យោងតាមសារព័ត៌មានក្នុងគេហទំព័រ CNN បានឲ្យដឹងថា យ៉ាងហោចណាស់មានមនុស្ស ១៣នាក់ បានស្លាប់និង ៣នាក់ ផ្សេងទៀតបានរងរបួសនៅក្នុងការរត់ជាន់គ្នានៅក្លឹបរាត្រីមួយក្នុងទីក្រុងលីម៉ា នៃប្រទេសប៉េរូ ដោយសារតែអ្នកនៅក្នុងក្លឹបបានព្យាយាមរត់គេចពីការវាយឆ្មក់បង្រ្កាបរបស់ប៉ូលិស។
មានការរាយការណ៍ឲ្យប៉ូលិសនៅល្ងាចថ្ងៃសៅរ៍ ឲ្យមកបង្រ្កាបបិទពិធីជប់លៀងខុសច្បាប់មួយកន្លែង ដែលមានមនុស្សជាង ១២០នាក់ ចូលរួម។
គួរបញ្ជាក់ផងដែរថា វិធានការណ៍គម្លាតសុវត្ថិភាពត្រូវបានកំណត់នៅក្នុងប្រទេសប៉េរូ ដោយការជួបជុំធំៗ ត្រូវបានហាមឃាត់ ហើយមានបំរាមគោចរទូទាំងប្រទេសត្រឹមម៉ោង ១០យប់ ដើម្បីកាត់បន្ថយការរីករាលដាលនៃមេរោគ Covid-19៕
ប្រភព ៖ cnn.com