ជនសង្ស័យម្នាក់ត្រូវបានសមត្ថកិច្ចប៉ុស្តិ៍ចាប់ខ្លួនបានភ្លាមៗ បន្ទាប់ពីបានប្រព្រឹត្តិករណីលួចមានស្ថានទម្ងន់ទោស ( យកច្រវ៉ាក់វាយយកទ្រព្យសម្បត្តិ និងបណ្តាលអោយរបួស )
បន្ទាប់ពីទទួលបានព័ត៌មានថាមានករណីលួចយកសម្បត្តិ និងវាយបណ្តាលឲ្យរបួសភ្លាម កំលាំងជំនាញខណ្ឌប៉ុសិ៍្ត បានបើកការស្រាវជ្រាវភ្លាមៗ ចំពោះមុខសញ្ញាប្រព្រឹត្តបទល្មើសគ្រប់ប្រភេទ ជាក់ស្តែងនៅថ្ងៃទី០៧ ខែមិថុនា ឆ្នាំ២០២០ វេលាម៉ោង២១ ម៉៣០នាទី សមត្ថកិច្ចបានឃាត់ខ្លួនជនសង្ស័យម្នាក់ ពីបទ លួចមានស្ថានទម្ងន់ទោស(យកច្រវ៉ាក់វាយយកទ្រព្យសម្បត្តិ និងបណ្តាលអោយរបួស) ស្ថិតនៅចំណុចក្បែររបងស៊ីឌីស៊ី ផ្លូវ៩៤ កែង១៣ ភូមិ១១ សង្កាត់ស្រះចក ខណ្ឌដូនពេញ រាជធានីភ្នំពេញ ។
ជនសង្ស័យឈ្មោះ ហេង អ៉ិន ភេទប្រុស អាយុ៤៣ឆ្នាំ ជនជាតិខ្មែរ មុខរបររត់ម៉ូតូឌុប ស្នាក់នៅផ្ទះជួលបន្ទប់លេខ4 ផ្លូវជាតិលេខ4 ភូមិអូរឌឹម សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ(ឃាត់ខ្លួន)។
វត្ថុតាងចាប់យកម៉ូតូមួយគ្រឿងម៉ាកសេ125 ពណ៌ខ្មៅ ស្លាកលេខ ភ្នំពេញ.1CO.1840, ទូរស័ព្ទដៃមួយគ្រឿងម៉ាក realme ពណ៌ស្វាយ និងច្រវ៉ាក់ចាក់ជាប់មេសោរមួយ(ជារបស់ជនសង្ស័យ) ។
ជនរងគ្រោះឈ្មោះ ហោ វិសាល ភេទប្រុស អាយុ២៩ឆ្នាំ ជនជាតិខ្មែរ មុខរបរកម្មករសំណង់ ស្នាក់នៅ ភូមិវាលបំពង់ ឃុំខ្ពកតាងួន ស្រុកស្ទឹងត្រង់ ខេត្តកំពង់ចាម(បាត់កាបូបលុយបាត់លុយចំនួន40ដុល្លារ, ប័ណ្ណសំគាល់ម៉ូតូមួយសន្លឹក, អត្តសញ្ញាណប័ណ្ណសញ្ជាតិខ្មែរមួយសន្លឹកនិងទូរស័ព្ទ មួយគ្រឿង ម៉ាកអាយម៉ូបាយ ពណ៌ទឹកប្រាក់) ។
-ឈ្មោះ ធុន ឆើត ភេទប្រុស អាយុ25ឆ្នាំ ជនជាតិខ្មែរ មុខរបរធ្វើស្រែ ស្នាក់នៅភូមិទួលវិហារមានជ័យ ឃុំក ស្រុកត្បូងឃ្មុំ ខេត្តត្បូងឃ្មុំ(បាត់លុយចំនួន4ម៉ឺនរៀល និងប័ណ្ណសំគាល់ម៉ូតូមួយសន្លឹក)។
ចំពោះមុខ កំលាំងជំនាញខណ្ឌ ប៉ុសិ៍្ត កំពុងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី ៕
