ទីក្រុងខៃរ៉ូ៖ អ្នកនាំពាក្យយោធាលោក Tamer Rifai បាននិយាយនៅក្នុងសេចក្តីថ្លែងការណ៍មួយកាលពីថ្ងៃពុធថា កងកម្លាំងប្រដាប់អាវុធអេហ្ស៊ីបបានរារាំងការវាយប្រហារភេរវកម្មនៅភាគខាងជើងទីក្រុងស៊ីណៃ និងបានសម្លាប់ភេរវករ ១៨ នាក់ក្នុងអំឡុងពេលប្រតិបត្តិការសន្តិសុខ។
យោងតាមអ្នកនាំពាក្យបានអោយដឹងថាទាហានអេហ្ស៊ីបពីរនាក់ត្រូវបានសម្លាប់និង ៤ នាក់ផ្សេងទៀតបានរងរបួសក្នុងកំឡុងពេលប្រតិបត្តិការនេះ។
គួររំលឹកផងដែរថា កាលពីខែឧសភាកន្លងទៅនេះ កងកម្លាំងប្រដាប់អាវុធជាតិបានសម្លាប់សកម្មប្រយុទ្ធ ១៩ នាក់ក្នុងកំឡុងពេលនៃការវាយឆ្មក់ជាច្រើនដោយមានទាហាន ៥ នាក់បានស្លាប់ និងរងរបួស។
ភាគខាងជើងនៃឧបទ្វីបស៊ីណៃគឺជាតំបន់ដែលមានភាពតានតឹងបំផុតរបស់អេហ្ស៊ីបជាយូរមកហើយ ដោយសារតែវត្តមានរបស់ក្រុមជ្រុលនិយម ដែលតែងតែធ្វើការវាយប្រហារប្រឆាំងនឹងប៉ូលីស និងកងទ័ពនៅលើឧបទ្វីបនេះ។ យោធាអេហ្ស៊ីបបានដឹកនាំប្រតិបត្តិការប្រឆាំងភេរវកម្មទ្រង់ទ្រាយធំនៅក្នុងតំបន់នេះអស់រយៈពេលជាងពីរឆ្នាំហើយ៕
ប្រភព៖ sputniknews.com