នៅថ្ងៃទី២២ ខែកញ្ញា ឆ្នាំ២០២០ វេលាម៉ោង ១៥៖០០នាទី រសៀល លោកវរសេនីយ៍ទោ ម៉ន វុធី អធិការ នៃអធិការដ្ឋាននគរបាល ខណ្ឌពោធិ៍សែនជ័យ បានដឹកនាំលោកអធិការរង នាយប៉ុស្តិ៍ នាយរងប៉ុស្តិ៍ និងមន្ត្រី ប៉ុស្ដិ៍នគរបាលរដ្ឋបាល ត្រពាំងក្រសាំង បានបើកកិច្ចប្រជុំផ្សព្វផ្សាយ ពន្យល់ណែនាំ ពី បញ្ហាផលប៉ះពាល់នៃគ្រឿងញៀន ព្រហ្មទណ្ឌ សៀវភៅស្នាក់នៅ និងសៀវភៅគ្រួសារ។
ក្នុងនោះដែរ លោកអធិការ បានផ្ដាំផ្ញើដល់កងកម្លាំងប៉ុស្តិ៍ទាំងអស់ ធ្វើយ៉ាងបម្រើសេវាជូនប្រជាពលរដ្ឋ អោយបានល្អប្រសើរ ជាពិសេសរង់ចាំទទួលពាក្យបណ្តឹង និងចេញល្បាតពួនស្ទាក់ ដើម្បីទប់ស្កាត់បទល្មើសក្នុងមូលដ្ឋាន៕