អ្នកអាចចំណាយពេលរាប់ទសវត្សបង្កើតក្តីសុបិន្ត ប៉ុន្តែពិភពលោកអាចបំផ្លាញវាដោយចៃដន្យ ដូចជាជំងឺរាតត្បាតពីវីរុសដែលមិនស្គាល់។ នោះជាអ្វីដែលបានកើតឡើងចំពោះលោក Brian Chesky ដែលជានាយកប្រតិបត្តិរបស់ Airbnb ជាមួយនឹងការមកដល់នៃ កូវីដ១៩ នៅឆ្នាំនេះ។
លោក Chesky បាននិយាយនៅក្នុងបទសម្ភាសន៍នៅលើស្ថានីយទូរទស្សន៍ CNBC ថា “យើងចំណាយពេល ១២ឆ្នាំ ដើម្បីសាងសង់ក្រុមហ៊ុន Airbnb ហើយយើងបានបាត់បង់អ្វីៗស្ទើរតែទាំងអស់ក្នុងរយៈពេល ៤ ទៅ ៦ សប្តាហ៍”។
លោក Chesky ក៏បានកត់សម្គាល់ផងដែរថាក្រុមហ៊ុន Airbnb ប្រឈមនឹងអនាគតមិនប្រាកដប្រជាដោយសារតែការភ័យខ្លាចនៃការផ្ទុះដែលកំពុងកើតឡើងនៅជុំវិញពិភពលោក។ «ខ្ញុំមិនចង់និយាយថាការធ្វើដំណើរបានបញ្ចប់នោះទេ តែផ្ទុយទៅវិញគំរូដែលយើងបានដឹងបានស្លាប់ហើយ ហើយនឹងមិនវិលត្រឡប់មកវិញទេ។ យើងនឹងចូលក្នុងឡានរបស់យើង បើកបរពីរបីគីឡូម៉ែត្រទៅសហគមន៍តូចមួយ ហើយស្នាក់នៅក្នុងផ្ទះ។ ទេសចរណ៍ដែលយើងបានស្គាល់បានចប់ហើយ»៕
ប្រភព៖ www.entrepreneur.com
