-
ព័ត៌មានជាតិ ៣ វិច្ឆិកា ២០២០ក្រុមការងារនគរបាលសហគមន៍ បានចុះសំណេះសំណាលជាមួយប្រជាពលរដ្ឋតាមខ្នងផ្ទះ ព្រមទាំងចែកសៀវភៅគ្រួសារ និងអត្តសញ្ញាណប័ណ្ណ ជូនប្រជាពលរដ្ឋរស់នៅក្នុងខណ្ឌ៧មករា
នៅថ្ងៃ ទី០៣ ខែវិច្ឆិកា ឆ្នាំ2020 ក្រុមការងារនគរបាលសហគមន៍ បានចុះសំណេះសំណាលតាមខ្នងផ្ទះប្រជាពលរដ្ឋរស់នៅក្នុងខណ្ឌ៧មករា រួមមាន៖ ប៉ុស្តិ៍នគរបាលរដ្ឋបាល អូរឬស្សី២, អូរឬស្សី៤ និងបឹងព្រលឹត ព្រមទាំងបានផ្សព្វផ្សាយគោលនយោបាយ ភូមិ-សង្កាត់មាន សុវត្តិភាព ៩ ចំណុចរបស់រាជរដ្ឋាភិបាល និងផ្តល់នូវសៀវភៅស្នាក់ សៀវភៅគ្រួសារ និងអត្តសញ្ញាណប័ណ្ណជូនប្រជាពលរដ្ឋផងដែរ។ សរុបរួមជាលទ្ធផលប៉ុស្តិ៍នគរបាលរដ្ឋបាលទាំង៣ បានចំនួន៤៧ខ្នងផ្ទះ មនុស្ស៣៧៤នាក់ ស្រី២៣៧នាក់ អាយុ១៨ឆ្នាំឡើង ៣៣២នាក់ ស្រី២២៤នាក់។ ក្នុងនោះដែរក្រុមការងារ ក៏បានផ្សព្វផ្សាយពីវិធីការពារជម្ងឺឆ្លងកូវីដ១៩ តាមសេចក្តីណែនាំរបស់ក្រសួងសុខាភិបាល៕
-
ព័ត៌មានជាតិ ២៩ តុលា២០២០កិច្ចប្រជុំបូកសរុប លទ្ធផលការងារប្រចាំខែតុលា និងលើកទិសដៅបន្ត ការងារប្រចាំខែវិច្ឆិកា របស់អធិការដ្ឋាននគរបាល ខណ្ឌដូនពេញ
នៅថ្ងៃទី២៩ ខែតុលា ឆ្នាំ២០២០ វេលាម៉ោង០៨ និង៣០នាទី នៅអធិការដ្ឋាននគរបាល ខណ្ឌដូនពេញ បានបើកកិច្ចប្រជុំបូកសរុបការងារប្រចាំខែតុលា និងលើកទិសដៅការងារបន្ត សម្រាប់ខែវិច្ឆិកា ឆ្នាំ២០២០ ព្រមទាំងផ្សព្វផ្សាយអនុសាសន៍ណែនាំរបស់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ កាលពីថ្ងៃទី០៨ ខែតុលា ឆ្នាំ២០២០។ ក្នុងពិធីសម្ភោធអគារអធិការដ្ឋាន ក្រោមការដឹកនាំរបស់លោកស្រី ឧត្តមសេនីយ៍ទោ ស៊ឹម ផាណុំ និងលោកឧត្តមសេនីយ៍ត្រី សរ សំណាង ស្នងការរង ទទួលខុសត្រូវដឹកនាំពង្រឹងការងារ នៅអធិការដ្ឋាននគរបាល ខណ្ឌដូនពេញ ជាតំណាងឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ជូនដល់គណៈអធិការ លោកនាយប៉ុស្តិ៍ទាំង១១ លោកនាយ-នាយរង និងមន្ត្រីតាមបណ្តាផ្នែកទាំងអស់សរុបចំនួន ៩១រូប៕
-
ព័ត៌មានជាតិ ២៨ តុលា២០២០គណៈកម្មាធិការសមាគម អតីតយុទ្ធជនកម្ពុជា ខណ្ឌ៧មករា ចុះសំណេះសំណាលសួរសុខទុក្ខ និងប្រគល់ប្រាក់មរណៈសង្គ្រោះ ជូនគ្រួសារសពជាសមាជិក ចំនួន០២គ្រួសារ
នៅព្រឹកថ្ងៃទី២៨ ខែតុលា ឆ្នាំ ២០២០ វេលាម៉ោង១០:៣០នាទី គណៈកម្មាធិការសមាគម អតីតយុទ្ធជនកម្ពុជា (ស.អ.ក) ខណ្ឌ៧មករា បាននាំយកថវិការមរណៈសង្គ្រោះ ៨,០០០,០០០រៀល ទៅប្រគល់ជូនគ្រួសារសពចំនួន ២គ្រួសារ ជាសមាជិកសមាគម អតីតយុទ្ធជនកម្ពុជា សង្កាត់វាលវង់ និង សង្កាត់បឹងព្រលិត ដោយក្នុង១គ្រួសារទទួលបានថវិការចំនួន ៤,០០០,០០០រៀល ក្រោមអធិបតីភាពលោក តោ វីរូ អភិបាលរងខណ្ឌ៧មករា ជាតំណាងលោក លីម សុភា អភិបាលនៃគណៈអភិបាលខណ្ឌ៧មករា និងជាប្រធាន កិត្តិយស ស.អ.ក ខណ្ឌ៧មករា និងលោកវរសេនីយ៍ទោ អាំង មុន្នី អធិការរងខណ្ឌ ជាតំណាងលោកវរសេនីយ៍ឯក នេត ស៊ីថុន អធិការនគរបាល ខណ្ឌ៧មករា និងជាប្រធាន ស.អ.ក ខណ្ឌ៧មករា។ ក្នុងឳកាសនោះដែរ ក៏មានការចូលរួមពីលោក ប្រាក់ ហាក់ ប្រធានយោធភូមិភាគពិសេសខណ្ឌ៧មករា, លោក ងី ថារ៉ន អនុ.ប្រធានការិយាល័យសង្គមកិច្ច និង សុខមាលភាព […]
-
ព័ត៌មានជាតិ ២៧ តុលា២០២០កម្លាំងចម្រុះខណ្ឌ៧មករា ចុះត្រួតពិនិត្យ និងរៀបចំសណ្ដាប់ធ្នាប់សាធារណៈក្នុងភូមិសាស្រ្ត ខណ្ឌ៧មករា
នៅថ្ងៃទី២៧ ខែតុលា ឆ្នាំ២០២០ គណៈបញ្ជាការឯកភាពរដ្ឋបាល ខណ្ឌ៧មករា ដឹកនាំដោយលោកវរសេនីយ៍ទោ ង៉ែត សារុន អធិការរង ទទួលការងារសណ្តាប់ធ្នាប់ចរាចរណ៏ និងលោកប្រាក់ ហាក់ ប្រធានប្រជាការពារសាលា ខណ្ឌ៧មករា ព្រមទាំងកម្លាំងប៉ុស្តិ៍នគរបាលរដ្ឋបាលទាំង៨ បានចុះរៀបចំសណ្តាប់ធ្នាប់ក្នុងភូមិសាស្រ្ត ខណ្ឌ៧មករា តាមដងផ្លូវដែលមានការកកស្ទះដូចជាតាមបណ្តោយផ្លូវលេខ១៦៤ ផ្លូវលេខ១០៩ ផ្លូវលេខ២០៧ ផ្លូវលេខ១៣៤ មុខមន្ទីពេទ្យបង្អែក រាជធានីភ្នំពេញ។ ក្នុងអំឡុងពេលរៀបចំសណ្តាប់ធ្នាប់ កម្លាំងសមត្ថកិច្ចបានចាប់នឹងស្ទូចរថយន្តដែលចតឈប់បញ្ច្រាសទីស ដែលជាមូលហេតុធ្វើឲ្យកកស្ទះចរាចរណ៏ ព្រមទាំងបានណែនាំប្រជាពលរដ្ឋ ដែលយកចិញ្ចើមថ្នល់ប្រកបមុខរបរលក់ដូរសម្ភារៈផ្សេងៗ ឲ្យលក់បណ្តោះអាសន្ន១/៣ ដោយទុកចិញ្ចើមថ្នល់ឲ្យថ្នើរជើងធ្វើចរាចរណ៏បានបញ្ជាសការកកស្ទះ។ ក្នុងនោះដែរ កម្លាំងសមត្ថកិច្ចក៏បានដកហូតរថយន្តចំនួន ០៧គ្រឿង និងផាសអាប់ ០១គ្រឿង សរុបរួម៨គ្រឿង យកមករក្សាទុកនៅឃ្លាំងគណៈបញ្ជាការឯកភាពខណ្ឌ ជាពិសេសបងប្អូនប្រជាពលរដ្ឋមួយចំនួន ក៏ការចូលរួមសហការតាមការណែនាំរបស់សមត្ថកិច្ចជំនាញ៕
-
ព័ត៌មានជាតិ ២៦ តុលា២០២០សមត្ថកិច្ចប៉ុស្តិ៍នគរបាលរដ្ឋបាល អូរបែកក្អម បានចុះសំណេះសំណាលជាមួយប្រជាពលរដ្ឋតាមខ្នងផ្ទះ ព្រមទាំងចែកសៀវភៅគ្រួសារ ជូនប្រជាពលរដ្ឋបាន២ភូមិ
នៅថ្ងៃទី២៦ ខែតុលា ឆ្នាំ២០២០ វេលាម៉ោង១៤:០០នាទី ដោយមានការយកចិត្តទុកដាក់ និងបានការអនុញ្ញាតពីលោក វរសេនីយ៍ឯក ហួរ ម៉េងវ៉ាង អធិការនៃអធិការដ្ឋាននគរបាល ខណ្ឌសែនសុខ បានចាត់ឲ្យប៉ុស្តិ៍នគរបាលរដ្ឋបាល អូរបែកក្អម ចុះចែកសៀវភៅគ្រួសារជូនប្រជាពលរដ្ឋរស់នៅក្នុងភូមិអ័រគីដេ និង ភូមិអូរបែកក្អម សង្កាត់អូរបែកក្អម ខណ្ឌសែនសុខ រាជធានីភ្នំពេញ បានចំនួន១៧គ្រួសារ មនុស្សសរុប៧៣នាក់ ប្រុស៣៤នាក់ អាយុ១៨ឆ្នាំឡើង៤៣នាក់ ប្រុស១៩នាក់។ នៅក្នុងឱកាសនោះផងដែរ ប្រជាពលរដ្ឋទាំង២ភូមិខាងលើ សប្បាយចិត្ត និងត្រេកអរយ៉ាងខ្លាំង ដែលសមត្ថកិច្ចបានយកសៀវភៅគ្រួសារ មកចែកជូនប្រជាពលរដ្ឋដល់លំនៅដ្ឋាន។ ឆ្លៀតក្នុងឱកាសនោះ សមត្ថកិច្ចប៉ុស្តិ៍ក៏បានផ្សព្វផ្សាយពីគោលនយោបាយភូមិឃុំមានសុវត្ថិភាព និងសំណូមពរឲ្យប្រជាពលរដ្ឋទាំងអស់ ចូលរួមអនុវត្ត និងសហការជាមួយកម្លាំងសមត្ថកិច្ចផងដែរ៕
-
ព័ត៌មានជាតិ ២៦ តុលា២០២០កិច្ចប្រជុំបូកសរុបលទ្ធផលការងារប្រតិកម្មរហ័សប្រចាំខែតុលា និងលើកទិសដៅការងារបន្តសម្រាប់ខែវិច្ឆិកា ឆ្នាំ២០២០ របស់អធិការដ្ឋាននគរបាល ខណ្ឌទួលគោក
នៅព្រឹកថ្ងៃទី២៦ ខែតុលា ឆ្នាំ២០២០ លោកវរសេនីយ៍ឯក សុខ ហេង អធិការនគរបាល ខណ្ឌទួលគោក បានបើកកិច្ចប្រជុំពាក់ព័ន្ធការងារប្រតិកម្មរហ័សប្រចាំខែតុលា និងលើកទិសដៅការងារបន្តសម្រាប់ខែវិច្ឆិកា ឆ្នាំ២០២០។ ក្នុងកិច្ចប្រជុំនេះដែរ មានការចូលរួមមាន សមាជិក-សមាជិកាក្នុងក្រុមព័ត៌មាន និងប្រតិកម្មរហ័សរបស់អធិការដ្ឋាននគរបាល ខណ្ឌទួលគោក ចំនួនសរុប ៣៣នាក់៕
-
ព័ត៌មានជាតិ ២៦ តុលា២០២០ពិធីសំណេះសំណាល និងប្រគល់សិក្ខាកាមចុះកម្មសិក្សា ក្រោមអធិបតីភាពលោកឧត្តមសេនីយ៍ទោ ហ៊ុន សុធី ស្នងការរង តំណាងឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ
នៅព្រឹកថ្ងៃទី២៦ ខែតុលា ឆ្នាំ២០២០ មានកម្មពិធីសំណេះសំណាល និងប្រគល់សិក្ខាកាមចុះកម្មសិក្សាតាមបណ្តាឣង្គភាពរៀងខ្លួន ក្រោមអធិបតីភាពលោកឧត្តមសេនីយ៍ទោ ហ៊ុន សុធី ស្នងការរង តំណាងឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ។ ក្នុងពិធីនេះដែរ ក៏មានការអញ្ជើញចូលរួមពីលោកនាយការិយាល័យ ចំណុះផែនធនធានមនុស្ស លោកនាយរងការិយាល័យ នគរបាលពន្លត់ឣគ្គីភ័យ និងសង្គ្រោះ លោកឣធិការរង ទទួលបន្ទុកផ្នែកសេនាធិការចំនួន៩ខណ្ឌ និងមន្ត្រីពាក់ព័ន្ធផងដែរ៕
-
ព័ត៌មានជាតិ ២៥ តុលា២០២០កិច្ចប្រជុំផ្សព្វផ្សាយផែនការការងារ រៀបចំសណ្តាប់ធ្នាប់ សាធារណៈ សុវត្ថិភាព ជូនក្បួនថ្នាក់ដឹកនាំ របស់អធិការដ្ឋាននគរបាល ខណ្ឌច្បារអំពៅ
នៅថ្ងៃទី២៤ ខែតុលា ឆ្នាំ២០២០ ម៉ោង១៤ និង៣០នាទី លោកវរសេនីយ៍ឯក ម៉ៅ សឿត អធិការនៃអធិការដ្ឋាននគរបាល ខណ្ឌច្បារអំពៅ បានដឹកនាំកិច្ចប្រជុំបន្ទាន់ ដើម្បីផ្សព្វផ្សាយផែនការការងារ រៀបចំសណ្តាប់ធ្នាប់ សាធារណៈ និងរៀបចំកម្លាំងការពារសន្តិសុខ សុវត្ថិភាព ជូនក្បួនថ្នាក់ដឹកនាំ។ ក្នុងកិច្ចប្រជុំនេះដែរ ក៏មានការអញ្ជើញចូលរួមពីលោកអធិការរង នាយផ្នែក នាយប៉ុស្តិ៍ និងមន្ត្រីពាក់ព័ន្ធផងដែរ៕
-
ព័ត៌មានជាតិ ២៥ តុលា២០២០លោក ឌី រ័ត្នខេមរុណ អភិបាលរងខណ្ឌមានជ័យ បានអញ្ជើញចុះជួបសំណេះសំណាល និងនាំយកអំណោយ សប្បុរសជន ផ្តល់ជូនកងកម្លាំងនៃអធិការដ្ឋាននគរបាល ខណ្ឌមានជ័យ
នារសៀលថ្ងៃទី២៤ ខែតុលា ឆ្នាំ២០២០ លោក ឌី រ័ត្នខេមរុណ អភិបាលរងខណ្ឌមានជ័យ បានអញ្ជើញចុះជួបសំណេះសំណាល និងនាំយកអំណោយ សប្បុរសជន ផ្តល់ជូនកងកម្លាំងនៃអធិការដ្ឋាននគរបាល ខណ្ឌមានជ័យ។ នាឱកាសនោះដែរ លោកអភិបាលរង បានកោតសរសើរ ចំពោះកងកម្លាំងអធិការដ្ឋាននគរបាល ខណ្ឌមានជ័យ ដែលបានបំពេញនូវតួនាទី ភារកិច្ចរបស់ខ្លួន និងខិតខំប្រឹងប្រែង រក្សាសន្តិសុខ សុវត្ថិភាព សណ្តាប់ធ្នាប់ ជូនបងប្អូនប្រជាពលរដ្ឋ ក្នុងមូលដ្ឋាន មិនឲ្យមានភាពភ័យខ្លាចរឿងអសន្តិសុខក្នុងភូមិ ជាពិសេសនោះ គឺរក្សាបាននូវភូមិ សង្កាត់ មានសុវត្ថិភាព។ ទន្ទឹមនឹងនេះដែរ លោកអភិបាលរង បានបន្តទៀតថា ដោយមើលឃើញក្នុងរយៈពេលថ្មីៗនេះ កងកម្លាំងអធិការដ្ឋាននគរបាល ខណ្ឌមានជ័យ បានបំពេញការងារ ការពារនូវជំនន់ទឹកភ្លៀងជូនបងប្អូនប្រជាពលរដ្ឋក្នុងមូលដ្ឋាន មិនឲ្យមាន បងប្អូនណាម្នាក់ស្លាប់ដោយជំនន់ទឹកភ្លៀងនេះឡើយ ជាងនេះទៅទៀតកងកម្លាំង បានបង្ក្រាបនូវបទល្មើសជួញដូរដោយខុសច្បាប់ នូវសារធាតុញៀនក្នុងមូលដ្ឋានខណ្ឌផងដែរ។ លោកអភិបាលរង ក៏បានឧបត្ថម្ភអំណោយដល់កងកម្លាំងរួមមាន៖ ទឹកសុទ្ធ ឱរ៉ាល់ ៣០កេស , ទឹកក្រូច ៣០កេស , ទឹកត្រី ២៥ យួរ […]
-
ព័ត៌មានជាតិ ២៣ តុលា២០២០លោកស្រី ឆេង សារ៉េត តំណាងលោកស្រីឧត្តមសេនីយ៍ទោ ស៊ឹម ផាណុំ រួមទាំងក្រុមការងារយែនឌ័រ ចុះទៅសួរសុខទុក្ខមន្ត្រីនគរបាល ដែលកំពុងសម្រាកព្យាបាលជំងឺ
ដោយមានការចង្អុលដឹកនាំពីសំណាក់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ នាថ្ងៃទី ២៣ ខែតុលា ឆ្នាំ២០២០ វេលាម៉ោង១០ និង៣០នាទី លោកស្រី ឆេង សារ៉េត តំណាងលោកស្រីឧត្តមសេនីយ៍ទោ ស៊ឹម ផាណុំ ប្រធានក្រុមការងារយេនឌ័រ បានសហការជាមួយអង្គភាពសាមី (អធិកាដ្ឋាននគរបាល ខណ្ឌបឹងកេងកង) តំណាងឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានចុះសួសុខទុក្ខលោកស្រីអនុសេនីយ៍ឯក លីវ សោភ័ណ្ណារា ឋានៈមន្ត្រីខណ្ឌបឹងកេងកង ព្រមទាំងនាំយកនូវថវិកា និងសម្ភារៈមួយចំនួនរបស់ឯកឧត្តមស្នងការ និងក្រុមការងារ ជូនដល់លោកស្រីអនុសេនីយ៍ឯក។ ក្នុងឱកាសនេះដែរ លោកស្រីអនុសេនីយ៍ឯក លីវ សោភ័ណ្ណារា ក៏បានគោរពនិងថ្លែងអំណរគុណចំពោះឯកឧត្តមស្នងការ ដែលតែងតែយកចិត្តទុក្ខដាក់មន្ត្រីក្រោមឱវាទ ជាពិសេសនៅពេលដែលមន្ត្រីនគរបាលមានជម្ងឺមិនថាបុរស ឬ ស្ត្រី ឯកឧត្តមតែងយកចិត្តទុក្ខដាក់គ្រប់ពេល។ ដូចនេះដើម្បីតបស្នងនូវគុណបំណាច់ទាំងនេះ សូមគោរពជូនពរឯកឧត្តមស្នងការ ទទួលបាននូវសុខភាពល្អនិងជោគជ័យគ្រប់ភារកិច្ច៕
