អាជ្ញាធរសុខាភិបាលជាតិរបស់ប្រទេសចិនបាននិយាយនៅក្នុងសេចក្តីថ្លែងការណ៍មួយកាលពីថ្ងៃអង្គារ (១៥ កញ្ញា) ថា ប្រទេសចិនបានរាយការណ៍នូវករណីថ្មីនៃការឆ្លងវីរុស Covid-19 ចំនួន ៨ករណី កាលពីថ្ងៃចន្ទកន្លងមកនេះ។
គណៈកម្មការសុខភាពជាតិបាននិយាយថា រាល់ករណី ដែលត្រូវបានរាយការណ៍ថ្មីៗទាំងអស់ ត្រូវបាននាំចូល ដោយអ្នកធ្វើដំណើរមកពីបរទេស។ គណៈកម្មការក៏បានរាយការណ៍អំពីករណីឆ្លងថ្មី ដោយមិនមានចេញរោគសញ្ញា ចំនួន ៩ករណី ផងដែរ គឺធ្លាក់ចុះពីចំនួន ៣៩ករណី កាលពីថ្ងៃមុននេះ។
ដូច្នេះ ចំនួនសរុបនៃការឆ្លងវីរុស Covid-19 នៅក្នុងប្រទេសចិន មានចំនួន ៨៥.២០២ នាក់។ ចំនួនអ្នកស្លាប់នៅតែមិនផ្លាស់ប្តូរ គឺចំនួន ៤.៦៣៤ នាក់៕
