ឯកឧត្ដម គី តិច និងលោក លី ច័ន្ទតុលា ប្រធានគណៈមេធាវី បានអញ្ជើញចុះជួបសំណេះសំណាល សាកសួរសុខទុក្ខ និងផ្តល់អំណោយមនុស្សធម៌ ជូនបងប្អូនប្រជាពលរដ្ឋ រងគ្រោះដោយជំនន់ទឹកភ្លៀង ៧៣គ្រួសារ

នៅថ្ងៃទី២១ ខែតុលា ឆ្នាំ២០២០នេះ វេលាម៉ោង ១៤ និង០០នាទី ប្រតិភូគណៈមេធាវីរាជរដ្ឋាភិបាល និងក្រុមមេធាវីស្ម័គ្រចិត្តសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដឹកនាំដោយឯកឧត្ដម គី តិច និងលោក លី ច័ន្ទតុលា ប្រធានគណៈមេធាវី បានអញ្ជើញចុះជួបសំណេះសំណាល សាកសួរសុខទុក្ខ និងផ្តល់អំណោយមនុស្សធម៌ ជូនបងប្អូនប្រជាពលរដ្ឋ រងគ្រោះដោយជំនន់ទឹកភ្លៀង ៧៣គ្រួសារ រស់នៅភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។

ក្នុងឱកាសនោះដែរ មានការអញ្ជើញចូលរួមពីសំណាក់៖

– លោកជំទាវ ម៉ក់ វណ្ណស៊ីថា តំណាងរាស្ត្រមណ្ឌលភ្នំពេញ និង ជាប្រធានក្រុមការងារចុះជួយសង្កាត់ចាក់អង្រែលើ
– ឯកឧត្ដម យី កុយ អនុប្រធានក្រុមការងារ ថ្នាក់ចុះជួយខណ្ឌមានជ័យ
– លោក អែម សុខលាង ប្រធានក្រុមប្រឹក្សា ខណ្ឌមានជ័យ
– លោក ពេជ្រ កែវមុនី អភិបាល ខណ្ឌមានជ័យ
– លោក ឌី រ័ត្នខេមរុណ អភិបាលរង ខណ្ឌមានជ័យ
– លោក ឡុង ង៉ែត អភិបាលរង ខណ្ឌមានជ័យ
– លោក ម៉េង វិមានតារា អធិការនគរបាលខណ្ឌមានជ័យ
– លោក-លោកស្រី នាយក-នាយករងរដ្ឋបាល
– លោក-លោស្រី ប្រធាន អនុប្រធាន ការិយាល័យ ចំណុះទាំង១១
– លោក-លោកស្រីចៅសង្កាត់ទាំង៧

អំណោយមនុស្សធម៌ដែលទទួលបានក្នុងមួយគ្រួសារមាន ៖ អង្ករ ២០គីឡូក្រាម , ទឹកសុទ្ធ ១កេស , មី ១កេស , ត្រីខ ១យួរ , រួមទាំងថវិកា ៣០,០០០ រៀល៕