នៅថ្ងៃទី២០ ខែសីហានេះ ប្រទេសនូវែលសេឡង់ បានរាយការណ៍ពីករណីឆ្លងថ្មីចំនួន ៥ ករណី ក្នុងរយៈពេល ២៤ ម៉ោងចុងក្រោយ នេះបើប្រៀបធៀបនឹងការឆ្លង ៦ ករណី មួយថ្ងៃមុននេះ ខណៈដែលប្រទេសនេះកំពុងប្រយុទ្ធនឹងការផ្ទុះឡើងថ្មីនៅក្នុងទីក្រុងធំបំផុតរបស់ខ្លួនគឺ អូកឡែន ។
ការលេចចេញជាថ្មីនូវការឆ្លងកាលពីសប្តាហ៍មុននៅទីក្រុងអូកឡែនបានជំរុញឱ្យរដ្ឋាភិបាលចាត់វិធានការឡើងវិញនូវការរឹតបន្តឹងមួយចំនួនទៅលើប្រជាជនចំនួន ១,៧ លាននាក់ នៅក្នុងទីក្រុងនេះ។
រហូតមកដល់ពេលនេះ ប្រទេសនូវែលហ្សេឡង់បានរាយការណ៍ថាមានករណីតែជាង ១៣០០ ករណី ប៉ុណ្ណោះ ហើយមនុស្ស ២២ នាក់ បានស្លាប់ដោយសារវីរុសនេះ។ ករណីសកម្មចំនួន ១០១ ករណី កំពុងកើតឡើងនៅក្នុងប្រទេស៕
ប្រភព ៖ www.channelnewsasia.com
