នៅព្រឹកថ្ងៃទី 09 ខែកក្កដាឆ្នាំ 2020 នេះ លោកស្រីឧត្តមសេនីយ៍ទោ ស៊ឹម ផាណុំ ស្នងការរង នៃស្នងការដ្ឋាននគរបាលរាជធានីភ្នំពេញ តំណាងដ៏ខ្ពង់ខ្ពស់ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានដឹកនាំក្រុមការងារ នគរបាលខណ្ឌដូនពេញ រួមមាន លោកវរសេនីយ៍ឯក ទៀង ច័ន្ទសារ អធិការនគរបាលខណ្ឌដូនពេញ គណៈអធិការលោកនាយប៉ុស្តិ៍ នាយផ្នែក និងមន្ត្រីនគរបាល ក្រោមឱវាទទាំងអស់។
ដើម្បីចូលរួមរំលែកមរណៈទុក្ខ ជាមួយក្រុមគ្រួសារសព លោកអនុសេនីយ៍ឯក រ័ត្ន ពៅ នាយរងប៉ុស្តិ៍នគរបាលរដ្ឋបាលជ័យជំនះ ដែលបានទទួលមរណៈភាព កាលពីវេលាម៉ោង 20ម៉ 00 នាទី ថ្ងៃទី08 ខែកក្កដាឆ្នាំ 2020 ដោយជំងឺគាំងបេះដូង។
ស្របពេលជាមួយនោះដែរ លោកស្រីឧត្តមសេនីយ៍ទោ ស៊ឹម ផាណុំ និងក្រុមការងារ នគរបាលខណ្ឌដូនពេញ បានធ្វើការអុជធូបបួងសួង ដាក់កម្រងផ្កា គោរពវិញ្ញាណក្ខន្ធ តាមបែបបទរបស់កម្លាំងនគរបាល ហើយលោកស្រីបានមានមតិសំណេះសំណាលជាមួយក្រុមគ្រួសារសព ព្រមទាំងបានសម្តែង ការកោតសរសើរ រាល់សកម្មភាព និងស្នាដៃជាច្រើនបានបន្សល់ទុកមករបស់លោកអនុសេនីយ៍ឯក រ័ត្ន ពៅ។
ក្នុងឪកាសនោះដែរ លោកស្រីឧត្តមសេនីយ៍ទោ ស៊ឹម ផាណុំ បានពាំនាំថវិកាដូចខាងក្រោម ដើម្បីជួយសម្រួលដល់ក្រុមគ្រួសារ យកទៅចាត់ចែង ធ្វើបុណ្យតាមប្រពៃណី នៅគេហដ្ឋានសពស្ថិតនៅភូមិព្រែកខ្សាយខ ឃុំពាមរក៍ស្រុកពាមរក៍ ខេត្តព្រៃវែង៖
+ថវិកា សរុបចំនួន:5.350.000រៀល(ប្រាំលានសាមសិបប្រាំម៉ឺនរៀល) ក្នុងនោះមាន:
-ថវិកាឯកឧត្តម ស ថេត អគ្គស្នងការរង និងជាស្នងការនគរបាលរាជធានីភ្នំពេញ ចំនួន 2.000.000៛ (ពីរលានរៀល)។
-លោកស្រីឧត្តមសេនីយ៍ទោ ស៊ឹម ផាណុំ ចំនួន 300.000៛ (សាមសិបម៉ឺនរៀល)។
-លោកវរសេនីយ៍ឯក ទៀង ច័ន្ទសារ ចំនួន 1.000.000៛ (មួយលានរៀល)។
-គណៈអធិការនាយប៉ុស្តិ៍នាយផ្នែកនិងមន្ត្រីចំនួន 2.050.000៛ (ពីរលានប្រាំម៉ឺនរៀល)។
+ ទេយ្យទានមាន:
-ស្លាដក់ចំនួន: 5
+គ្រឿងឧបភោគបរិភោគមាន:
-ទឹកក្រូចចំនួន: 05 កេះ
-ទឹកសុទ្ធចំនួន: 05 កេះ
-អង្ករមួយបាវ: 50 kg