ដោយអនុវត្តន៍តាមការណែនាំជាប្រចាំរបស់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ អោយគ្រប់ប្រធានអង្គភាពទាំងអស់ត្រូវយកចិត្តទុកដាក់លើសុខទុក្ខរបស់មន្ត្រីក្រោមឱវាទ ។
នៅព្រឹកថ្ងៃទី០៣ ខែកក្កដា ឆ្នាំ២០២០ លោកវរសេនីយ៍ឯក អេម សម្បត្តិ នាយការិយាល័យនគរបាលសណ្តាប់ធ្នាប់រាជធានីព្រមទាំងលោកនាយរងការិយាល័យបានដឹកនាំកម្លាំងចុះសួរសុខទុក្ខលោកអនុសេនីយ៍ទោ មុត មាន មន្ត្រីនគរបាលសណ្តាប់ធ្នាប់ដែលបានជួបគ្រោះថ្នាក់ចរាចរណ៍កាលពីយប់ថ្ងៃទី០២ ខែកក្កដា ឆ្នាំ២០២០ ហើយបច្ចុប្បន្នកំពុងសម្រាកព្យាបាលនៅមន្ទីរពេទ្យលោកសង្ឃ ។
ក្នុងឱកាសចុះសួរសុខទុក្ខនេះដែរលោកនាយការិយាល័យក៏បានឧបត្ថម្ភនូវទឹកប្រាក់ចំនួន ១២០,០០០០៛(មួយលានពីរសែនរៀល)ដើម្បីជួយសម្រួលបន្ទុកក្នុងការសម្រាកព្យាបាលផងដែរ រួមជាមួយគ្នានោះដែរលោកនាយការិយាល័យក៏បានជួយឧបត្ថម្ភអ្នកជម្ងឺដែលសម្រាកព្យាបាលនៅក្បែរនោះចំនួន ១០០,០០០៛(ដប់ម៉ឺនរៀល)ផងដែរ ៕
