នៅថ្ងៃទី៣១ កក្កដា ឆ្នាំ២០២០ វេលាម៉ោង០៤ម៉ ៥០នាទីទាបភ្លឺ កំលាំងប៉ុស្តិ៍នគរបាលរដ្ឋបាលទន្លេបាសាក់ ដឹកនាំដោយលោកវរះសេនីយ៍ត្រី សាល សណ្តុះ នាយប៉ុស្តិ៍នគរបាលរដ្ឋបាលទន្លេបាសាក់ បានធ្វើការឃាត់ខ្លួនជនសង្ស័យចំនួន ០២នាក់ ករណីជួញដូរនូវសារធាតុញៀនដោយខុសច្បាប់ នៅចំនុចផ្ទះលេខ៤៦២B ផ្លូវព្រះមន្នីវង្ស ក្រុម៦៩ ភូមិ១២ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ជនសង្ស័យដែលឃាត់ខ្លួនមាន ឈ្មោះមុំ សុបញ្ញា ភេទប្រុស អាយុ34ឆ្នាំ ជនជាតិខ្មែរ ស្នាក់នៅផ្ទះ462B(ជួល) ផ្លូវព្រះមន្នីវង្ស ក្រុម69 ភូមិ12 សង្កាត់ទន្លេបាសាក់ ខណ្ឌចំការមន មុខរបគ្មាន ហើយជនសង្ស័យឈ្មោះយូ ភិរុន ហៅទូច ភេទប្រុស អាយុ32ឆ្នាំ ជនជាតិខ្មែរ ស្នាក់នៅផ្ទះជួល ផ្លូវព្រះមន្នីវង្ស ភូមិ12 សង្កាត់ទន្លេបាសាក់ ខណ្ឌចំការមនមុខរបគ្មាន។
ប្រតិបត្តិការបង្រ្កាបនេះ សមត្ថកិច្ចបានដកហូតវត្ថុតាងដូចជា៖
-ក្រាមសថ្លាចំនួន03កូនថង់តូច(សង្ស័យជាសារធាតុញៀន)។
-ជញ្ជីញសំរាប់ថ្លឹងចំនួន01គ្រឿងពណ៏ទឹកប្រាក់លាយប្រផេះ។
-បំពង់កែវសំរាប់ជក់គ្រឿងញៀនចំនួន11បំពង់។
-កូនដបសំរាប់ជក់01កំប្លេរនិងដែកកេះហ្គាសចំនួន02។
បច្ចុប្បន្នជនសង្ស័យរួមទាំងវត្ថុតាង ត្រូវបានបញ្ជូនទៅកាន់អធិការដ្ឋាននគរបាល ខណ្ឌចំការមន ដើម្បីចាត់ការតាមនិតិវិធីច្បាប់៕
