មានករណីគ្រោះថ្នាក់ចរាចរណ៍មួយ បង្កឡើងដោយរថយន្តមួយគ្រឿង ម៉ាកStarexពណ៌ទឹកប្រាក់ មានផ្លាកលេខភ្នំពេញ2BA.7782 ដែលជាកម្មសិទ្ធឈ្មោះ រិន រ៉ាន មានទីលំនៅផ្ទះ121E5z.93 ភូមិ១ សង្កាត់មនោរម្យ ខណ្ឌ៧មករា ។
តាមការបំភ្លឺរបស់ម្ចាស់តថយន្តថាគាត់បានលក់ឡាននេះឲ្យទៅឈ្មោះម៉ម ម៉េង ភេទប្រុសអាយុ៥១ឆ្នាំ ជនជាតិខ្មែរ មានទីលំនៅភូមិផ្សារស្នូល ឃុំនិងស្រុកស្នូល ខេត្តក្រចេះរយ:ពេល១ឆ្នាំមកហើយ ឥឡូវឈ្មោះម៉េងបានឲ្យប្រពន្ធឈ្មោះ ជា ស្រីឡឹង អាយុ ៥០ឆ្នាំ ចូលមកបំភ្លឺនៅនគរបាលខណ្ឌ៧មករាដោយបានបញ្ជាក់ថារថយន្តខាងលើនេះគាត់បានទិញពីឈ្មោះ រិន-រ៉ាន មែនហើយបានយកទៅជួលតៃកុងឲ្យបើកធ្វើអាជីវកម្ម(តៃកុងនោះឈ្មោះ សុខ ជា ភេទប្រុសអាយុ៣៧ឆ្នាំ មិនដឹងទីលំនៅ ក្រោយមានរឿងក៏គេចខ្លួនបាត់ទៅ) ។
ករណីនេះនគរបាលខណ្ឌ៧មករាបានប្រគល់អ្នកលក់និងអ្នកទិញរថយន្តនោះឲ្យទៅនគរបាលស្រុកមុខកំពូលដើម្បីធ្វើការបន្ត ព្រោះករណីនេះកើតឡើងនៅស្រុកមុខកំពូលខេត្តកណ្តាល ៕
