តាមរបាយការណ៍របស់គណៈកម្មាធិការជាតិដើម្បីបង្ការ ទប់ស្កាត់ និងត្រួតពិនិត្យមេរោគ Covid-19 បានអោយដឹងថាប្រទេសវៀតណាមបានរកឃើញករណីឆ្លងថ្មីនៃមេរោគ Covid-19 ចំនួន ០២ករណី នៅព្រឹកថ្ងៃទី ៥ ខែសីហានេះ ដែលទាក់ទងនឹងការផ្ទុះឡើងនៅកណ្តាលទីក្រុងដាណាង។
គណៈកម្មាធិការបាននិយាយថា អ្នកជំងឺទាំងពីររូបនេះ រស់នៅក្នុងខេត្តក្វាងណាម ដែលនៅជាប់នឹងដាណាង។
ជាមួយនឹងការធ្វើបច្ចុប្បន្នភាពចុងក្រោយនេះ ចំនួនករណីសរុបនៅក្នុងប្រទេសវៀតណាមឥឡូវនេះមាន ៦៧២ករណី រួមទាំង ៣០៨ករណី ជាករណីនាំចូល និង ២២៤ករណី បានផ្សារភ្ជាប់ទៅនឹងការផ្ទុះឡើងនៅដាណាំងចាប់ពីថ្ងៃទី ២៥ ខែកក្កដាកន្លងទៅនេះ៕
ប្រភព៖ m.oananews.org
