មីយ៉ាន់ម៉ា៖ ការរអិលបាក់ដីនៅអណ្តូងរ៉ែមួយនៅភាគខាងជើងប្រទេសមីយ៉ាន់ម៉ាបានសម្លាប់មនុស្សយ៉ាងហោចណាស់ ១១៣នាក់។ អាជ្ញាធរបាននិយាយថា ចំនួនអ្នកស្លាប់ទំនងជានឹងកើនឡើងថែមទៀត។
នាយកដ្ឋានសេវាកម្មពន្លត់អគ្គីភ័យមីយ៉ាន់ម៉ាបាននិយាយនៅលើហ្វេសប៊ុកថា ឧប្បត្តិហេតុនេះបានកើតឡើងនៅព្រឹកព្រលឹមថ្ងៃព្រហស្បតិ៍នៅក្នុងតំបន់ប៉ាកាន់ដែលសម្បូរដោយរ៉ែត្បូង នៃរដ្ឋកាឈិន បន្ទាប់ពីមានភ្លៀងធ្លាក់ខ្លាំង។
សេចក្តីថ្លែងការណ៍បាននិយាយថា “អ្នករុករករ៉ែត្បូងត្រូវបានពន្លិចដោយល្បាក់ភក់ដែលបាក់រលំ។ សេចក្តីរាយការណ៍បានបន្ថែមទៀតថា “រហូតមកដល់ពេលនេះសាកសពសរុបចំនួន ១១៣ ត្រូវបានរកឃើញ។
រូបថតដែលត្រូវបានបង្ហោះនៅលើទំព័រហ្វេសប៊ុកបានបង្ហាញពីក្រុមស្វែងរក និងជួយសង្គ្រោះដែលបានដើរឆ្លងកាត់ជ្រលងភ្នំមួយ ដែលមើលទៅហាក់ដូចជាជន់លិចដោយការរអិលបាក់ដី៕
ប្រភព៖ www.aljazeera.com