ដោយអនុវត្តតាមការណែនាំជាប្រចាំរបស់ឯកឧត្តម ស ថេត អគ្គស្នងការរង និងជាស្នងការនគរបាលរាជធានីភ្នំពេញ ក្នុងការស្រាវជ្រាវកំណត់មុខសញ្ញា និងបង្ក្រាប ការជួញដូរ និងប្រើប្រាស់គ្រឿងញៀន កម្លាំងជំនាញនៃអធិការដ្ឋាននគរបាលខណ្ឌសែនសុខ បានធ្វើការចុះបង្ក្រាបករណីជួញដូរ និងចែកចាយគ្រឿងញៀនមួយកន្លែងស្ថិតនៅក្នុង ផ្លូវលំ ភូមព្រៃខ្លា សង្កាត់ក្រាំងធ្នង់ រាជធានីភ្នំពេញ ឃាត់ខ្លួនជនសង្ស័យចំនួន ០២នាក់។
ជនសង្ស័យទី១ ឈ្មោះ ធឿន ប្រុសណាង ភេទប្រុស អាយុ២២ឆ្នាំ ជនជាតិខ្មែរ មុខរបរមិនប្រាកដ ស្នាក់នៅក្នុងផ្ទះគ្មានលេខ ផ្លូវលំ ភូមិព្រៃខ្លា សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។
ជនសង្ស័យទី២ ឈ្មោះ សឿង សុខសម្បតិ្ត ភេទប្រុស អាយុ១៨ឆ្នាំ ជនជាតិខ្មែរ មុខរបរ មិនប្រាកដ ស្នាក់នៅក្នុងផ្ទះគ្មានលេខ ផ្លូវលំ ភូមិព្រៃខ្លា សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។
សម្ភារៈដកហូត: ក្រាមពណ៍សថ្លាចំនួន ០១កញ្ចប់ថង់ធំល្មមនិង១១កញ្ចប់ថង់តូច។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕