បើយោងតាមទំព័រហ្វេសបុករបស់ ក្រសួងសុខាភិបាល នៃព្រះរាជាណាចក្រកម្ពុជា នាថ្ងៃទី ០១ ខែកក្តដា ឆ្នាំ ២០២០ នេះ ក្រុមគ្រូពេទ្យបានព្យាបាលអ្នកជំងឺកូវីដ ១៩ បានជាសះស្បើយចំនួន ១ រូបទៀតហើយ។
អ្នកជំងឺកូវីដ ១៩ ដែលជាសះស្បើយ គឺបុរសជនជាតិឥណ្ឌូណេស៊ី អាយុ ២២ឆ្នាំ ស្នាក់នៅបណ្តោះអាសន្ននៅក្រុងព្រះសីហនុ ទទួលបានលទ្ធផលតេស្ត អវិជ្ជមានវីរុសកូវីដ១៩ ចំនួន ០២ដង និងត្រូវបានអនុញ្ញាតឲ្យចេញពីមន្ទីរពេទ្យ មិត្តភាពខ្មែរ-សូវៀត។
គិតត្រឹមថ្ងៃនេះ កម្ពុជាពុំបានរកឃើញចំនួនអ្នកផ្ទុកវីរុសកូវីដ ១៩ ករណីថ្មីនោះទេ ជាមួយគ្នានោះដែរ កម្ពុជា បានរកឃើញជំងឺកូវីដ១៩ ចំនួន ១៤១នាក់ (ស្ត្រី ៤០នាក់ និង បុរស ១០១នាក់)។
សូមបងប្អូនទាំងអស់ត្រូវប្រុងប្រយ័ត្នថែមទៀត ជាពិសេសត្រូវរក្សាគម្លាត និង ធ្វើអនាម័យអោយបានត្រឹមត្រូវ ៕
ប្រភព: ក្រសួងសុខាភិបាលនៃព្រះរាជាណាចក្រកម្ពុជា