ទីក្រុងមែលប៊ន៖ ប៉ូលីសបាននិយាយកាលពីថ្ងៃពុធទី ១៥ ខែកក្កដា ថាអ្នកដែលចូលចិត្តលេងហ្គេម Pokemon GO និងភ្ញៀវ KFC គឺស្ថិតក្នុងចំណោមមនុស្សរាប់រយនាក់ ដែលត្រូវបានពិន័យចាប់តាំងពីទីក្រុង Melbourne បានដាក់ឲ្យស្ថិតក្នុងការរឹតត្បិត ដើម្បីការពារនូវការរាតត្បាតមេរោគ COVID-19 ។
ប្រជាជនប្រមាណ ៥ លាននាក់នៅក្នុងនិងជុំវិញទីក្រុងធំបំផុតទី២ របស់អូស្រ្តាលីនេះ បានទទួលការបញ្ជាឲ្យស្នាក់ នៅផ្ទះ ចាប់តាំងពីសប្តាហ៍មុន បន្ទាប់ពីមានការកើនឡើងនៃការឆ្លងវីរុសនេះ។
ក្នុងការបង្ក្រាបអ្នកល្មើសច្បាប់ ប៉ូលីសនៅរដ្ឋ Victoria បានផាកពិន័យជាង ៥០០ នាក់ក្នុងរយៈពេល ៦ ថ្ងៃសរុបបានប្រាក់ចំនួន ៩០២.០០០ ដុល្លារអូស្ត្រាលី (៦៣១,០០០ ដុល្លារ) ។
ក្នុងចំណោមអ្នកដែលប្រព្រឹត្តល្មើស មានបុរសពីរនាក់ត្រូវបានផាកពិន័យ ខណៈកំពុងលេងហ្គេម Pokemon GO នៅក្នុងឡានចតរបស់ពួកគេ ដែលពួកគេបានអះអាងថាកំពុង “សាកថ្មទូរស័ព្ទរបស់ពួកគេ” នៅផ្ទះមិត្តភក្តិ និងបុរសម្នាក់ដែលអង្គុយញ៉ាំអាហារនៅហាង KFCហើយបដិសេធមិនចាកចេញ។
អ្នករស់នៅក្នុងទីក្រុងមែលប៊ន ត្រូវបានអនុញ្ញាតឱ្យចាកចេញពីផ្ទះរបស់ពួកគេ សម្រាប់តែការងារ ការសិក្សា ការថែទាំសុខភាព ឬធ្វើលំហាត់ប្រាណ ឬដើម្បីទិញរបស់ចាំបាច់តែប៉ុណ្ណោះ។
មានករណីប្រមាណ ១.៥០០ ករណីត្រូវបានកត់ត្រា ចាប់តាំងពីមាន ការរឹតត្បិត នៅពេលដែលទីក្រុងនេះកំពុងមានការកើនឡើងនៃការឆ្លងក្នុង សហគមន៍ ដោយមានការឆ្លងជាចង្កោមកើតឡើងនៅក្នុងតំបន់លំនៅដ្ឋានសាធារណៈ ផ្ទះថែទាំ និងសាលារៀន៕
ប្រភព៖ channelnewsasia.com