នៅថ្ងៃទី ១៣ ខែ កក្កដា ឆ្នាំ ២០២០ វេលាម៉ោង១១ ម៉០០នាទី នៅចំណុចផ្លូវបេតុង ភូមិ ទ្រា សង្កាត់ ស្ទឹងមានជ័យទី១ ខណ្ឌ មានជ័យ រាជធានីភ្នំពេញ កម្លាំងផ្នែកនគរបាលយុត្តិធម៍ នៃអធិការដ្ឋាននគរបាលខណ្ឌមានជ័យ និង កម្លាំងនគរបាលប៉ុស្តិ៍ស្ទឹងមានជ័យទី១ បានស្រាវជ្រាវឃាត់ខ្លួនជនសង្ស័យម្នាក់ឈ្មោះ កែវ វណ្ណៈ ហៅ ណាក់ ភេទ ប្រុស អាយុ ២២ ឆ្នាំ មុខរបរ មិនពិតប្រាកដ ស្នាក់នៅក្នុងរោងដីឡូតិ៍គ្មានលេខ ផ្លូវលំ ភូមិ ទ្រា សង្កាត់ ស្ទឹងមានជ័យទី១ ខណ្ឌ មានជ័យ រាជធានីភ្នំពេញ (មានផ្ទុកសារធាតុញៀន) ។
បទល្មើសឃាតកម្ម «យកដងពូថៅញ៉ុកចូលមាត់បណ្តាលឲ្យថប់ដង្ហើមស្លាប់» កើតឡើងកាលពីថ្ងៃទី ១១ ខែ កក្កដា ឆ្នាំ ២០២០ វេលាម៉ោង១៨ ម៉២០នាទី នៅចំណុច ក្នុងរោងដីឡូតិ៍គ្មានលេខ ផ្លូវលំ ភូមិ ទ្រា សង្កាត់ ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។ ជនរងគ្រោះជាប្រពន្ធឈ្មោះ ស្រី ពៅ ភេទ ស្រី អាយុ ២៩ ឆ្នាំ ជនជាតិខ្មែរ ទីលំនៅក្នុងរោងដីឡូតិ៍គ្មានលេខ ផ្លូវលំ ភូមិទ្រា សង្កាត់ ស្ទឹងមានជ័យទី១ ខណ្ឌមានជ័យ រាជធានីភ្នំពេញ មុខរបរ នៅផ្ទះ (ស្លាប់ដោយសារជនសង្ស័យយកដងពូថៅញ៉ុកចូលមាត់បណ្តាលឲ្យស្ទះផ្លូវដង្ហើមស្លាប់) ។ វត្ថុតាងបន្សល់នៅកន្លែងកើតហេតុ៖ពូថៅដងឈើ ប្រវែង៣០សម ចំនួន០១ដើមនិងស្កុតពណ៍សថ្លា ចំនួន០១ដុំ ។
បច្ចុប្បន្នជនសង្ស័យឈ្មោ កែវ វណ្ណៈ ហៅ ណាក់ ឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី ៕
