ជនបរទេសចំនួន១៥៤នានក់ គ្មានប័ណ្ណការងារ ត្រូវបានបញ្ជូនទៅកាន់អគ្គនាយកដ្ឋានអន្តោប្រវេសន៍

នៅថ្ងៃអង្គារ៍ ទី១៧ ខែធ្នូ ឆ្នាំ២០១៩ វេលាម៉ោង ១០:០៨នាទីព្រឹក លោកឧត្តមសេនីយ៍ទោ ទិត វិសិដ្ឋ ស្នងការរង ទទួលផែនការងារអន្តោប្រវេសន៍ និងលោកឧត្តមសេនីយ៍ត្រី សរ សំណាង ស្នងការរង តំណាងឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានដឹកនាំកម្លាំងចូលរួម សហការជាមួយនាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ ដែលដឹកនាំដោយលោក គុជ គីមឡុង ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ លោកឧត្តមសេនីយ៍ទោ វឌ្ឍនៈ មង្គល ប្រធាននាយកដ្ឋាន បានចុះពិនិត្យទីតាំងសំណង់តំបន់សេដ្ឋកិច្ច ស្ថិតនៅក្នុងភូមិបឹងធំ សង្កាត់បឹងធំ ខណ្ឌកំបូល រាជធានីភ្នំពេញ ពិនិត្យឃើញមានជនបរទេសចំនួន ១៥៤ នាក់ ស្រី ១២ នាក់ មានចំនួន ២ សញ្ជាតិ ៖
-វៀតណាមចំនួន ១១៩ នាក់ស្រី ១២ នាក់
-ចិនចំនួន ៣៥ នាក់។

គ្មានប័ណ្ណការងារ បានដកហូតខិតឆ្លងដែនចំនួន ០៩ ក្បាល (វៀតណាម ៥១ ចិនចំនួន ០៣ ក្បាល) បានបញ្ជូនទៅកាន់អគ្គនាយកដ្ឋានអន្តោប្រវេសន៍ ដើម្បីអនុវត្តនីតិវិធីបន្ត ។