កម្លាំងការិយាល័យនគរបាលព្រហ្មទណ្ឌកំរិតស្រាល រាជធានីភ្នំពេញ បានធ្វើការស្រាវជ្រាវឃាត់ខ្លួនជនសង្ស័យចំនួន០២នាក់ នៅថ្ងៃទី២៧ ខែមីនា ឆ្នាំ២០២៤ នៅចំណុចចំណុចភូមិកោះនរា សង្កាត់និរោធ ខណ្ឌច្បារអំពៅ បន្ទាប់ពីឃាត់ជនសង្ស័យខាងលើ នៅថ្ងៃទី២៨ ខែ មីនា ឆ្នាំ២០២៤ កម្លាំងជំនាញបន្តស្រាវជ្រាវឈានដល់ឃាត់ខ្លួនបក្ខពួកម្នាក់ទៀត នៅចំណុចមជ្ឈមណ្ឌលឱកាសខ្ញុំ ពាក់ព័ន្ធករណី កា ..;ប់ ប្ល ..;ន់ យកម៉ូតូ ប្រព្រឹត្តនៅចំណុចដីឡូតិ៍គ្មានលេខ ផ្លូវលំ ភូមិកោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ កាលពីថ្ងៃទី១២ ខែកុម្ភៈ ឆ្នាំ២០២៤។ ការឃាត់ខ្លួនជនសង្ស័យខាងលើក្រោមការដឹកនាំបញ្ជារបស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងលោកឧត្តមសេនីយ៍ត្រី ប៊ុន សត្យា ស្នងការរង ទទួលផែនការងារនគរបាលព្រហ្មទណ្ឌ និងលោកឧត្តមសេនីយ៍ទោ លី ប៊ុនអេង ស្នងការរង ទទួលដឹកនាំការិយាល័យ។

លោកវរសេនីយ៍់ទោ ម៉ម សាវន នាយការិយាល័យនគរបាលព្រហ្មទណ្ឌកំរិតស្រាល បានដឹងថាជនសង្ស័យឃាត់ខ្លួនខាងលើរួមមាន៖
១-ឈ្មោះ សុខ វែង ភេទ ប្រុស ជនជាតិ វៀតណាម មុខរបរ មិនពិតប្រាកដមានទីលំនៅផ្ទះគ្មានលេខ ផ្លូវលំ ភូមិកោះនរា សង្កាត់និរោធ ខណ្ឌច្បារអំពៅ។
២-ឈ្មោះ សុខ ជា ភេទ ប្រុស ជនជាតិ ខ្មែរ មុខរបរ មិនពិតប្រាកដ មានទីលំនៅផ្ទះគ្មានលេខ ផ្លូវលំ ភូមិកោះនរា សង្កាត់និរោធ ខណ្ឌច្បារអំពៅ។
៣-ឈ្មោះ ម៉ា ពៅ ភេទ ប្រុស ជនជាតិ ខ្មែរ មុខរបរ មិនពិតប្រាកដ មានទីលំនៅផ្ទះគ្មានលេខ ផ្លូវលំ ភូមិកោះនរា សង្កាត់និរោធ ខណ្ឌច្បារអំពៅ។

បច្ចុប្បន្នជនសង្ស័យខាងលើ កម្លាំងការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕

កិច្ចប្រជុំដឹកនាំដោយឯកឧត្តម ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ក្នុងនោះក៏មានការចូលរួមពីលោកលោកស្រីស្នងការរង លោកលោកស្រីអនុផែនការងារ លោកលោកស្រីនាយការិយាល័យជំនាញទាំង៣៣ និងលោកអធិការនគរបាលខណ្ឌទាំង១៤។ ឯកឧត្តម ឧត្តមសេនីយ៍ឯក ស ថេត ក៏បានលើកឡើងថាការកួតកីឡាស៊ីហ្គេម និងកីឡាអាស៊ានប៉ារ៉ាហ្គេម ជាព្រឹត្តិការណ៍ប្រវត្តិសាស្រ្តសម្រាប់ប្រទេសកម្ពុជាដែលបានខកខានរៀបចំព្រឹត្តិការណ៍ដ៏មានសារៈសំខាន់នេះប្រមាណ៦៤ឆ្នាំមកហើយ ដូច្នេះមិនត្រូវបណ្តែតបណ្តោយឱ្យព្រឹត្តិការណ៍នេះ មានបញ្ហាអ្វីកើតឡើងនោះទេត្រូវក្តាប់ឱ្យបានរាល់មុខសញ្ញាចង់បង្កអសន្តិសុខ។ដូច្នេះឯកឧត្តមក៏បានដាក់បទបញ្ជាឱ្យកងកម្លាំងនគរបាលរាជធានីភ្នំពេញត្រូវសហការជាមួយកងកម្លាំងពាក់ព័ន្ធបំពេញភារកិច្ចប្រកបដោយការទទួលខុសត្រូវខ្ពស់ ការពារសន្តិសុខរក្សាសណ្តាប់ធ្នាប់នាំមកសុខសុវត្ថិភាពជូនដល់កីឡាករ ថ្នាក់ដឹកនាំកីឡា និងប្រមុខរដ្ឋនានា ក៏ដូចជាប្រជាពលរដ្ឋកម្ពុជា ដែលបានចូលរួមអបអរសាទរការកួតកីឡាស៊ីហ្គេមនិងកីឡាអាស៊ានប៉ារ៉ាហ្គេមឱ្យបានល្អបំផុត។

ឯកឧត្តម អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានលើកឡើងទៀតថា៖កិច្ចការងារការពារសន្តិសុខ រក្សាសណ្តាប់ធ្នាប់គឺមេបញ្ជាការតាមគោលដៅនីមួយៗត្រូវបែងចែកការគ្រប់គ្រង់កម្លាំងជាផ្នែកៗដើម្បីងាយស្រួលដឹកនាំបញ្ជាកម្លាំងអនុវត្តភារកិច្ចឱ្យមានប្រសិទ្ធភាព ក្នុងនោះត្រូវបែងចែកម្លាំងការពារកន្លែងប្រកួត កន្លែងស្នាក់នៅរបស់កីឡា កន្លែងប្រារព្ធបិទនិងបើកការប្រកួតកីឡាស៊ីហ្គេម និងកីឡាអាស៊ានប៉ាហ្គេម និងការសម្រួលចរាចរណ៍តាមតម្រាយផ្លូវដែលបានកំណត់នៃការធ្វើដំណើររបស់កីឡាករ និងប្រមុខរដ្ឋនានា ចាប់តាំងព្រលានយន្តហោះអន្តរជាតិភ្នំពេញរហូតដល់គោលដៅការប្រកួតនិងគោលដៅស្នាក់នៅរបស់កីឡា។ជាមួយនោះក៏ត្រូវប្រើប្រាស់កម្លាំងល្បាតត្រួតពិនិត្យជាប្រចាំដើម្បីពង្រឹងសន្តិសុខ ការរៀបចំកម្លាំងការពារសុវត្ថិភាពជូនដល់កីឡាកររឺប្រមុខរដ្ឋនានាដែលអញ្ជើញដំណើរកម្សាន្តនៅគោលដៅទេសចរណ៍ផ្សេងៗក្នុងរាជធានីភ្នំពេញ។ ឯកឧត្តម ឧត្តមសេនីយ៍ឯក ស ថេត ក៏បានលើកឡើងក្តាប់ឱ្យបាននូវរាល់កម្មវិធីប្រកួតកីឡានីមួយៗដើម្បីងាយស្រួលដល់កងកម្លាំងចេញការពារនិងសម្រួលចរាចរណ៍កុំឱ្យមានការកកស្ទះ

ក្នុងកិច្ចប្រជុំនេះដែរក៏មានការចូលរួមពីលោក លោកស្រីស្នងការរងទទួលដឹកនាំផែនការងារជំនាញទាំង១៣ ជំនួយការស្នងការ នាយការិយាល័យពាក់ព័ន្ធ លោកអធិការនគរបាលខណ្ឌទាំង១៤ លោកនាយ នាយរងការិយាល័យ នាយ នាយរងផ្នែក និងប្រធានគោលដៅចរាចរណ៍ទាំងអស់ក្នុងភូមិសាស្ត្ររាជធានីភ្នំពេញ ក៏ដូចជាមន្ត្រីពាក់ព័ន្ធមួយចំនួនទៀតផងដែរ ។

ក្នុងឱកាសបុណ្យចូលឆ្នាំថ្មីប្រពៃណីខ្មែរខាងមុខនេះ ឯកឧត្តមស្នងការ បានណែនាំដល់លោក លោកស្រីស្នងការរង និងសមាជិកនៃអង្គប្រជុំ ឲ្យយកចិត្តទុកដាក់ខ្ពស់លើការសម្រួលចរាចរណ៍ទាំងក្នុងក្រុង គ្រប់ច្រកចេញចូលក្រុង ទីវត្តអារាម កន្លែងកំសាន្ត ជាពិសេសកម្លាំងជំនាញត្រូវតែរៀបចំកម្លាំងល្បាតជាប្រចាំដើម្បីបង្ការ ទប់ស្កាត់ និងបង្ក្រាបបទល្មើស កុំឲ្យកើតមានឡើង ។ ជាមួយនោះដែរឯកឧត្តម បានណែនាំដល់មន្ត្រីចរាចរណ៍ទាំងអស់ ត្រូវបង្ហាញនូវកាយវិការ ពាក្យសំដី ឲ្យបានសមរម្យ ជាពិសេសបង្ហាញនូវទឹកមុខរីករាយ នៅពេលចុះជួយសម្រួលចរាចរណ៍ជូនប្រជាពលរដ្ឋ ។ ក្រៅពីនោះ កម្លាំងអន្តរាគមន៍ កម្លាំងអគ្គិភ័យ ត្រូវតែប្រចាំការជាប្រចាំ ២៤ម៉/២៤ម៉ ដើម្បីត្រៀមអន្តរាគមន៍ ឬសង្គ្រោះឲ្យបានទាន់ពេលវេលានៅពេលមានករណីអគ្គិភ័យ ឬករណីបទល្មើសផ្សេងៗកើតមានឡើង ។

ចំពោះផែនការការពារការប្រកួត ស៊ីហ្គេមលើកទី៣២ និងប៉ារាស៊ីហ្គេមលើកទី១២ លោក លោកស្រីស្នងការរង និងកម្លាំងពាក់ព័ន្ធ ត្រូវតែមានការទទួលខុសត្រូវខ្ពស់ ក្នុងការបំពេញតួនាទីភារកិច្ច តាមផែនការដែលបានកំណត់ ។ នៅក្នុងផែនការ គឺមានការបែកចែក ការការពារតាមគ្រប់គោលដៅ ប្រកួត គោលដៅស្នាក់នៅ គោលដៅកន្លែងកំសាន្ត ដែលគណប្រតិភូ និងកីឡាករ ស្នាក់នៅ ឬទៅលេងកំសាន្ត ។ កម្លាំងពាក់ព័ន្ធត្រូវតែចេញល្បាត ជាប្រចាំ ដេីម្បីចូលរួមក្នុងការបង្ការ ទប់ស្កាត់ កុំឲ្យបទល្មើសកើតមានឡើង ។

ម្យ៉ាងវិញទៀត កម្លាំងអន្តរាគមន៍ និងកម្លាំងអគ្គិភ័យ ត្រៀមជាប្រចាំ ដេីម្បីចេញអន្តរាគមន៍ និងសង្គ្រោះឲ្យបានទាន់ពេលវេលា ។ ជាពិសេសដោយមានគណប្រតិភូ កីឡាករ កីឡាការនី និងអ្នកមកចូលទស្សនាច្រេីន ដូច្នេះកម្លាំងចរាចរណ៍ និងសណ្តាប់ធ្នាប់ត្រូវយកចិត្តទុកដាក់ខ្ពស់ក្នុងការជួយសម្រួលចរាចរណ៍ ធ្វើសណ្តាប់ធ្នាប់តាមដងផ្លូវ តាមកន្លែងកំសាន្ត ដើម្បីកុំឲ្យមានការកកស្ទះ ។ ជាមួយនោះដែរ ឯកឧត្តមស្នងការ ក៏បានណែនាំឲ្យយកចិត្តទុកដាក់ និងរៀបចំផែនការ ការពារ សម្រាប់ត្រៀមទុកជាមុនសម្រាប់ធានាការពារឲ្យបាននូវសន្តិសុខ សុវត្ថិភាព សណ្តាប់ធ្នាប់ ឲ្យបានល្អ ក្នុងពេលឃោសនា ពេលបោះឆ្នោត ពេលរាប់សន្លឹកឆ្នោត និងពេលប្រកាសលទ្ធផលនៃការបោះឆ្នោត ។

មុននឹងបញ្ចប់ឯកឧត្តមស្នងការបានណែនាំដល់គ្រប់អង្គភាពទាំងអស់ចំណុះស្នងការដ្ឋាននគរបាលរាជធានីភ្នំពេញ ត្រូវតែរៀបចំប្រជុំជួរគោរពទង់ជាតិជាប្រចាំរៀងរាល់ដើមសប្តាហ៍ ដោយច្រៀងបទភ្លេងជាតិដោយផ្ទាល់មាត់ ហាមចាក់ភ្លេង ។

ជាកិច្ចបញ្ចប់ឯកឧត្តមស្នងការ បានធ្វេីការកោតសរសើរដល់កងកម្លាំងទាំងអស់ នាពេលកន្លងមលដែលបានលះបង់ ខិតខំបំពេញតួនាទីភារកិច្ច បម្រើប្រជាពលរដ្ឋ ការពារថ្នាក់ដឹកនាំជាតិ អន្តរជាតិ ធានាបាននូវសន្តិសុខ សណ្តាប់ធ្នាប់ល្អ ក្នុងកិច្ចប្រជុំធំៗជាច្រើន ដោយទទួលបានជោគជ័យដ៏ត្រចះត្រចង់ ។

ជាកិច្ចចាប់ផ្តើម ឯកឧត្តមស្នងការ បានមានមតិស្វាគមន៍ចំពោះសមាជិក សមាជិកាអង្គប្រជុំ ដែលបានចូលរួមក្នុងកិច្ចប្រជុំនេះ និងបានអនុញ្ញាតឲ្យលោកឧត្តមសេនីយ៍ទោ ហម វ៉ាន់ថា ស្នងការរង ទទួលផែនការងារសេនាធិការ​ ឡើងអានរបាយការណ៍សង្ខេបអំពីលទ្ធផលកិច្ចប្រតិបត្តិការ សន្តិសុខ សណ្តាប់ធ្នាប់សង្គមប្រចាំខែមករា ឆ្នាំ២០២៣ និងទិសដៅការងារមួយចំនួន​ សម្រាប់អនុវត្តបន្តនៅខែកុម្ភៈនេះ​ ជាកិច្ចបន្តលោកឧត្តមសេនីយ៍ទោ​ ហ៊ុន សុធី ស្នងការរង ទទួលផែនការងារធនធានមនុស្ស ឡើងអានរបាយការណ៍ទាក់ទងទៅនឹងការគ្រប់គ្រងវេនប្រចាំបញ្ជា ការងារគ្រប់គ្រងវត្តមាន និងដំណោះស្រាយ ក៏ដូចជាបញ្ហាប្រឈម​ផ្សេងៗផងដែរ​។

ក្នុងកិច្ចប្រជុំនោះដែរ ក៏មានការចូលរួមមតិពីលោក លោកស្រីស្នងការរង លោកអធិការ ពាក់ព័ន្ធទៅនឹងការរក្សាការពារសន្តិសុខសណ្តាប់ធ្នាប់ ការងារចរាចរណ៍ សណ្តាប់ធ្នាប់ ការផ្តល់សេវាសាធារណ:ចាំបាច់ជូនប្រជាពលរដ្ឋ លទ្ធផលការងារអនុវត្តបាននាពេលកន្លងមក បញ្ហាប្រឈម ដំណោះស្រាយ និងផែនការបន្ត ។

ក្រោយពីបានស្តាប់របាយការណ៍ និងការចូលរួមមតិរួចមក ឯកឧត្តមស្នងការ​ មានមតិកត់សម្គាល់នូវបញ្ហាមួយចំនួនដែលបានជួបប្រទះក្នុងពេលអនុវត្តការងារកន្លងមក និងបានធ្វេីការកោតសរសេីរដល់កងកម្លាំងទាំងអស់ចំណុះស្នងការដ្ឋាននគរបាលរាជធានីភ្នំពេញ ដែលបានខិតខំប្រឹងប្រែងក្នុងការចូលរួមរក្សា ការពារសន្តិសុខ សុវត្ថិភាពជូនប្រជាពលរដ្ឋក្នុងរាជធានីភ្នំពេញ ម្យ៉ាងវិញទៀតឯកឧត្តមស្នងការ បានណែនាំដល់លោកស្នងការរងទទួលផែនធនធានមនុស្ស ក៏ដូចជាស្នងការរងទាំងអស់ ត្រូវតែយកចិត្តទុកដាក់ខ្ពស់ក្នុងការត្រួតពិនិត្យវត្តមានកម្លាំង ប្រចាំបញ្ជា ត្រូវមានកម្លាំងជាក់ស្តែង រួមជាមួយម៉ូតូ និងរថយន្ត ដេីម្បីត្រៀមចេញដោះស្រាយ សង្គ្រោះ និងអន្តរាគមន៍ ជួយប្រជាពលរដ្ឋឲ្យបានទាន់ពេលវេលានៅពេលមានបញ្ហាផ្សេងៗកេីតមានឡេីង ត្រូវមានសាមគ្គីភាពផ្ទៃក្នុង ក៏ដូចជាអង្គភាពពាក់ព័ន្ធផ្សេងៗទៀតឲ្យបានល្អ ជាពិសេសត្រូវស្រាវជ្រាវ បង្ការទប់ស្កាត់បង្ក្រាបក្រុមក្មេងទំនេីង ល្បែងសុីសងខុសប្បាប់ និងតាមរកមុខសញ្ញាដែលត្រូវសេសសល់ដេីម្បីយកមកអនុវត្តតាមនីតិវិធីច្បាប់ ។

កិច្ចប្រជុំនេះផ្តោតសំខាន់ទៅលើការចូលរួមសហការគ្នារវាងសមត្ថកិច្ចនគរបាលកម្ពុជា និងនគរបាលភូមិន្ទម៉ាឡេស៊ី ជាពិសេសស្នងការដ្ឋាននគរបាលរាជធានីភ្នំពេញ និងស្ថានទូតម៉ាឡេស៊ីប្រចាំព្រះរាជាណាចក្រកម្ពុជា ក៏ដូចជានាយកដ្ឋានសេីបអង្កេតបទល្មេីសឧក្រិដ្ឋ សហការគ្នាដើម្បីចូលរួមបង្កា ទបើស្កាត់ និងស្រាវជ្រាវបង្ក្រាបមុខសញ្ញាជួញដូរមនុស្ស ក៏ដូចជាការបង្ខាំងមនុស្សបង្ខំឲ្យធ្វើការដោយខុសច្បាប់។នៅកិច្ចបញ្ចប់ ភាគីទាំងពីរបានប្រគល់វត្ថុអនុស្សាវរីយ៍ទៅវិញទៅមក ជាពិសេសសម្ដែងនូវការប្ដេជ្ញាចិត្តបន្តជំរុញឱ្យកិច្ចសហប្រតិបត្តិការនេះ កាន់តែល្អប្រសើឡើងថែមទៀត៕

ក្នុងកិច្ចប្រជុំនេះដែរក៏មានការចូលរួមពីលោក លោកស្រីស្នងការរង លោកនាយការិយាល័យ លោកអធិការ អធិការរង ទទួលផ្នែកស្ថិតិ និងមន្ត្រីពាក់ព័ន្ធមួយចំនួនទៀតផងដែរ ។ជាកិច្ចចាប់ផ្តេីមលោកស្នងការរងទទួលផែនការងារអត្តសញ្ញាណកម្ម និងលោកនាយការិយាល័យអត្តសញ្ញាណកម្មសញ្ញាតិខ្មែរ បានអានរបាយការណ៍រាយការណ៍អំពីលទ្ធផលការងារដែលអនុវត្តបាននាពេលកន្លង បញ្ហាប្រឈម ដំណោះស្រាយ និងទិសដៅសម្រាប់អនុវត្តបន្ត ដេីម្បីសម្រេចការងារតាមផែនការដែលបានកំណត់ ។ ជាមួយនោះដែរ ក៏មានការចូលរួមយោបល់ពីលោកស្នងការរង លោកអធិការ និងអធិការរង ទទួលលេីការងារស្ថិតិ ផងដែរ ។ជាមួយនោះដែរ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានធ្វេីការកោតសរសេីរដល់មន្ត្រីទាំងអស់ ដែលបានខិតខំបំពេញ តួនាទីភារកិច្ចកន្លងមកក្នុងការបម្រេី និងផ្តល់សេវាសាធារណ:ចំបាច់ផ្សេងៗដល់ប្រជាពលរដ្ឋបានយ៉ាងល្អ ជាពិសេសឯកឧត្តមស្នងការ បានផ្តល់ការណែនាំដល់មន្ត្រីទទួលការងារអត្តសញ្ញាណប័ណ្ណសញ្ញាតិខ្មែរទាំងអស់ ត្រូវរៀបចំធ្វេីជាតារាងផែនការ ម៉ោងវេលា ទីកន្លែង ឲ្យច្បាស់លាស់ ដោយចាប់ផ្តេីមធ្វេីយុទ្ធនាការចុះធ្វេីអត្ត ជូនប្រជាពលរដ្ឋដល់តាមភូមិ និងតាមខ្នងផ្ទះប្រជាពលរដ្ឋ ក្នុងករណីមានប្រជាពលរដ្ឋសួរនាំផ្សេងៗ មន្ត្រីពាក់ព័ន្ធត្រូវមានការបញ្ជាក់ហេតុផលឲ្យបានច្បាស់លាស់ និងសមរម្យជាមួយប្រជាពលរដ្ឋ មន្ត្រីត្រូវណែនាំប្រជាពលរដ្ឋឲ្យបានយល់ច្បាស់ នៅពេលគាត់សុំកែអក្សរឡាតាំង ថ្ងៃខែឆ្នាំកំណេីត គឺត្រូវផ្តោតសំខាន់លេីសំបុត្រកំណេីត មិនមែនកែតាមការចង់នោះទេ ។ មួយវិញទៀត ការធ្វេីអត្តនេះត្រូវការពេលវេលារយ:ពេល ៤៥ថ្ងៃ គិតចាប់ពីថ្ងៃបំពេញឯកសារ និងថតរូប ។

ជាកិច្ចបញ្ចប់ឯកឧត្តមស្នងការ ក៏បានដាក់បទបញ្ជា និងណែនាំដល់ការិយាល័យជំនាញ អធិការខណ្ឌ ប៉ុស្តិ៍ ពង្រឹងបន្ថែមលេីការល្បាត ដេីម្បីបង្ការទប់ ស្កាត់ បទល្មេីស លួច ឆក់ ប្លន់ ជាពិសេសត្រូវស្រាវជ្រាវបង្ក្រាប កំណត់មុខសញ្ញាដែលប្រព្រឹត្តបទល្មេីស ដែលនៅសេសសល់ឲ្យបាន ។ ម្យ៉ាងទៀតត្រូវអនុវត្តជាប្រចាំ ក្នុងការបង្ក្រាប ក្រុមក្មេងទំនេីង ដែលតែងតែបង្កបញ្ហា ធ្វេីឲ្យប៉ពាល់ដល់សន្តិសុខ សណ្តាប់ធ្នាប់សាធារណ: ។ក្នុងកិច្ចប្រជុំនេះផងដែរ ឯកឧត្តមស្នងការ បានណែនាំដល់លោក លោកស្រីស្នងការរង ទទួលការងារដឹកនាំតាមបណ្តាអធិការខណ្ឌ សូមជួយសហការចុះត្រួតពិនិត្យ របៀបរបបការងារទូទៅ ជាពិសេសត្រូវត្រួតពិនិត្យ និងណែនាំឲ្យមន្ត្រីទាំងអស់ត្រូវយកចិត្តទុកដាក់ខ្ពស់ លេីការថែទាំអគារថ្មីដែលទេីបសាងសង់ ជាពិសេសកន្លែងធ្វេីការទាំងអស់ត្រូវតែមានផាសុខភាព រក្សាអនាម័យ ឲ្យបានល្អ ។

មួយវិញទៀតឯកឧត្តមស្នងការ បានណែនាំដល់អធិការដ្ឋាននគរបាលខណ្ឌទាំងអស់ ត្រូវចូលរួមសហការគ្នាឲ្យបានល្អជាមួយការិយាល័យចរាចរណ៍ផ្លូវគោក ដេីម្បីសម្រួលចរាចរណ៍ជូនថ្នាក់ដឹកនាំជាតិ អន្តរជាតិ ប្រជាពលរដ្ឋ ដេីម្បីកុំឲ្យមានការកកស្ទះ ។

១.លោកស្រីវរទោ កេ សវ៉ុន អធិការរងខណ្ឌទួលគោក មានជំងឺទទួលបានការឧប្ត្ថម្ភ:
-ថវិកាឯកឧត្តមស្នងការ ចំនួន ៤០ មុឺនរៀល និងសម្ភារ:មួយចំនួន
-ថវិកាសមាគមនារី ចំនួន៤០មុឺនរៀល
-ថវិកាលោកស្រីវរសេនីយ៍ទោ ឆេង សារ៉េត ចំនួន២០មុឺនរៀល

២.លោកស្រីអនុសេនីយ៍ឯក ប៊ុត ស្រីនាថ មន្ត្រីការិយាល័យនគរបាលចរាចរណ៍ផ្លូវគោក ទទួលបានការឧបត្ថម្ភ:
-ថវិកាឯកឧត្តមស្នងការ ចំនួន៥០មុឺនរៀល ព្រមទាំងសម្ភារ:មួយចំនួន
-ថវិកាសមាគមនារី ចំនួន៥០មុឺនរៀល
-ថវិកាលោកវរសេនីយ៍ឯក សែម រតនា នាយការិយាល័យនគរបាលចរាចរណ៍ផ្លូវគោក ចំនួន៥០មុឺនរៀល
-ថវិកាលោកស្រីវរសនីយ៍ទោ ឆេង សារ៉េត ចំនួន៥មុឺនរៀល
៣.លោកស្រីព្រិន្ទបាលឯក ជិន ពុទ្ធាវី មន្ត្រីនៃអធិការដ្ឋានគរបាលខណ្ឌកំបូល សម្រាលមាតុភាពទទួលបានការឧបត្ថម្ភ:
-ថវិកាឯកឧត្តមស្នងការ ចំនួន៥០មុឺនរៀល ព្រមទាំងសម្ភារ:មួយចំនួ ន
-ថវិកាសមាគមនារី ចំនួន៥០មុឺនរៀល
-ថវិកាលោកវរសេនីយ៍ឯក ហង្ស មុនី អធិការខណ្ឌកំបូល ចំនួន២០មុឺនរៀល
-ថវិកាលោកស្រីវរសេនីយ៍ទោ ឆេង សារ៉េត ចំនួន៥មុឺនរៀល
-ថវិកាលោកស្រីវរសេនីយ៍ទោ ផុន វណ្ណា អធិការរងនគរបាលខណ្ឌកំបូល ចំនួន៥មុឺនរៀល

៤. លោកស្រីអនុសេនីយ៍ឯក នង ណារុំមន្ត្រីនៃការិយាល័យនគរបាលសណ្តាប់ធ្នាប់ មានជំងឺ ខ្វះគ្រាប់ឈាមក្រហម ទឹកនោមផ្អែម និងរលាកពោះវៀន ទទួលបានការឧបត្ថម្ភ:
-ថវិកាឯកឧត្តមស្នងការ ចំនួន១លានរៀល ព្រមទាំងសម្ភារ:មួយចំនួន
-ថវិកាសមាគមនារី ចំនួន៤០មុឺនរៀល
-ថវិកាលោកស្រីវរសេនីយ៍ទោ ឆេង សារ៉េត ចំនួន៥មុឺនរៀល

៥.លោកស្រីអនុសេនីយ៍ឯក ឃុត ចាន់ថេម មន្ត្រី ការិយាល័យនគរបាលចរាចរណ៍ផ្លូវគោក មានជំងឺ ទទួលបានការឧបត្ថម្ភៈ
-ថវិកាឯកឧត្តមស្នងការ ចំនួន៤០ម៉ឺនរៀល ព្រមទាំងសម្ភារ:មួយចំនួន
-ថវិកាសមាគមនារី ចំនួន៤០មុឺនរៀល
-ថវិកាលោកស្រីវរសេនីយ៍ទោ ឆេង សារ៉េត ចំនួន៥មុឺនរៀល

៦.កញ្ញាអនុសេនីយ៍ឯក ហែម ចន្ទ័វត្តី មន្រ្តីនៃអធិការដ្ឋាននគរបាលខណ្ឌ៧មករាទទួលបានការឧបត្ថម្ភ:
-ថវិកាឯកឧត្តមស្នងការ ចំនួន៤០ម៉ឺនរៀល ព្រមទាំងសម្ភារ:មួយចំនួន
-ថវិកាសមាគមនារី ចំនួន៤០មុឺនរៀល
-ថវិកាលោកស្រីវរសេនីយ៍ទោ ឆេង សារ៉េត ចំនួន៥មុឺនរៀល

៧.លោកស្រីវរសេនីយ៍ត្រី ថេត ថេន នាយផ្នែកបណ្តុះបណ្តាលនៃការិយាល័យកិច្ចការប៉ុស្តិ៍រដ្ឋបាល បច្ចុប្បន្នចូលនិវត្តន៍ទទួលបានការឧបត្ថម្ភ:
-ថវិកាសមាគមនារី ចំនួន៤០ម៉ឺនរៀល
-ថវិកាលោកស្រីវរសេនីយ៍ទោ ឆេង សារ៉េត ចំនួន៥ម៉ឺនរៀល

៨.កញ្ញាព្រិន្ទបាលឯក តុង ជាវៃ មន្រ្តីនៃអធិការដ្ឋាននគរបាលខណ្ឌមានជ័យ មានជំងឺ ទទួលបានការឧបត្ថម្ភ:
-ថវិកាឯកឧត្តមស្នងការ ចំនួន៤០ម៉ឺនរៀល ព្រមទាំងសម្ភារ:មួយចំនួន
-ថវិកាសមាគមនារី ចំនួន៤០មុឺនរៀល
-ថវិកាលោកស្រីវរសេនីយ៍ទោ ឆេង សារ៉េត ចំនួន៥មុឺនរៀល

ក្នុងឱកាសនេះផងដែរ មន្ត្រីទាំងអស់ក៏បានគោរព និងថ្លែងអំណរអគុណជូនចំពោះឯកឧត្តមស្នងការ ដែលតែងតែយកចិត្តទុក្ខដាក់ដល់មន្ត្រីក្រោមឱវាទ ជាពិសេសនៅពេលដែលមន្ត្រីនគរបាលសម្រាលមាតុភាពនិងមានជំងឺ មិនថាបុរស ឬ ស្ត្រី ឯកឧត្តមតែងយកចិត្តទុក្ខដាក់គ្រប់ពេល ទោះបីជាឯកឧត្តមមិនបានចុះដោយផ្ទាល់ក៏លោកចាត់ចែងឱ្យក្រុមការងារយេនឌ័រ នាំយកនូវថវិកានិងសម្ភារ:ទៅសួរសុខទុក្ខដោយផ្ទាល់ ដល់មន្ត្រីដែ លស មម្រាលមាតុភាព មានជំងឺ និងចូលនិវត្តន៍ផងដែរ៕

ជាកិច្ចចាប់ផ្តើមលោកស្នងការរងសេនាធិការ បានអានរបាយការណ៍ លទ្ធផល អនុវត្តបានក្នុងខែសីហា ជូនអង្គប្រជុំ ។ ជាមួយនោះដែរក៏មានការចូលរួមមតិពីលោកស្នងការរង លោកនាយការិយាល័យ លោកអធិការ ទាក់ទងទៅនឹងលទ្ធផលអនុវត្តការងារនាពេលកន្លងមក បញ្ហាប្រឈម ដំណោះស្រាយ និងការរៀបចំដាក់ចេញនូវផែនការបន្តដើម្បីបង្ការ ទប់ស្កាត់ និងបង្ក្រាបបទល្មើសនានាកុំឲ្យកើតមានឡើង ។

បន្ទាប់ពីមានការចូលរួមមតិយោបល់របស់សមាជិកនៃអង្គប្រជុំ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានធ្វើការកោតសរសើរដល់កងកម្លាំងទាំងអស់ ដែលបានខិតខំបំពេញតួនាទីយ៉ាងយកចិត្តទុកដាក់ក្នុងការការពារសន្តិសុខ សណ្តាប់សាធារណ: បម្រើសេវាចំបាច់ទូទៅបានយ៉ាងល្អ ម្យ៉ាងវិញទៀតឯកឧត្តម ស្នងការ បានណែនាំបន្ថែមដល់លោកស្នងការរង លោកនាយការិយាល័យ និងលោកអធិការទាំងអស់ ត្រូវយកចិត្តទយកដាក់ខ្ពស់ ក្នុងការអនុវត្តការងារ និងរាយការណ៍ជាប្រចាំ ដើម្បីសុំយោបល់ និងគោលការណ៍ ក្នុងការអនុវត្តការងារឲ្យបានជោគជ័យ ។

ជាពិសេសលោកស្នងការរង ទទួលជំនួយការដឹកនាំតាមបណ្តាអធិការដ្ឋាននគរបាលខណ្ឌទាំង១៤ ដោយត្រូវមានផែនការច្បាស់លាស់ ដើម្បីចុះផ្ទាល់ក្នុងការជួបសំណេះសំណាល ត្រួតពិនិត្យកម្លាំង កន្លែងធ្វើការតាមបណ្តាប៉ុស្តិ៍ ការរៀបចំទុកដាក់ឯកសារ ការរៀបចំកន្លែងធ្វើការ ការរៀបចំទុកដាក់អាវុធ និងសម្ភារប្រើប្រាស់ផ្សេងៗ ។ ជាមួយនោះដែរ ឯកឧត្តមស្នងការ បានផ្តោតសំខាន់ទៅលើស្នងការរងទទួលផែនមួយចំនួនត្រូវយកចិត្តទុកដាក់ ក្នុងការគ្រប់គ្រងដឹកនាំកម្លាំងឲ្យបានល្អ ដូចការគ្រប់គ្រងការងារសន្តិសុខ ការងារគ្រប់គ្រងជនបរទេស និងអន្តោប្រវេសន៍ចូលមករស់នៅ ឬធ្វើការខុសច្បាប់ ជាពិសេសជនបរទេសដែលចូលមកប្រព្រឹត្តបទល្មើសផ្សេងៗ ។ ចំណុចដែលឯកឧត្តមស្នងការ សង្កត់ធ្ងន់គឺ ការងារបង្ការ ទប់ស្កាត់ និងការស្រាវជ្រាវបង្ក្រាប ការជួញដូរ ការបង្ខាំងមនុស្សដោយខុសច្បាប់ នៅពេលករណីកើតឡើង ត្រូវសង្គ្រោះជនរងគ្រោះឲ្យបានទាន់ពេលវេលា ស្រាវជ្រាវចាប់ជនល្មើស បើរកឃើញថាខុសច្បាប់ត្រូវបញ្ឍប់អាជីវកម្ម និងឈានដល់ការស្រាវជ្រាវទាក់ទងទៅនឹងបទល្មើសសម្អាតប្រាក់ ជាដើម ។

ជាកិច្ចបញ្ចប់ឯកឧត្តមស្នងការបានណែនាំដល់កងកម្លាំងទាំងអស់ ត្រូវយកចិត្តទយកដាក់ក្នុងការការពារសន្តិសុខសណ្តាប់ធ្នាប់ និងការសម្រួលចរាចរណ៍ឲ្យបានល្អ ក្នុងឱកាសបុណ្យកាន់បិណ្ឌ និងបុណ្យភ្ជុំបិណ្ឌ ជាពិសេសត្រូវណែនាំដល់មន្ត្រីអនុវត្តច្បាប់ទាំងអស់ ត្រូវតែប្រេីប្រាស់ពាក្យសំដី និងកាយវិការឲ្យបានសមរម្យ ក៏ដូចជាការណែនាំបន្ថែមដល់ប្រជាពលរដ្ឋឲ្យបានយល់អំពីច្បាប់ចរាចរណ៍ ភ្លេីងសញ្ញា ផ្លាកសញ្ញា និងគំនូសសញ្ញា ក៏ដូចជាការបង្កេីនការស្រាវជ្រាវ បង្ការ ទប់ស្កាត់ បង្ក្រាប ក្រុមក្មេងទំនេីង ករណីគាស់ លួច ឆក់ ប្លន់ ….។ល។