នៅថ្ងៃទី១៣ ខែមិថុនា ឆ្នាំ២០២០ វេលាម៉ោង ១៩:៣០នាទី មានកើតករណីអគ្គិភ័យមួយឆេះ នៅចំណុចសណ្ឋាគារ ណៃ អ៊ីន (NIGHT-IN) (ជាន់ទី៤) ដែលមានទីតាំងផ្ទះលេខ១៥០Eo ផ្លូវ លេខ២៨៩ ក្រុមទី៥២ ភូមិ១៣ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។ ម្ចាស់ទីតាំងមាន ឈ្មោះ ឡុង បុប្ផា ភេទស្រី អាយុ៥៣ឆ្នាំ ជនជាតិខ្មែរ មុខរបរ បើកសណ្ឋាគារ ណៃ អ៊ីន (NIGHT-IN) ស្នាក់នៅផ្ទះលេខ១៥០Eo ផ្លូវលេខ២៨៩ ក្រុមទី៥២ ភូមិ១៣ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។
អគ្គិភ័យបានឆេះបន្ទប់ដេកជាន់ទី៤ របស់ជាងភ្លើងបុគ្គលិករបស់សណ្ឋាគារដែលចាក់សោរចោល , ខូចខាតពូកដេកមួយ ឆេះរោលពិដាន និងសំភារ:មួយចំនួន ។
អគ្គិភ័យនេះប្រើប្រាស់រថយន្តសម្រាប់បាញ់ពន្លត់របស់ការិយាល័យនគរបាលបង្ការពន្លត់អគ្គិភ័យ និងសង្គ្រោះរបស់ស្នងការដ្ឋាននគរបាលរាជធានីភ្នំពេញ ហើយបានរលត់ជាស្ថាពរ នៅវេលាម៉ោង២០:១៥នាទី នាថ្ងៃ-ខែ-ឆ្នាំដដែល ។
