ឯកឧត្តម ឧត្តមសេនីយ៍ឯក ស ថេត ដែលត្រូវជំនួសតំណែងជាស្នងការនគរបាលរាជធានីភ្នំពេញបានថ្លែងប្តេជ្ញាថា លោកគោរព និងអនុវត្តយ៉ាងស្មោះត្រង់បំផុតចំពោះជាតិ សាសនា ព្រះមហាក្សត្រ ចំពោះរដ្ឋធម្មនុញ្ញកម្មវិធីនយោបាយចតុកោណដំណាក់កាលទី ៤ របស់រាជរដ្ឋាភិបាល។
ឯកឧត្តម ឧត្តមសេនីយ៍ឯក ថេត បានសន្យាថានឹងប្រតិបត្តិយ៉ាងម៉ឺងម៉ាត់ និងដោយសច្ចធម៌ចំពោះមុខច្បាប់ និងបទប្បញ្ញត្តិផ្សេងៗរបស់ថ្នាក់ដឹកនាំគ្រប់លំដាប់ថ្នាក់។
ឯកឧត្តម ឧត្តមសេនីយ៍ឯក ថេត ថ្លែងថា៖ «ក្រៅពីនេះខ្ញុំសូមប្ដេជ្ញាដែរថា នឹងប្រើកម្លាំងកាយចិត្ត និងគំនិតប្រាជ្ញា ដើម្បីបម្រើសេវាសាធារណៈជូនប្រជាពលរដ្ឋក៏ដូចជារក្សាសាមគ្គីភាពផ្ទៃក្នុង និងអង្គភាពពាក់ព័ន្ធផ្សេងៗទៀតឲ្យបានល្អប្រសើរ»។