នៅថ្ងៃទី០៤ ខែកក្កដា ឆ្នាំ២០២០ វេលា ម៉ោង ០៨:៣០នាទី ដោយមានការចង្អុល ដឹកនាំ ពីឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ព្រមទាំងមានការផ្សព្វផ្សាយបន្ថែមពី លោកវរសេនីយ៍ទោ ម៉ៅ សឿត អធិការនគរបាលខណ្ឌច្បារអំពៅ កម្លាំងផ្នែកជំនាញ សហការណ៍ជាមួយ នគរបាលប៉ុស្ដិ៍រដ្ឋបាលព្រែកថ្មី ខណ្ឌច្បារអំពៅ បានចុះចែកសៀវភៅស្នាក់នៅ (ក២) ជូនដល់ប្រជាពលរដ្ឋ ក្នុងភូមិកោះក្របី,ភូមិកោះក្របី១ និងភូមិព្រែកថ្មី១ សង្កាត់ព្រែកថ្មី ខណ្ឌច្បារអំពៅ ដល់ខ្នងផ្ទះ ២៥គ្រួសារ។
ក្នុងពេលនោះដែរ កម្លាំងក៏បានធ្វើការបានផ្សព្វផ្សាយ ស្តីពីវិធានការ បង្ការ ការពារ ការឆ្លងមេរោគកូវីដ១៩ ជូនដល់ប្រជាពលរដ្ឋផងដែរ។