នៅថ្ងៃទី១២ ខែមិថុនា ឆ្នាំ២០២០ វេលាម៉ោង ០៨:៣០នាទី ការិយាល័យគ្រប់គ្រងជនបរទេស ផែនការងារអន្តោប្រវេសន៍ នៃស្នងការនគរបាលរាជធានីភ្នំពេញ បានបើកកិច្ចប្រជុំបូកសរុបលទ្ធផលការងារប្រចាំខែឧសភា ឆ្នាំ២០២០ និងទិសដៅការងារខែមិថុនា ឆ្នាំ២០២០ ក្រោមការដឹកនាំរបស់ លោកឧត្តមសេនីយ៍ទោ ទិត វិសិដ្ឋ ស្នងការរងទទួលផែនការងារអន្តោប្រវេសន៍ និង លោកឧត្តមសេនីយ៍ត្រី សរ សំណាង ស្នងការរងទទួលការងារដឹកនាំការិយាល័យគ្រប់គ្រងជនបរទេស សមាសភាពចូលរួមមាន លោក នាយ-នាយរងការិយាល័យ នាយ- នាយរងផ្នែក និងមន្រ្តីការិយាល័យគ្រប់គ្រងជនបរទេស ដែលមានខ្លឹមសារនៃកិច្ចប្រជុំមាន លោកនាយការិយាល័យ ស្វាគមន៍បើកកិច្ចប្រជុំ និងចាប់ផ្តើមរបៀបវារៈប្រជុំ ការអានរបាយការណ៍ប្រចាំខែ ឧសភា ឆ្នាំ២០២០ ដោយលោក នាយរងការិយល័យ រដ្ឋបាលសរុប
មតិរបស់លោកនាយការិយាល័យគ្រប់គ្រងជនបរទេស៖
– ជំរុញមន្រ្តីឱ្យអនុវត្តការងារទៅតាមនីមួយៗ ឱ្យមានប្រសិទ្ធិភាពខ្ពស់ ។
– ជំរុញមន្រ្តីចុះផ្សព្វផ្សាយណែនាំ របៀប្រើប្រាស់ប្រព័ន្ធគ្រប់គ្រងវត្តមានជនបរទេស ក្នុងព្រះរាជាណាចក្រកម្ពុជា (FPCS) ។
– បន្តជំរុញការងារបែងចែងប្រកាសទទួល និងប័ណ្ណស្នាក់នៅអចិន្រ្តៃយ៍ ជូនដល់ជនបរទេសន្តោប្រវេសន្ត ។
មតិណែរបស់ស្នងការរងទទួលដឹកនាំការងារការិយាល័យគ្រប់គ្រងជនបរទេស៖
– មានមតិវាយតម្លៃលើលទ្ធផលការងារ ប្រចាំខែឧសភា ឆ្នាំ២០២០ របស់ការិយាល័យ ។
– ជំរុញដល់មន្រ្តីក្នុងការិយាល័យ ត្រូវអនុវត្តការងារឱ្យបានខ្ជាប់ខ្ជួន ម៉ឺងម៉ាត់ និងឱ្យមានប្រសិទ្ធិភាពខ្ពស់ ដើម្បីឆ្លើយតាមផែនការថ្នាក់ដឹកនាំដាក់ជូន ។
– ជំរុញឱ្យមន្រ្តីត្រូវចេះគោរពគ្នាទៅវិញទៅមក សាមគ្គីភាព និងស្មោះត្រង់ចំពោះថ្នាក់ដឹកនាំ និងមិត្តរួមអាជីព ។
– បន្តជុំរុញអោយកងកម្លាំងទាំងអស់អនុវត្តវិន័យអោយបានខ្ជាប់ខ្ជួនជាវិន័យរបស់កងកម្លាំង ។
– បន្តជំរុញឲ្យកងកម្លាំងទាំងអស់ត្រូវមានការទទួលខុសត្រូវខ្ពស់លើការងារប្រជុំជួរ គោរពទង់ជាតិ និងប្រចាំបញ្ជានៅស្នងដ្ឋាននគរបាលរាជធានីភ្នំពេញ ។
មតិបូកសរុបរបស់លោកឧត្តមសេនីយ៍ទោ ទិត វិសិដ្ឋ ស្នងការរងទទួលផែនការងារអន្តោប្រវេសន៍ ៕
