នៅថ្ងៃទី០៤ ខែកក្កដា ឆ្នាំ២០២០ វេលាម៉ោង ១៩:០០នាទីយប់កម្លាំងសមត្ថកិច្ចប៉ុស្តិ៍នគរបាលរដ្ឋបាល ទន្លេបាសាក់នៃអធិការដ្ឋាននគរបាលខណ្ឌចំការមន បានធ្វើការល្បាតពួនស្ទាក់ ទប់ស្កាត់បទល្មើសផ្សេងៗ នៅក្នុងមូលដ្ឋានលុះមកដល់ចំណុចមុខផ្សារអ៊ីអន ផ្លូវសុធារស ក្រុម៤៥ ភូមិ៨ សង្កាត់ទន្លេបាសាក ខណ្ឌចំការមន ភ្នំពេញ ក៏បានប្រទះឃើញជនសង្ស័យម្នាក់ កំពុងឈររេរាដើរចុះដើរឡើង។
ដោយមានការសង្ស័យកម្លាំងយើងក៏បានធ្វើការចុះសួរនាំ និងត្រួតពិនិត្យលើដងខ្លួនបស់ជនសង្ស័យ ក៏ស្រាប់តែរកឃើញក្រាមសថ្លា (សង្ស័យសារធាតុញៀន) ចំនួន០៣ កូនថង់តូចលាក់ទុកក្នុងហោប៉ៅខោខាងមុខ ហៀងខាងស្តាំរបស់ជនសង្ស័យ រួចកម្លាំងយើងក៏បានឃាត់ខ្លួនជនសង្ស័យ រួមទាំងវត្ថុតាង យកមកកាន់ប៉ុស្តិ៍នគរបាលរដ្ឋបាកទន្លេបាសាក ដើម្បីសាកសួរ និងចាត់ការតាមនិតិវិធីច្បាប់តែម្តង ។
ជនសង្ស័យមានឈ្មោះ អ៊ឹម សំណាង ភេទប្រុស អាយុ២៦ឆ្នាំ ជនជាតិខ្មែរ ស្នាក់នៅនិងមុខរបរមិនពិតប្រាកដ ។
វត្ថុតាងដកហូត ក្រាមសថ្លា (សង្ស័យសារធាតុញៀន)ចំនួន០៣កូនថង់តូច ។ បច្ចុប្បន្នជនសង្ស័យរួមទាំងវត្ថុតាងត្រូវបានបញ្ជូនទៅកាន់អធិការដ្ឋាននគរបាលចណ្ឌខំការមនដេីម្បីចាត់ការបន្ត ។
សូមជៀសអោយឆ្ងាយពីគ្រឿងញៀន ។
