-
វីដូអូ ៣០ មិថុនា ២០២០ក្រុមជួបជុំផឹកស៊ី បង្កសំឡេងរំខាន ប្រើប្រាស់សម្តី និងកាយវិការមិនសមរម្យមកលើសមត្ថកិច្ច បានចូលខ្លួនសុំទោសជាសាធារណៈ
ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ សូមធ្វើការបំភ្លឺ និង បកស្រាយជូនសាធារណ:ជនឲ្យបានជ្រាបទាក់ទងទៅនឹងករណីសមត្ថកិច្ចចុះណែនាំអប់រំ និងបញ្ឈប់សកម្មភាពផឹកស៊ី ចាក់ធុងបាស់ ច្រៀងឡូឡា បង្កសម្លេងរំខានដល់អ្នកជិតខាង។ ជាភារកិច្ចជាប្រចាំរបស់ក្រុមការងារព័ត៌មាន និងប្រតិកម្មរហ័សដែលតាមដាន ឆ្លើយតប និងមានវិធានការណ៍ចុះដល់ទីកន្លែងដើម្បីដោះស្រាយបញ្ហាជូនប្រជាពលរដ្ឋភ្លាមៗ នៅយប់ថ្ងៃទី២៩ ខែមិថុនា ឆ្នាំ២០២០ វេលាម៉ោង ២៣:១០នាទីយប់ បន្ទាប់ពីទទួលបានទូរស័ព្ទប្តឹងពីប្រជាពលរដ្ឋថាមានករណីជួបជុំ ផឹកស៊ី ចាក់ធុងបាស់ បង្កសម្លេងរំខាន នៅផ្លូវ៤៩០ កែងផ្លូវ១៣៥ ភូមិ០២ សង្កាត់ផ្សារដើមថ្កូវ កម្លាំងប៉ុស្តិ៍នគរបាលរដ្ឋបាលផ្សារដើមថ្កូវចំនួន២នាក់ បានចុះដល់ទីតាំងភ្លាមៗ ដើម្បីធ្វើការណែនាំអប់រំ និងបញ្ឈប់សកម្មភាពរំខាននេះ។ ប៉ុន្តែក្រុមជួបជុំផឹកស៊ីមានគ្នាប្រហែលជា ៣០នាក់ ក្នុងស្ថានភាពស្រវឹងខ្លាំង ដែលកំពុងផឹកស៊ី ចាក់ធុងបាស់ ឡូឡា បង្កសម្លេងរំខានដល់អ្នកជិតខានមិនអាចសម្រាកបាន មិនត្រឹមតែមិនស្តាប់តាមការណែនាំរបស់សមត្ថកិច្ច ថែមទាំងប្រើប្រាស់សម្តី និងកាយវិការមិនសមរម្យមកលើសមត្ថកិច្ច ហើយថែមទាំងចាប់ក្របួចកអាវរកវាយសមត្ថកិច្ចទៀតផង៕
-
ព័ត៌មានជាតិ ២៩ មិថុនា ២០២០សមត្ថកិច្ចនៃអធិការដ្ឋាននគរបាលខណ្ឌសែនសុខ បង្ក្រាបបានជនសង្ស័យម្នាក់ករណីឆក់ទូរស័ព្ទដៃ
ភំ្នពេញ ៖ នៅថ្ងៃទី២៩ ខែមិថុនា ឆ្នាំ២០២០ ប៉ុស្តិ៍នគរបាលរដ្ឋបាលទឹកថ្លា ស្រាវជ្រាវឃាត់ខ្លួនជនសង្ស័យបន្ថែម ០១នាក់ ករណីឆក់ទូរសព្ទ័ដៃ នៅចំណុមុខផ្សារហេងលី ផ្លូវ២៧១ ភូមិបុរីកម្មករ សង្កាត់ទឹកថ្លា ខណ្ឌសែនសុខ ។ ជនសង្ស័យឈ្មោះ ខឿន រាជនា ភេទប្រុស អាយុ១៨ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះលេខ១៨ ផ្លូវលំ ភូមិត្រពាំងថ្លឹក សង្កាត់ចោមចៅ១ ខណ្ឌពោធិ៍សែនជ័យ (មានសារធាតុញៀន) បានធ្វើសកម្មភាពឆក់យកទូរសព្ទ័ដៃពីរបស់ ឈ្មោះ វ៉ាញ កុម្ភៈ ភេទស្រី អាយុ៣៦ឆ្នាំ ជនជាតិខ្មែរ មុខរបរលក់ដូរ ស្នាក់នៅផ្ទះលេខ៩៩AB ផ្លូវ៧B ភូមិបុរីកម្មករ សង្កាត់ទឹកថ្លា ខណ្ឌសែនសុខ កាលពីថ្ងៃទី២៨ ខែមិថុនា ឆ្នាំ២០២០ វេលាម៉ោង១០ និង០០នាទី ។ សម្ភារៈបាត់បង់ គ្មាន , សម្ភារៈបន្សល់ទុក ម៉ូតូ០១គ្រឿង ម៉ាកស្កុបពី ពណ៌ស ផលិតឆ្នាំ២០២០ […]
-
សន្តិសុខសង្គម ២៨ មិថុនា ២០២០សមត្ថកិច្ចនៃអធិការដ្ឋាននគរបាលខណ្ឌមានជ័យបង្ក្រាបបានករណីជួញដូរដោយខុសច្បាប់នូវសារធាតុញៀន
នៅថ្ងៃទី២៧ ខែមិថុនា ឆ្នាំ២០២០ វេលា ម៉ោង ០៤:៣០នាទីទៀបភ្លឺ កម្លាំងអន្តរាគមន៍ខណ្ខសហការជាមួយកម្លាំងនគរបាលប៉ុស្តិ៍រដ្ឋបាលស្ទឹងមានជ័យទី១ បានចេញល្បាតត្រួតពិនិត្យក្នុងមូលដ្ឋាន មកដល់ចំណុចផ្លូវលំ ភូមិមានជ័យទី១ ឃើញជនសង្ស័យឈ្មោះ វន កុសល កំពុងជិះតម៉ូតូ០១គ្រឿងតាមផ្លូវដោយមានការសង្ស័យក៏បានហៅត្រួតពិនិត្យប្រទះឃើញក្រាមពណ៌សថ្លាចំនួន១៩កញ្ជាប់ថង់តូចដែលជនសង្ស័យលាក់ទុកក្នុងហោប៉ៅក៏ឃាត់ខ្លួនយកមកធ្វើការសាកសួរនៅទីស្នាក់នគបាលប៉ុស្តិ៍នគរបាលរដ្ឋបាលស្ទឹងមានជ័យទី១ ។ ជនសង្ស័យឃាត់ខ្លួនឈ្មោះ វន កុសល ភេទប្រុស អាយុ២៨ឆ្នាំ ជនជាតិខ្មែរ មុខរបរកម្មករ ស្នាក់នៅផ្ទះគ្នានលេខ ផ្លូវលំ ភូមិ មានជ័យទី១ សង្កាត់ស្ទឹងមានជ័យទី១ ខណ្ខមានជ័យ រាជធីនីភ្នំពេញ។ វត្ថុតាងដកហូតមានក្រាមសថ្លាចំនួន១៩កញ្ចប់តូច(សង្ស័យជាគ្រឿងញៀន) ម៉ូតូចំនួន០១គ្រឿង ម៉ាកDio ពណ៌ស ពាក់ស្លាកលេខភ្នំពេញ 1DM០៥៩០ ។ បច្ចុប្បន្នជនសង្ស័យឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់ការតាមនិតិវិធី ៕
-
ព័ត៌មានជាតិ ២៨ មិថុនា ២០២០ព្រឹកនេះរកឃើញករណីវិជ្ជមានអ្នកឆ្លងកូវីដ ១៩ ថ្មី ចំនួន ២ នាក់បន្ថែមទៀត ដែលទើបមកពីប្រទេសម៉ាឡេស៊ី
នៅព្រឹកថ្ងៃទី ២៨ ខែមិថុនា ២០២០ ក្រសួងសុខាភិបាលបានប្រកាសរកឃើញអ្នកឆ្លងកូវីដ ១៩ ចំនួន០២នាក់ថ្មី សុទ្ធតែជាករណីនាំចូលដែលទើបត្រឡប់មកពីប្រទេសម៉ាឡេស៊ី។ តាមសេចក្ដីប្រកាសព័ត៌មានបានបញ្ជាក់ថា នៅលើយន្តហោះមានអ្នកដំណើរទាំងអស់សរុប ១០៧នាក់ មានស្ត្រី ៣៨ នាក់ បុរស ៦៩នាក់ ។ ក្នុងចំណោមអ្នកឆ្លងកូវីដ ១៩ ទាំង២ នាក់នោះ មានខ្មែរ ២នាក់ បច្ចុប្បន្ន អ្នកជំងឺទាំងពីរនាក់នេះ ត្រូវបានដាក់ឲ្យសម្រាកព្យាបាលនៅមណ្ឌលសុខភាពចាក់អង្រែ រាជធានីភ្នំពេញ។ សូមបងប្អូនទាំងអស់ត្រូវប្រុងប្រយ័ត្នថែមទៀត ជាពិសេសត្រូវរក្សាគម្លាត និង ធ្វើអនាម័យអោយបានត្រឹមត្រូវ ៕ ប្រភព: ក្រសួងសុខាភិបាលនៃព្រះរាជាណាចក្រកម្ពុជា
-
សន្តិសុខសង្គម ២៧ មិថុនា ២០២០ជនសង័្សយដែលចាក់សម្លាប់ប្រពន្ធព្រោះប្រច័ណ្ឌ ត្រូវបានសមត្ថកិច្ចការិយាល័យព្រហ្មទណ្ឌកម្រិតធ្ងន់ ចាប់ខ្លួនហើយ
ការិយាល័យព្រហ្មទណ្ឌកម្រិតធ្ងន់ បានចាប់ខ្លួនជនសង្ស័យម្នាក់ពីបទឃាតកម្មគិតទុកជាមុន កាលពីថ្ងៃទី ២២ ខែមិថុនា ឆ្នំា២០២០ វេលាម៉ោង ១៩:៣០នាទី នៅចំណុចភូមិដូនរ័ត្ន សង្កាត់ឪឡោកខណ្ឌកំបូលរាជធានីភ្នំពេញ ដែលបង្កឡើងដោយជនសង្ស័យឈ្មោះ សុខ លីសម្បត្តិ ហៅវ៉េវ ភេទប្រុស អាយុ២៣ឆ្នាំ មុខរបរកម្មករសំណង់ស្រុកកំណើតភូមិទួលខ្លុង ឃុំទួលព្រេជ ស្រុកអង្គឈ្នួល ខេត្តកណ្តាល ។ សព្វថ្ងៃស្នាក់នៅកន្លែងកើតហេតុខាងលើ ហេីយសពឈ្មោះ លាង ផល្លាភេទស្រី អាយុ២៣ឆ្នាំ មុខរបរកម្មការីរោងចក្រ ស្នាក់នៅផ្ទះចំណុចកើតហេតុ។ គួរបញ្ជាក់ថា កាលពីថ្ងៃទី ២៦ខែមិថុនា ឆ្នំា២០២០ ដោយមានការសម្របសម្រួលពីលោក ប្លង់ សុផល ព្រះរាជអាជ្ញារងអមសាលាដំបូងរាជធានីភ្នំពេញការិយាល័យនគរបាលព្រហ្មទណ្ឌកំរិតធ្ងន់ បានសហការណ៍ជាមួយនាយកដ្ឋាននគរបាលព្រហ្មទណ្ឌក្រសួងមហាផ្ទៃ អធិការដ្ឋាននគរបាលខណ្ឌកំបូល ស្នងការនគរបាលខេត្តកំពង់ធំ បានធ្វើការបង្រ្កាប និង ឃាត់ខ្លួនជនសង្ស័យឈ្មោះ សុខលី សម្បត្តិ ហៅ វ៉េវ ភេទ ប្រុស អាយុ២៣ឆ្នាំ ជនជាតិខ្មែរ មុខរបរ កម្មករសំណង់ ទីកន្លែងកំណើត ភូមិទួលខ្លុងឃុំទួលព្រេជ ស្រុកអង្គឈ្នួលខេត្តកណ្តាល។ […]
-
សន្តិសុខសង្គម ២៧ មិថុនា ២០២០មិនរួចខ្លួនទេ ឆក់តាំងពីឆ្នាំ២០១៨ សមត្ថកិច្ចស្រាវជ្រាវឃាត់ខ្លួនបានហើយ
ភ្នំពេញ៖ កាលពីថ្ងៃទី ២៦ ខែ មិថុនា ឆ្នាំ ២០២០ កម្លាំងជំនាញរបស់ការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ សហការជាមួយប៉ុស្តិ៍នគរបាលសង្កាត់អូរបែកក្អម ស្រាវជ្រាវឃាត់ខ្លួនជនសង្ស័យចំនួន ១ នាក់ តាមដីការបង្គាប់ឲ្យចាប់ខ្លួនរបស់ចៅក្រមជំនុំជម្រះសាលាដំបូងរាជធានីភ្នំពេញ ។ ជនជាប់ចោទ ឈ្មោះ ហ៊ុន គឹមហេង ភេទ ប្រុស អាយុ ២១ ឆ្នាំ ជនជាតិ ខ្មែរ(គ្មានសារធាតុញៀនក្នុងទឹកនោម) ទីលំនៅបច្ចុប្បន្នផ្ទះលេខ៣៣ ផ្លូវលំ ក្រុម៣ ភូមិត្រពាំងឈូក សង្កាត់អូរបែកក្អម ខណ្ឌសែនសុខ រាជធានីភ្នំពេញ មុខរបរ មិនពិតប្រាកដ ពីបទ លួច(ឆក់កាបូបស្ពាយ) ប្រព្រឹត្តនៅចំណុចមុខហាងពិភពម៉ូត ផ្ទះលេខ១៩ សង្កាត់ជ័យជំនះ ខណ្ឌដូនពេញ កាលពីថ្ងៃទី ០១ ខែសីហា ឆ្នាំ ២០១៨ តាមដីកាបង្គាប់ឲ្យចាប់ខ្លួនលេខ៨៦២«ឆ» ដ.ច.ន ចុះថ្ងៃទី២៨ ខែ ធ្នូ ឆ្នាំ ២០១៨ ចេញដោយលោក កោ វណ្ឌី […]
-
សន្តិសុខសង្គម ២៧ មិថុនា ២០២០ស្ទាវអស់លក្ខណ៍ធ្វើសកម្មភាពឆក់ទូរស័ព្ទទាំងកណ្តាលថ្ងៃត្រង់ ត្រូវសមត្ថកិច្ចឃាត់ខ្លួន
ភ្នំពេញ៖ យុវជនម្នាក់បានធ្វើសកម្មភាពឆក់ទូស័ព្ទដៃ កាលពីថ្ងៃទី២៤ ខែមិថុនា ឆ្នាំ២២០២០ វេលាម៉ោង ១២ និង៣០នាទីថ្ងៃត្រង់ ស្ថិតនៅតាមបណ្តាយផ្លូវសហព័ន្ធរុស្សី មុខព្រលានយន្តហោះអន្តរជាតិភ្នំពេញ ត្រូវបានសមត្ថកិច្ចនគរបាលប៉ុស្តិ៍កាកាបទី២ ឃាត់ខ្លួនបានសម្រេច។ ជនសង្ស័យដែលធ្វើសកម្មភាពឆក់ទូស័ព្ទខាងលេខមានឈ្មោះ អ៊ី ប៊ុណ្ណា។ វត្ថុតាង និងសម្ភារៈដកហូតរួមមាន៖ ម៉ូតូម៉ាកស្កូបពី ពណ៌ខ្មៅចំនួន ១គ្រឿង និងទូរស័ព្ទដៃចំនួន ១គ្រឿង។ បច្ចប្បន្នជនសង្ស័យត្រូវបានឃាត់ខ្លួននៅប៉ុស្តិ៍កាកាប ដើម្បីកសាងសំណុំរឿងចាត់ការបន្តតាមនីតិវិធីច្បាប់ ៕
-
សន្តិសុខសង្គម ២៧ មិថុនា ២០២០សិស្សស្រីថ្នាក់ទី១២ សាលាទួលទំពូង ស្លាប់ភ្លាមៗ និងបុរស់ម្នាក់របួសធ្ងន់ បង្កដោយរថយន្តមួយគ្រឿងបុកយ៉ាងពេញទំហឹងអូស៣០ម៉ែត្រ
គួរឲ្យសោកស្តាយសិស្សស្រីថ្នាក់ទី១២ សាលាទួលទំពូងម្នាក់បានស្លាប់បាត់បងជីវិតភ្លាមៗ និងបុរស់ជិះពីក្រោយម្នាក់រងរបួសធ្ងន់។ ហេតុការដ៏រន្ធត់នេះកើតឡើងនៅថ្ងៃទី២៧ ខែមិថុនា ឆ្នាំ២០២០ វេលាម៉ោង ១រំលងអាធ្រាត នៅចំណុចផ្លូវ១៤៣ កែង៣១០។ តាមប្រភពព័ត៌មានពីសមត្ថកិច្ចនគរបាលខណ្ឌបឹងកេងកងបានរាយការណ៍ថា៖ មានករណីគ្រោះថ្នាក់ចរាចរណ៍មួយបានកើតឡើង នៅថ្ងៃទី២៧ ខែមិថុនា ឆ្នាំ២០២០ ១រំលងអាធ្រាត នៅចំណុចផ្លូវ១៤៣ កែង៣១០ បង្កឡើងដោយរថយន្តមិនស្គាល់ម៉ាក បណ្តាលឲ្យនារីម្នាក់ជាសិស្សថ្នាក់ទី១២ វិទ្យាល័យទួលទំពូង ស្លាប់នៅនឹងកន្លែង ចំណែកបុរស់ម្នាក់ទៀតដែលរួមដំណើររងរបួសធ្ងន់។ សពជនរងគ្រោះស្រីឈ្មោះ គ្រី សុខដាឡែន អាយុ១៨ឆ្នាំ ជនជាតិខ្មែរ មុខរបរសិស្សថ្នាក់ទី១២ វិទ្យាល័យទួលទំពូង ស្នាក់នៅជាមួយម្តាយមីង ដែលនៅចំណុចផ្លូវ២២៨ សង្កាត់បឹងសាឡាងខណ្ឌទួលគោក។ ចំណែកអ្នកជិះពីក្រោយរងបួសធ្ងន់ ឈ្មោះ ទៀប គឹមហេង ភេទប្រុស អាយុ ២០ឆ្នាំ មុខរបរកីឡាបាល់ទាត់ ពុំស្កាល់អសយដ្ឋាន រងរបួសក្បាលធ្ងន់កំពុងសង្គ្រោះនៅគ្លីនិចពន្លឺ ខណ្ឌសែនសុខ ។ ចំពោះរថយន្តបង្កពុំស្គាល់អត្តសញ្ញាណ ក្រោយបុកបានអូសម៉ូតូ និងសពជាង៣០ម៉ែត្រហើយរត់គេចបាត់។ បច្ចុប្បន្ន ផ្នែកជំនាញបានធ្វើការវាស់វែង បន្តឆែកកាមេរ៉ា និងស្វែងរកអត្តសញ្ញាណរថយន្តបង្ក ចំណែកសពនារីរងគ្រោះបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណីនៅផ្សារបុសខ្នុរ ភូមិសារាយ ឃុំបុសខ្នុរ […]
-
ព័ត៌មានជាតិ ២៧ មិថុនា ២០២០គ្រោះថ្នាក់ចរាចរណ៍មួយកើតឡើងនៅវេលាម៉ោង ០៣:២៥នាទីទៀបភ្លឺ នៅចំណុចមុខផ្សារសូរិយាម៉ល សង្កាត់ផ្សារថ្មី៣ ខណ្ឌដូនពេញ
នៅថ្ងៃទី២៧ ខែមិថុនា ឆ្នាំ២០២០ វេលាម៉ោង ០៣:២៥នាទីទៀបភ្លឺ មានករណីគ្រោះថ្នាក់ចរាចរណ៍មួយបានកើតឡើងរវាងរថយន្ដនិងម៉ូតូ នៅត្រង់ចំណុចមុខផ្សារសូរិយាម៉ល ផ្លូវ៥១ ភូមិ១១ សង្កាត់ផ្សារថ្មី៣ ខណ្ឌដូនពេញ ដែលបង្កឡើងដោយជនជាតិចិនបានបើកបររថយន្ដបញ្ច្រាស់ទិស ភ្លាមនោះសមត្ថកិច្ចប៉ុស្តិ៍បានចុះទៅដល់កន្លែងកើតហេតុ ហើយភាគីទាំង២ បានព្រមព្រៀងសម្របសម្រួលគ្នាបញ្ចប់រឿងនៅនឹងកន្លែងកើតហេតុតែម្ដង ៕
-
ព័ត៌មានជាតិ ២៦ មិថុនា ២០២០កម្លាំងអន្តរាគមន៍នៃអធិការដ្ឋាននគរបាលខណ្ឌមានជ័យ បានឃាត់ខ្លួនជនសង្ស័យម្នាក់ករណីជួញដូរ ដោយខុសច្បាប់នូវសារធាតុញៀន
នៅថ្ងៃទី២៦ ខែមិថុនា ឆ្នាំ២០២០ វេលាម៉ោង០៤:០០ទៀបភ្លឺ កម្លាំងអន្តរាគមន៍ពិសេសខណ្ខមានជ័យ បានសហការជាមួយនិងនគរបាលប៉ុស្ដិ៍ចាក់អង្រែលើ ល្បាតក្នុងមូលដ្នាន លុះមកដល់ត្រង់ចំនុចផ្លូវ៦០ម៉ែត្រ មុខសំណង់មិនរៀបរយ ភូមិព្រែកតាគង់ក្រុមទី៨ សង្កាត់ចាក់អង្រែលើ ខណ្ខមានជ័យ រាជធានីភ្នំពេញ ក៏បានឃាត់ខ្លួនជនសង្ស័យចំនួន០១នាក់ ពីបទជួញដូរ ដោយខុសច្បាស់នូវសារធាតុញៀន។ ១-ជនសង្ស័យឈ្មោះតូ ឃុណានរាជ ភេទប្រុស អាយុ ២៧ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល ភូមិព្រែកតាគង់ សង្កាត់ចាក់អង្រែលើ ខណ្ខមានជ័យ រាជធានី ភ្នំពេញ ។ វត្ថុតាង និងសម្ភារៈដកហូតរួមមានក្រាមសថ្លាចំនួន ២១កញ្ចាប់ថង់តូច និង១កញ្ចាប់ថង់ធំល្មម ។ បច្ចប្បន្នជនសង្ស័យត្រូវបានឃាត់ខ្លួននៅអធិការដ្នាននគបាលខណ្ខមានជ័យ ដើម្បីកសាងសំណុំរឿងចាត់ការបន្តតាមនីតិវិធីច្បាប់ ៕
