- ព័ត៌មានជាតិ ១៧ មិថុនា ២០២០
ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ ធ្វើការបកស្រាយបំភ្លឺ និងបដិសេធ ចំពោះករណីកាប់គ្នានៅបឹងកេងកង មិនមែនជាករណីប្លន់ទេ គឺជាករណីទំនាស់គ្នារវាងក្រុមក្មេងស្ទាវ២ក្រុម
ក្រុមការងារព័ត៌មាន និងប្រតិកម្មរហ័ស និងលោកវរសេនីយ៍ទោ ស៊ឹម ពិសិដ្ឋ អធិការនគរបាលខណ្ឌបឹងកេងកង សូមធ្វើការបដិសេធទាំងស្រុងចំពោះសារព័ត៌មានមួយចំនួនដែលបានចុះផ្សាយថា ( មានករណី កាប់ជិតដាច់ដៃប្លន់យកម៉ូតូ Zoomer X នៅបឹងកេងកង ) នៅល្ងាចថ្ងៃទី១៦ ខែមិថុនា ឆ្នាំ២០២០ វេលាម៉ោង ១៦:៤០នាទី នៅតាមបណ្តោយផ្លូវ ៣៦០ ។ តាមពិតមិនមែនជាករណីប្លន់ដូចសារព័ត៌មានមួយចំនួនបានចុះផ្សាយបំភ្លើសពីការពិត ដែលធ្វើឲ្យប្រជាពលរដ្ឋមានការយល់ច្រឡំ ក៏ដូចជាធ្វើឲ្យមានការប៉ះពាល់ដល់សន្តិសុខសង្គមនោះទេ ជាក់ស្តែងជាករណីទំនាស់គ្នារវាងក្រុមក្មេងស្ទាវ២ក្រុមដែលដេញកាប់គ្នាដោយប្រើកាំបិតបុ័ងតោ ដែលបណ្តាលឲ្យរបួសទាំងសងខាង ពេលនេះក្មេងដែលរងរបួសទាំង២ត្រូវបានសមត្ថកិច្ចបញ្ជូនទៅមន្ទីរពេទ្យ និងម៉ូតូត្រូវបានយកទៅរក្សាទុកនៅអធិការដ្ឋាននគរបាលខណ្ឌបឹងកេងកង ។ សូមអ្នកប្រើប្រាស់ហ្វេសបុក ក៏ដូចជាសារព័ត៌មានមួយចំនួន សូមស្រាវជ្រាវរកប្រភពនៃព័ត៌មានឲ្យបានច្បាស់លាស់ជាមុនសិន មុននឹងធ្វើការផុសជាសាធារណ: ព្រោះថាការផុសព័ត៌មានមិនពិត វាអាចធ្វើឲ្យប្រជាពលរដ្ឋមានការយល់ច្រឡំ ប៉ះពាល់ដល់កិត្តិយសបុគ្គល និងអង្គភាព ជាពិសេសធ្វើឲ្យប៉ះពាល់ដល់សន្តិសុខសង្គមផងដែរ ។ សូមសិក្សាពីប្រភព និងស្រាវជ្រាវឲ្យបានច្បាស់លាស់ មុននឹងផុស កុំត្រឹមតែចង់បានល្បី ចង់បានស៊ែ និងចង់បានឡាច ៕
- ព័ត៌មានជាតិ ១៧ មិថុនា ២០២០
នគរបាលខណ្ឌទួលគោក បង្ក្រាបឃាត់ខ្លួនជនសង្ស័យ២នាក់ ពីបទជួញដូរសារធាតុញៀនដោយខុសច្បាប់
នៅថ្ងៃទី១៦ ខែមិថុនា ឆ្នាំ២០២០ វេលាម៉ោង ១៦:១០នាទី កម្លាំងផ្នែកប្រឆាំងបទល្មើសគ្រឿងញៀន បានសហការជាមួយកម្លាំងអន្តរាគមន៌ នៃអធិការដ្ឋាននគរបាលខណ្ឌទួលគោក បានឃាត់ខ្លួនជនសង្ស័យ០២នាក់ជាក់ ស្តែង ពីបទជួញដូរដោយខុសច្បាប់នូវសារធាតុញៀន ប្រព្រឹត្តនៅចំណុចច្រកធ្យូង ផ្លូវលេខ៣៣៦ ក្រុមទី២៨ ភូមិ១០ សង្កាត់បឹងសាឡាង ខណ្ឌទួលគោក រាជធានីភ្នំពេញ ។ ជនសង្ស័យ ១-ឈ្មោះ វណ្ណ សុហេង ហៅ លីន ភេទប្រុស អាយុ ២២ឆាំ្ន ជនជាតិខ្មែរ មុខរបរ កម្មករអូសរទេះ ស្នាក់នៅផ្ទះជួល ពុំចាំលេខ ផ្លូវបេតុង សង្កាត់មនោរម្យ ខណ្ឌ៧មករា រាជធានីភ្នំពេញ (ជាម្ចាស់ក្រាមពណ៌សថ្លា សង្ស័យជាគ្រឿងញៀន)។ ២-ឈ្មោះ ឃាន សំណាង ហៅ ណាង ភេទប្រុស អាយុ ៣០ឆាំ្ន ជនជាតិខ្មែរ មុខរបរ ពុំពិតប្រាកដ ស្នាក់នៅផ្ទះជួល ពុំចាំលេខ ផ្លូវបេតុង សង្កាត់បឹងសាឡាង ខណ្ឌទួលគោក […]
- ព័ត៌មានជាតិ ១៤ មិថុនា ២០២០
នៅព្រឹកនេះ សមត្ថកិច្ចបានបញ្ជូនជនសង្ស័យ ដែលបើកបុកសមត្ថកិច្ចកាលពីយប់ថ្ងៃទី១២ ទៅតុលាការពីបទប៉ុនប៉ងមនុស្សឃាតដោយចេតនា
នៅព្រឹកនេះវេលាម៉ោង ៧:៣០នាទី អធិការនគរបាលខណ្ឌបឹងកេងកង បានបញ្ជូនជនសង្ស័យម្នាក់ឈ្មោះ ថូ ធវ៉ាន់ថង ភេទប្រុស ទៅតុលាការ ដែលបើកបុកសមត្ថកិច្ចកាលពីយប់ថ្ងៃទី១២ ពីបទប៉ុនប៉ងមនុស្សឃាតដោយចេតនា នៅព្រឹកថ្ងៃទី១៤ ខែមិថុនា ឆ្នាំ២០២០ វេលាម៉ោង ៧:៣០នាទី សមត្ថកិច្ចនៃអធិការដ្ឋាននគរបាលខណ្ឌបឹងកេងកង បានបញ្ជូនជនដែលបើកបរម៉ូតូក្នុងល្បឿនលឿនមកបុកសមត្ថកិច្ច កាលពីយប់ថ្ងៃទី១២ នៅពេលដែលសមត្ថកិច្ចចម្រុះនៃអធិការខណ្ឌបឹងកេងកង កំពុងតែបំពេញការងារលេីការអនុវត្តរឹតបន្តឹងច្បាប់ចរាចរណ៍ផ្លូវគោកនៅក្នុងមូលដ្ឋានខណ្ឌបឹងកេងកង ។ ជនបើកបរក្នុងល្បឿនលឿនមកបុកសមត្ថកិច្ចកំពុងតែអនុវត្តច្បាប់ដែលបង្កឲ្យមន្ត្រី២នាក់រងរបួស ត្រូវបានចោទប្រកាន់ពីបទ ប៉ុនប៉ងមនុស្សឃាតដោយចេតនា ៕
- ព័ត៌មានជាតិ ១៣ មិថុនា ២០២០
មានករណីអគ្គិភ័យមួយកើតឡើង នៅក្នុងមូលដ្ឋានសង្កាត់បឹងកក់ទី១ ខណ្ឌទួលគោក រាជធានីភ្នំពេញ
នៅថ្ងៃទី១៣ ខែមិថុនា ឆ្នាំ២០២០ វេលាម៉ោង ១៩:៣០នាទី មានកើតករណីអគ្គិភ័យមួយឆេះ នៅចំណុចសណ្ឋាគារ ណៃ អ៊ីន (NIGHT-IN) (ជាន់ទី៤) ដែលមានទីតាំងផ្ទះលេខ១៥០Eo ផ្លូវ លេខ២៨៩ ក្រុមទី៥២ ភូមិ១៣ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។ ម្ចាស់ទីតាំងមាន ឈ្មោះ ឡុង បុប្ផា ភេទស្រី អាយុ៥៣ឆ្នាំ ជនជាតិខ្មែរ មុខរបរ បើកសណ្ឋាគារ ណៃ អ៊ីន (NIGHT-IN) ស្នាក់នៅផ្ទះលេខ១៥០Eo ផ្លូវលេខ២៨៩ ក្រុមទី៥២ ភូមិ១៣ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។ អគ្គិភ័យបានឆេះបន្ទប់ដេកជាន់ទី៤ របស់ជាងភ្លើងបុគ្គលិករបស់សណ្ឋាគារដែលចាក់សោរចោល , ខូចខាតពូកដេកមួយ ឆេះរោលពិដាន និងសំភារ:មួយចំនួន ។ អគ្គិភ័យនេះប្រើប្រាស់រថយន្តសម្រាប់បាញ់ពន្លត់របស់ការិយាល័យនគរបាលបង្ការពន្លត់អគ្គិភ័យ និងសង្គ្រោះរបស់ស្នងការដ្ឋាននគរបាលរាជធានីភ្នំពេញ ហើយបានរលត់ជាស្ថាពរ នៅវេលាម៉ោង២០:១៥នាទី នាថ្ងៃ-ខែ-ឆ្នាំដដែល ។
- ព័ត៌មានជាតិ ១៣ មិថុនា ២០២០
ឯកឧត្តម ឃួង ស្រេង អភិបាលរាជធានីភ្នំពេញ បានចុះសួរសុខទុក្ខមន្ត្រីដែលរងគ្រោះថ្នាក់ចរាចរណ៍កាលពីយប់ថ្ងៃទី១២
នៅរសៀលថ្ងៃទី១៣ ខែមិថុនា ឆ្នាំ២០២០ ឯកឧត្តម ឃួង ស្រេង អភិបាលនៃគណ:អភិបាលរាជធានីភ្នំពេញ បានអញ្ជើញចុះសួរសុខទុក្ខមន្ត្រីអន្តរាគមន៍២នាក់ ដែលរងគ្រោះថ្នាក់ចរាចរណ៍កាលពីយប់ថ្ងៃទី១២ ខែមិថុនា ឆ្នាំ២០២០ នៅពេលកំពុងតែបំពេញភារកិច្ចអនុវត្តរឹតបន្តឹងច្បាប់ចរាចរណ៍ផ្លូវគោក ដែលបង្កឡើងដោយបុរសម្នាក់បើកម៉ូតូក្នុងល្បឿនលឿនមកបុកសមត្ថកិច្ចដែលបណ្តាលឲ្យមន្ត្រីម្នាក់របួសធ្ងន់ និងម្នាក់ទៀតរងរបួសស្រាល ។ ក្នុងឱកាសនោះដែរឯកឧត្តមអភិបាលបានបង្ហាញការសោកស្តាយដែលជនបង្ក បើកបរមិនគោរពច្បាប់ បើកល្បឿនលឿន មកបុកសមត្ថកិច្ចបណ្តាលឲ្យគ្រោះថ្នាក់ដូច្នេះ ជាពិសេសឯកឧត្តមអភិបាលក៏បាននាំយកជាថវិកាមួយចំនួនដើម្បីជួយឧបត្ថម្ភដល់មន្ត្រីទាំង២នាក់ ដើម្បីជួយសម្រាលដល់ការសម្រាកព្យាបាលនេះផងដែរ ៕
- ព័ត៌មានជាតិ ១២ មិថុនា ២០២០
គោលដៅប្រចាំការ ២៤ម៉/២៤ម៉ ដែលជាគំនិតផ្តួចផ្តើមដោយឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ដើម្បីផ្តល់សេវាសាធារណ:ជូនប្រជាពលរដ្ឋឲ្យបានល្អ និងឆាប់រហ័ស
គោលដៅប្រចាំការ ២៤ម៉/២៤ម៉ ថ្មីស្រឡាង និងមានផាសុខភាព ដែលជាគំនិតផ្តួចផ្តើមដោយឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ មាន៣ទីតាំង ដូចជានៅក្រោមស្ពានព្រែកព្នៅ ផ្លូវហាណូយ និងផ្លូវ ២០០៤ ថែមទាំងមានដាក់ភ្ជាប់លេខទូរស័ព្ទរបស់ឯកឧត្តមស្នងការ លេខរបស់លោកស្នងការរងទទួលផែនព្រហ្មទណ្ឌ រួមទាំងលេខរបស់មន្ត្រីពាក់ព័ន្ធមួយចំនួនទៀត ។ ស្នងការដ្ឋាននគរបាលរាជធានីភ្នំពេញ ក្រោមការដឹកនាំរបស់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ តែងតែយកចិត្តទុកដាក់យ៉ាងខ្លាំងដល់សុខសុវត្ថិភាពរបស់ប្រជាពលរដ្ឋ ក៏ដូចជាការណែនាំដល់មន្ត្រីក្រោមឱវាទទាំងអស់ត្រូវតែផ្តល់សេវាសាធារណ:ជូនប្រជាពលរដ្ឋឲ្យបានល្អ និងឆាប់រហ័ស ជាពិសេសឯកឧត្តមស្នងការ ក៏បានយកចិត្តយ៉ាងខ្លាំងដល់សុខទុក្ខរបស់មន្ត្រី ក៏ដូចជាកន្លែងធ្វើការ ឬកន្លែងប្រចាំការត្រូវតែស្អាត មានអនាម័យល្អ និងបរិស្ថានស្អាតជានិច្ច ដើម្បីទទួលបាននូវសុខភាពល្អ ងាយស្រួលក្នុងការបំពេញភារកិច្ចជូនប្រជាពលរដ្ឋ និងសង្គមជាតិទាំងមូល ៕
- ព័ត៌មានជាតិ ១២ មិថុនា ២០២០
នគរបាលខណ្ឌពោធិ៍សែនជ័យ ស្រាវជ្រាវឃាត់ខ្លួនបានជនសង្ស័យចំនួន ៣នាក់ ករណីឆក់កាបូប
នៅថ្ងៃទី១២ ខែមិថុនា ឆ្នាំ២០២០ វេលាម៉ោង ១១៖៥០នាទីព្រឹក ស្ថិតនៅភូមិថ្មគោលទី១ សង្កាត់ចោមចៅទី២ ខណ្ឌពោធិ៍សែនជ័យ។ សមត្ថកិច្ចបានធ្វើការឃាត់ខ្លួនបានជនសង្ស័យចំនួន ៣នាក់។ ជនសង្ស័យទី១ឈ្មោះ ឆុន ថាវុធ ភេទប្រុស មុខរបរជាង ស្នាក់នៅភូមិត្រពាំងថ្លឹងទី៣ សង្កាត់ចោមចៅទី១ ខណ្ឌពោធិ៍សែនជ័យ(ឃាត់ខ្លួនកាលពីថ្ងៃទី១១.០៦.២០២០) ។ ១- ជនសង្ស័យទី២ឈ្មោះ ដុះ ម៉េងហៀង ភេទប្រុស ភូមិថ្មគោល សង្កាត់ចោមចៅទី២ ខណ្ឌពោធិ៍សែនជ័យ ។ ២- ជនសង្ស័យទី៣ឈ្មោះ ហង្ស លីហៀង ហៅ អាឌាំង ភេទប្រុស ភូមិថ្មគោល សង្កាត់ចោមចៅទី២ ខណ្ឌពោធិ៍សែនជ័យ ។ ៣- ជនរងគ្រោះឈ្មោះ សន សុផា ភេទស្រី កម្មកររោងចក្រ ស្នាក់នៅភូមិត្រពាំងថ្លឹងទី២ សង្កាត់ចោមចៅទី១ ខណ្ឌពោធិ៍សែនជ័យ ។ បច្ចប្បន្នជនសង្ស័យកំពុងឃុំខ្លួនបណ្ដោះអាសន្ននៅអធិការខណ្ ឌដេីម្បីកសាងសំណុំរឿងបញ្ជូនទៅកាន់តុលាការចាត់ការតាមផ្លូវច្បាប់ ៕
- ព័ត៌មានជាតិ ១១ មិថុនា ២០២០
នគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ បានស្រាវជ្រាវឃាត់ខ្លួនបានជនសង្ស័យ ចំនួន០២ នាក់ ករណីបទល្មេីសលួចម៉ូតូ SCOOPY-i
កាលពីថ្ងៃទី០៩ ខែមិថុនា ឆ្នាំ២០២០ កម្លាំងជំនាញរបស់ការិយាល័យបានស្រាវជ្រាវឃាត់ខ្លួនបានជនសង្ស័យចំនួន ០២ នាក់ ដែលបានប្រព្រឹត្តបទល្មើស អំពើលួច (ម៉ូតូម៉ាកហុងដា SCOOPY-i ពណ៌ ស សេរីឆ្នាំ ២០១៩ លេខតួ លេខម៉ាស៊ីន ៨១៥៥០៨១ ពាក់ស្លាកលេខ កំពង់ធំ១M៧៥៩៣ ) ប្រព្រឹត្តនៅចំណុចមុខហាងលក់បាយយីហោកំពត ផ្លូវលេខ៨៦ ភូមិ៧ សង្កាត់ស្រះចក ខណ្ឌដូនពេញ រាជធានីភ្នំពេញ កាលពីថ្ងៃទី ០៦ ខែមិថុនា ឆ្នាំ២០២០ វេលាម៉ោង ០៧ និង ០៥ នាទី ចាប់យកម៉ូតូជារបស់ជនរងគ្រោះ និងចាប់យកម៉ូតូជាមធ្យោបាយជិះធ្វើសកម្មភាព បញ្ជូនមកការិយាល័យដើម្បីចាត់ការតាមនីតិវិធី មានជនសង្ស័យ ១-ឈ្មោះ យឿន បូរ៉ាត់ ភេទប្រុស អាយុ ២៩ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះជួលគ្មានលេខ ផ្លូវព្រះស៊ីសុវត្ថិ សង្កាត់វត្តភ្នំ ខណ្ឌដូនពេញ រាជធានីភ្នំពេញ ។ ត្រូវបានឃាត់ខ្លួននៅថ្ងៃទី០៩ […]
- ព័ត៌មានជាតិ ១១ មិថុនា ២០២០
ទោះជាពេលណា ម៉ោងណា ក៏ដោយ ដេីម្បីភាពសុខសាន្តរបស់ប្រជាពលរដ្ឋ សមត្ថកិច្ចរីករាយនឹងបម្រេីជានិច្ច
ម៉ោង ១១:០៥យប់ហើយ ជាម៉ោងដែលបងប្អូនប្រជាពលរដ្ឋកំពុងតែគេងលក់ស្រួល ប៉ុន្តែទោះជាយ៉ាងណា ដើម្បីផ្តល់ភាពកក់ក្តៅ ធានាការពារ សន្តិសុខសុវត្ថិភាព ដោះស្រាយបញ្ហា និងចាត់វិធានការណ៍ជូនប្រជាពលរដ្ឋ នៅម៉ោងនេះក្រុមការងារព័ត៌មាន និងប្រតិកម្មរហ័ស នៅតែតាមរាល់ខំមិនរបស់ប្រជាពលរដ្ឋ ដើម្បីងាយស្រួល ដោះស្រាយ និងចាត់វិធានការជូនប្រជាពលរដ្ឋឲ្យបានឆាប់រហ័ស។ ជាពិសេសក៏សូមអរគុណដល់សមត្ថកិច្ចតាមបណ្តាខណ្ឌ និងប៉ុស្តិ៍ ដែលតែងតែនៅសហការណ៍គ្រប់ពេលវេលា ឲ្យតែទទួលបានព័ត៌មានពីក្រុមប្រតិកម្មរហ័សភ្លាម មន្ត្រីខណ្ឌ និងប៉ុស្តិ៍បានចុះដល់ទីតាំងភ្លាមៗ ដើម្បីធ្វើការណែនាំអប់រំ និងបញ្ឈប់រាល់សកម្មភាពជួបជុំ ផឹកស៊ី ចាក់ធុងបាស់ បង្កសម្លេងរំខានដល់ជិតខាងមិនអាចសម្រាកបាន ៕ សូមចូលរួមគោរពសិទ្ធិអ្នកដ៏ទៃខ្លះផង យប់ជ្រៅហេីយ គាត់ត្រូវការសម្រាក !!!
- ព័ត៌មានជាតិ ១០ មិថុនា ២០២០
ក្រុមការងារព័ត៌មាន និងប្រតិកម្មរហ័ស បកស្រាយបំភ្លឺ ទាក់ទងទៅនឹងម្ចាស់ហាងធារ៉ា ដែលបង្កហឹង្សាលេីបុគ្គលិកកាលពីយប់ថ្ងៃទី០៦ ខែមិថុនា ឆ្នាំ២០២០ (មានវិដីអូ)
សេចក្តីបកស្រាយបំភ្លឺរបស់ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ ទាក់ទងទៅនឹងករណីបង្កហឹង្សាកាលពីយប់ថ្ងៃទី០៦ ខែមិថុនា ឆ្នាំ២០២០ វេលាម៉ោង ២៣:៣០នាទីយប់ បុរសម្នាក់ឈ្មោះ កាន់ វុទ្ធី ភេទប្រុស អាយុ៣៨ឆ្នាំ មុខរបរម្ចាស់ហាងធារ៉ា ស្ថិតនៅផ្ទះលេខ៧៨ ផ្លូវលេខ១០៨ សង្កាត់វត្តភ្នំ ដែលបានបង្កហឹង្សាលេីបុគ្គលិករបស់ខ្លួនត្រូវបានសមត្ថកិច្ចនៃអធិការដ្ឋាននគរបាលខណ្ឌដូនពេញ រៀបចំសំណុំឯកសារបញ្ជូនទៅតុលាការ បន្ទាប់ពីទទួលបានព័ត៌មាន និងបានឃេីញវីដេអូខ្លីបរយ:ពេល ៣នាទី អំពីករណីម្ចាស់ភោជនីយ៍ដ្ឋានមួយឈ្មោះ ធារ៉ា មានជម្លោះជាមួយភរិយា ឃេីញដូច្នេះបុគ្គលិកក៏បានជួយចូលឃាត់ ក្នុងពេលនោះបុរសជាប្តីដែលជាម្ចាស់ហាងបានប្រើអំពើហឹង្សាយកចានគប់ និងទាត់ធាក់បុគ្គលិក បណ្តាលឲ្យរងរបួស ចំពោះហេតុការណ៍នេះកើតឡើងតាំងពីយប់ថ្ងៃទី០៦ ខែមិថុនា ឆ្នាំ២០២០ វេលាម៉ោង ២៣:៣០នាទីយប់ នៅចំណុចផ្លូវលេខ ១០៨ កែង៥១ សង្កាត់វត្តភ្នំ ប៉ុន្តែជនរងគ្រោះជាបុគ្គលិកពុំបានមកដាក់ពាក្យបន្តឹងនៅប៉ុស្តិ៍រដ្ឋបាលនោះទេ លុះមកដល់ថ្ងៃទី១០ ខែមិថុនា ឆ្នាំ២០២០ វេលាម៉ោង ១៣:៣០នាទី ក្រុមការងារព័ត៌មាន និងប្រតិកម្មរហ័សបានទទួលព័ត៌មានអំពីករណីបង្កហឹង្សានេះ ភ្លាមនោះក៏បានទាក់ទងទៅលោកនាយប៉ុស្តិ៍ចាត់វិធានការភ្លាមៗដោយលោកនាយប៉ុស្តិ៍បានធ្វេីការកោះហៅជនបង្កឲ្យចូលខ្លួនដេីម្បីធ្វេីការសាកសួរទាក់ទងនឹងករណីបង្កអំពេីហឹង្សានេះ ។ ពេលនេះសមត្ថកិច្ចនៃអធិការដ្ឋាននគរបាលខណ្ឌដូនពេញ បាននឹងកំពុងធ្វេីការសួរចម្លេីយម្ចាស់ហាងដែលជាជនបង្កហឹង្សា និងបានក៏សាងសំណុំរឿងបញ្ជូនទៅសាលាដំបូងរាជធានីភ្នំពេញ ដេីម្បីអនុវត្តបន្តតាមនីតិវិធីច្បាប់ ៕