង់ការទាក់ទងជាមួយការគ្រប់គ្រងចរាចរណ៍ផ្លូវអាកាស។ ទិន្នន័យតាមដានការហោះហើរបានបង្ហាញថាយន្ដហោះប៊ូអ៊ីង ៧៣៧-៥០០ បានដាំក្បាលចុះចូលទៅក្នុងទឹកដ៏ជ្រៅ ត្រឹមតែ ៤នាទី បន្ទាប់ពីបានហោះឡើង នៅម៉ោងប្រហែល ២ និង ៤០ នាទីរសៀល ម៉ោងក្នុងស្រុក។ ក្រុមហ៊ុនអាកាសចរណ៍បានបញ្ជាក់ថា មានមនុស្ស ៦២នាក់ រួមទាំងនាវិក បាននៅលើយន្តហោះ នៅពេលដែលចាកចេញពីអាកាសយានដ្ឋានអន្តរជាតិសូកេនណូ – ហាតា នៅរសៀលថ្ងៃសៅរ៍នេះ ឆ្ពោះទៅកាន់កោះផុនទាណាក់ នៅលើកោះប័រណូអូ៕ ប្រភព ៖ www.bangkokpost.com
