គិតត្រឹងថ្ងៃទី២៨ ខែមិថុនា មានករណីសកម្មនៃ កូវីដ១៩ ចំនួន ៥៨.៧២១ ករណី នៅទូទាំងប្រទេសជាសមាជិកអាស៊ានទាំង១០ ដែលមានការកើនឡើងចំនួន ១,១៨៧នាក់ ឬ ២,០៦ភាគរយ នៅថ្ងៃមុន។ ក្នុងចំណោម ១៥៣ នេះឬ ០,២៦ភាគរយ ត្រូវបានចាត់ទុកថា ធ្ងន់ធ្ងរ។ មនុស្សចំនួន ១.១៩១នាក់ ផ្សេងទៀតត្រូវបានព្យាបាលជាសះស្បើយ។
ប្រទេសឥណ្ឌូណេស៊ីបានបន្តកត់ត្រាចំនួនអ្នកស្លាប់ច្រើនជាងគេនៅក្នុងតំបន់អាស៊ាន កាលពីម្សិលមិញដោយមានមនុស្ស ៣៧នាក់ បានស្លាប់ ធ្វើឲ្យចំនួនអ្នកស្លាប់នៅទីនោះកើនឡើងដល់ ២.៧២០នាក់។ បន្ទាប់ពីការព្យាបាល អ្នកជំងឺចំនួន ៥៧៦នាក់ ត្រូវបានប្រកាសថាបានជាសះស្បើយ។
ដោយឡែកនៅក្នុងប្រទេសហ្វីលីពីនវិញ មានអ្នកស្លាប់ចំនួន ១២នាក់ កាលពីម្សិលមិញ ធ្វើឲ្យមានអ្នកស្លាប់ដោយសារកូវីដ១៩នៅទីនោះ បានកើនឡើងដល់ ១.២៣៦នាក់ ខណៈដែលករណីថ្មីចំនួន ៧៣០ករណី បានបង្កើនចំនួនករណីឆ្លងសរុបក្នុងប្រទេសនេះកើនឡើងដល់ ២៤.១៣៧នាក់ ដែលក្នុងនោះ ១៤៧នាក់ ត្រូវបានចាត់ទុកថាធ្ងន់ធ្ងរ។ បន្ទាប់ពីការព្យាបាល មនុស្សចំនួន ២៤៨នាក់ ត្រូវបានប្រកាសថាបានជាសះស្បើយ។ពុំមានអ្នកស្លាប់ដោយសារកូវីដ១៩ ផ្សេងទៀតត្រូវបានកត់ត្រានៅក្នុងតំបន់អាស៊ានកាលពីម្សិលមិញទេ។
នៅក្នុងប្រទេសសឹង្ហបូរី ចំនួនករណីសកម្មកូវីដ១៩ បានបន្តបន្ធូរបន្ថយ ដោយមានការឆ្លងថ្មីចំនួន ២៩១នាក់ និងអ្នកជំងឺ ៣៣៨នាក់ បានជាសះ ដោយអ្នកជំងឺម្នាក់មានសភាពធ្ងន់ធ្ងរ។ប្រទេសម៉ាឡេស៊ីកាលពីម្សិលមិញមានការឆ្លងថ្មីចំនួន ១៨៧ករណី។ អ្នកជំងឺ ១០នាក់ បានជាសះស្បើយ និងអ្នជំងឺ ០២នាក់ ស្ថិតក្នុងស្ថានភាពធ្ងន់ធ្ងរ។
កាលពីថ្ងៃម្សិលមិញ នៅក្នុងប្រទេស មនុស្សចំនួន ១៣នាក់ បានជាសះស្បើយ ធ្វើឲ្យករណីសកម្មនៅទីនោះធ្លាក់ចុះដល់ ៥១នាក់ ដោយអ្នកជំងឺម្នាក់មានអាការៈ ធ្ងន់ធ្ងរ ខណៈដែលមីយ៉ាន់ម៉ាមានអ្នកជំងឺម្នាក់បានជាសះស្បើយ។ប្រទេសកម្ពុជាបានរាយការណ៍ពីករណីថ្មីនៃកូវីដ១៩ ចំនួន ១១ករណី ខណៈដែល មានករណីឆ្លងថ្មីចំនួន ០២ករណី នៅវៀតណាម ធ្វើឲ្យករណីសកម្មនៅទីនោះមានចំនួន ២៥ករណី។ ពុំមានការប្រែប្រួលអំពីស្ថានភាពកូវីដ១៩ នៅក្នុងប្រទេសប្រ៊ុយណេ និងឡាវទេ។
សូមបងប្អូនប្រជាពលរដ្ឋបន្តការប្រុងប្រយ័ត្នដើម្បីបង្ការ និងទប់ស្កាត់ការរីករាលដាលនៃមេរោគកូវីដ១៩ ដោយលាងដៃនឹងសាប៊ូ ឬក៏ជែល ព្រមទាំងរក្សាគម្លាតសង្គម និងចៀសវាងការធ្វើដំណើរដោយមិនចាំបាច់៕
ប្រភព៖ aecnewstoday.com
