-
ព័ត៌មានជាតិ ២៨ មិថុនា ២០២០ព្រឹកនេះរកឃើញករណីវិជ្ជមានអ្នកឆ្លងកូវីដ ១៩ ថ្មី ចំនួន ២ នាក់បន្ថែមទៀត ដែលទើបមកពីប្រទេសម៉ាឡេស៊ី
នៅព្រឹកថ្ងៃទី ២៨ ខែមិថុនា ២០២០ ក្រសួងសុខាភិបាលបានប្រកាសរកឃើញអ្នកឆ្លងកូវីដ ១៩ ចំនួន០២នាក់ថ្មី សុទ្ធតែជាករណីនាំចូលដែលទើបត្រឡប់មកពីប្រទេសម៉ាឡេស៊ី។ តាមសេចក្ដីប្រកាសព័ត៌មានបានបញ្ជាក់ថា នៅលើយន្តហោះមានអ្នកដំណើរទាំងអស់សរុប ១០៧នាក់ មានស្ត្រី ៣៨ នាក់ បុរស ៦៩នាក់ ។ ក្នុងចំណោមអ្នកឆ្លងកូវីដ ១៩ ទាំង២ នាក់នោះ មានខ្មែរ ២នាក់ បច្ចុប្បន្ន អ្នកជំងឺទាំងពីរនាក់នេះ ត្រូវបានដាក់ឲ្យសម្រាកព្យាបាលនៅមណ្ឌលសុខភាពចាក់អង្រែ រាជធានីភ្នំពេញ។ សូមបងប្អូនទាំងអស់ត្រូវប្រុងប្រយ័ត្នថែមទៀត ជាពិសេសត្រូវរក្សាគម្លាត និង ធ្វើអនាម័យអោយបានត្រឹមត្រូវ ៕ ប្រភព: ក្រសួងសុខាភិបាលនៃព្រះរាជាណាចក្រកម្ពុជា
-
ព័ត៌មានជាតិ ២៧ មិថុនា ២០២០សេចក្តីបកស្រាយបំភ្លឺរបស់ការរិយាល័យបុគ្គលិកនៃស្នងការដ្ឋាននគរបាលរាជធានីភ្នំពេញ ជុំវិញការចុះផ្សាយព័ត៌មានមិនពិត របស់គណនីហ្វេសបុកមួយឈ្មោះ Makara Hong
សេចក្តីបកស្រាយបំភ្លឺរបស់ការរិយាល័យបុគ្គលិកនៃស្នងការដ្ឋាននគរបាលរាជធានីភ្នំពេញ ជុំវិញការចុះផ្សាយព័ត៌មានមិនពិត របស់គណនីហ្វេសបុកមួយឈ្មោះ Makara Hong ដូចខាងក្រោម : ១. អំពីឋានន្តរសក្តិ : ការតំលើងឋានន្តរសក្តិត្រូវបានកំណត់តាមឆ្នាំ ប៉ុន្តែសំរាប់ថ្នាក់វរសេនីយ៍ត្រីឡើងត្រូវបានយោងតាមតួនាទីរបស់បុគ្គល ។ ចំពោះមន្ត្រីនគរបាលជាតិដែលមានឋាន:ចាប់ពីនាយរងផ្នែក ប៉ុស្តិ៍ ពុំមានគោលការណ៍ផ្តល់ជូនចាប់ពីថ្នាក់វរសេនីយ៏ត្រីឡើងទេ គឺត្រូវបានជំនួសដោយការផ្តល់ប័ណ្ណសរសើរ លិខិតសរសើរ ឬ គ្រឿងឥស្សរយសជំនួសវិញ ។ ២. អំពីការបំពេញបែបបទចូលនិវត្តន៍ ៖ មន្ត្រីនគរបាលជាតិដែលត្រូវបំពេញបែបបទ គឺ នាយកដ្ឋានបុគ្គលិកត្រូវពិនិត្យអំពីថ្ងៃ ខែ ឆ្នាំ របស់មន្ត្រីនោះដើម្បីជូនដំណឹងអោយបានមុន រយ:ពេល២ខែ ដោយទុកអោយសាមីខ្លួនបំពេញបែបបទអោយបានគ្រប់ជ្រុងជ្រោយ ទើបស្នងការដ្ឋានបញ្ជូន សំណុំឯកសារទៅនាយកដ្ឋានបុគ្គលិក ។ ក្រោយបញ្ជូនឯកសារទៅ នឹងត្រូវមានប្រកាសដាក់អោយចូលនិវត្តន៍ មានរយ:ពេលប្រមាណ៣ទៅ៤ខែ ទើបសាមីខ្លួនមានសិទ្ធិសម្រាកពីការងារ ។ ៣. បញ្ហាដែលថាលោក កង ឆន យកលុយចំនួន៧០០ដុល្លារអោយលោក សូ ពៅចិន្តា ជាថ្នូរនិងតួនាទីនោះគឺជារឿងបុគ្គល ករណីនេះ ការិយាល័យជំនាញនិងអនុវត្តនិតិវិធីអញ្ជើញមន្ត្រីពាក់ព័ន្ធមកសាកសួរបំភ្លឺ(ប៉ុន្តែតាមការបំភ្លឺ និងបញ្ជាក់របស់ លោក កង ឆន បានសរសេរថា […]
-
ព័ត៌មានជាតិ ២៧ មិថុនា ២០២០ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ៖ ករណីឃាតកម្មទៅលេីលោកឧកញ៉ា ដេវីដ ឆាយណាវ៉ា គឺជាសកម្មភាពថតកុន
ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ សូមធ្វេីការបកស្រាយ និងបដិសេធទាំងស្រុងចំពោះគណនីហ្វេសបុកមួយនៅក្រៅប្រទេសមួយមានឈ្មោះ Mich Heang ដែលបានផុសព័ត៌មានមិនពិតថាមានករណីឃាតកម្មទៅលេីលោកឧកញ៉ា ដេវីដ ឆាយណាវ៉ា នៅក្នុងបុរីប៉េងហ៊ួត ។ ស្នងការដ្ឋាននគរបាលរាជធានីភ្នំពេញសូមបញ្ជាក់យ៉ាងច្បាស់ថានេះជាព័ត៌មានមិនពិត មិនមែនជាឃាតកម្មឡេីយ គ្រាន់តែជាសកម្មភាពថតកុនតែប៉ុណ្ណោះ ។ នាពេលកន្លងមកបុគ្គលរូបនេះតែងតែប្រេីប្រាស់គណនីហ្វេសបុកឈ្មោះ Mich Heang ផុសជេរប្រមាទ មេីលងាយថ្នាក់ដឹកនាំ ជាពិសេសផុសនៅព័ត៌មានមិនពិតជាច្រេីន ដេីម្បីធ្វេីឲ្យមជ្ឈដ្ឋានទូទៅមានការយល់ច្រឡំ ជាពិសេសក្នុងគោលបំណងបំពុលបរិយាកាសសង្គម ក៏ដូចជាបង្កឲ្យមានចលាចល និងបង្កឲ្យមានអសន្តិសុខសង្គម ៕
-
ព័ត៌មានជាតិ ២៧ មិថុនា ២០២០កិច្ចប្រជុំផ្សព្វផ្សាយទម្រង់ទាំង៤ របស់ផ្នែកកិច្ចការប៉ុស្តិ៍នៃអធិការដ្ឋាននគរបាលខណ្ឌពោធិ៍សែនជ័យ
នៅ ថ្ងៃទី ២៧ ខែ មិថុនា ឆ្នាំ ២០២០ លោក វរសេនីយ៍ ទោ ម៉ន វុធី អធិការ នគរបាល ខណ្ឌ ពោធិ៍ សែនជ័យ បាន ដឹកនាំ លោក អធិការ រង នាយ ប៉ុស្តិ៍ នាយ រង ប៉ុស្តិ៍ និង មន្ត្រី ប៉ុស្ដិ៍នគរបាលរដ្ឋបាល ចោមចៅ ទី១ បាន ធ្វើការប្រជុំ ផ្សព្វផ្សាយ ពន្យល់ណែនាំ ពី បញ្ហា ផល ប៉ះពាល់ នៃគ្រឿងញៀន ព្រហ្មទណ្ឌ សៀវ ភៅ ស្នាក់ នៅ ដែលមាននៅក្នុងទម្រង់ទាំង៤របស់ផ្នែកកិច្ចការប៉ុស្តិ៍ និងភូមិ-ឃុំមានសុវត្ថិភាពទាំង៩ ចំណុចរបស់រាជរដ្ឋាភិបាល ដល់ប្រជាពលរដ្ឋនៅក្នុងមូលដ្ឋាន៕
-
ព័ត៌មានជាតិ ២៧ មិថុនា ២០២០គ្រោះថ្នាក់ចរាចរណ៍មួយកើតឡើងនៅវេលាម៉ោង ០៣:២៥នាទីទៀបភ្លឺ នៅចំណុចមុខផ្សារសូរិយាម៉ល សង្កាត់ផ្សារថ្មី៣ ខណ្ឌដូនពេញ
នៅថ្ងៃទី២៧ ខែមិថុនា ឆ្នាំ២០២០ វេលាម៉ោង ០៣:២៥នាទីទៀបភ្លឺ មានករណីគ្រោះថ្នាក់ចរាចរណ៍មួយបានកើតឡើងរវាងរថយន្ដនិងម៉ូតូ នៅត្រង់ចំណុចមុខផ្សារសូរិយាម៉ល ផ្លូវ៥១ ភូមិ១១ សង្កាត់ផ្សារថ្មី៣ ខណ្ឌដូនពេញ ដែលបង្កឡើងដោយជនជាតិចិនបានបើកបររថយន្ដបញ្ច្រាស់ទិស ភ្លាមនោះសមត្ថកិច្ចប៉ុស្តិ៍បានចុះទៅដល់កន្លែងកើតហេតុ ហើយភាគីទាំង២ បានព្រមព្រៀងសម្របសម្រួលគ្នាបញ្ចប់រឿងនៅនឹងកន្លែងកើតហេតុតែម្ដង ៕
-
ព័ត៌មានជាតិ ២៧ មិថុនា ២០២០កម្ពុជារកឃើញករណីវិជ្ជមានវីរុសកូវីដ-១៩ ចំនួន ០៩នាក់តាមជើងហោះហើរត្រង់មកពីប្រទេសឥណ្ឌូណេស៊ី
បើយោងតាមទំព័រហ្វេសបុករបស់ ក្រសួងសុខាភិបាល នៃព្រះរាជាណាចក្រកម្ពុជា នៅព្រឹកថ្ងៃទី ២៧ មិថុនា ២០២០ កម្ពុជារកឃើញករណីវិជ្ជមានវីរុសកូវីដ-១៩ ចំនួន ០៩នាក់ ក្នុងចំណោមអ្នកដំណើរចំនួន ៤០នាក់តាមជើងហោះហើរត្រង់មកពីប្រទេសឥណ្ឌូណេស៊ី។ សូមបងប្អូនទាំងអស់ត្រូវប្រុងប្រយ័ត្នថែមទៀត ជាពិសេសត្រូវរក្សាគម្លាត និង ធ្វើអនាម័យអោយបានត្រឹមត្រូវ ៕ ប្រភព: ទំព័រហ្វេសបុករបស់ ក្រសួងសុខាភិបាល នៃព្រះរាជាណាចក្រកម្ពុជា
-
ព័ត៌មានជាតិ ២៦ មិថុនា ២០២០កម្លាំងអន្តរាគមន៍នៃអធិការដ្ឋាននគរបាលខណ្ឌមានជ័យ បានឃាត់ខ្លួនជនសង្ស័យម្នាក់ករណីជួញដូរ ដោយខុសច្បាប់នូវសារធាតុញៀន
នៅថ្ងៃទី២៦ ខែមិថុនា ឆ្នាំ២០២០ វេលាម៉ោង០៤:០០ទៀបភ្លឺ កម្លាំងអន្តរាគមន៍ពិសេសខណ្ខមានជ័យ បានសហការជាមួយនិងនគរបាលប៉ុស្ដិ៍ចាក់អង្រែលើ ល្បាតក្នុងមូលដ្នាន លុះមកដល់ត្រង់ចំនុចផ្លូវ៦០ម៉ែត្រ មុខសំណង់មិនរៀបរយ ភូមិព្រែកតាគង់ក្រុមទី៨ សង្កាត់ចាក់អង្រែលើ ខណ្ខមានជ័យ រាជធានីភ្នំពេញ ក៏បានឃាត់ខ្លួនជនសង្ស័យចំនួន០១នាក់ ពីបទជួញដូរ ដោយខុសច្បាស់នូវសារធាតុញៀន។ ១-ជនសង្ស័យឈ្មោះតូ ឃុណានរាជ ភេទប្រុស អាយុ ២៧ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល ភូមិព្រែកតាគង់ សង្កាត់ចាក់អង្រែលើ ខណ្ខមានជ័យ រាជធានី ភ្នំពេញ ។ វត្ថុតាង និងសម្ភារៈដកហូតរួមមានក្រាមសថ្លាចំនួន ២១កញ្ចាប់ថង់តូច និង១កញ្ចាប់ថង់ធំល្មម ។ បច្ចប្បន្នជនសង្ស័យត្រូវបានឃាត់ខ្លួននៅអធិការដ្នាននគបាលខណ្ខមានជ័យ ដើម្បីកសាងសំណុំរឿងចាត់ការបន្តតាមនីតិវិធីច្បាប់ ៕
-
ព័ត៌មានជាតិ ២៦ មិថុនា ២០២០សមត្ថកិច្ចចុះបង្ក្រាបទីតាំងហ្គេមអនឡានមួយកន្លែង នៅទួលសង្កែ១ ឃាត់ខ្លួនជនសង្ស័យ៨នាក់
(ភ្នំពេញ)៖ នៅព្រឹកថ្ងៃទី២៦ ខែមិថុនា ឆ្នាំ២០២០ សមត្ថកិច្ច នៃអធិការដ្ឋានគរបាលណ្ឌឫស្សីកែវ បានចុះបង្ក្រាបជាក់ស្តែងទីតាំងលេងល្បែងស៊ីសងខុសច្បាប់ (ហ្គេមអនឡាន) ១កន្លែង ដែលមានទីតាំងស្ថិតនៅ ចំណុចផ្ទះលេខ១៤៨C ផ្លូវ១០៥ ក្រុមទី ២ ភូមិបាក់ទូក សង្កាត់ ទួលសង្កែ១ ខណ្ឌឫស្សីកែវ រាជធានីភ្នំពេញ ឃាត់ឃ្លួនជនសង្ស័យបានចំនួន៨នាក់។ បើយោងតាមការរាយការរបស់មន្ត្រីនគរបាលនៃអធិការរដ្ឋាននគរបាលខណ្ឌឫស្សីកែវ បានឲ្យដឹងថា ការបង្ក្រាបទីតាំងលេងល្បែងខុសច្បាប់នេះ ឃាត់ខ្លួនបានជនសង្ស័យចំនួន ៨នាក់៖ ១/ឈ្មោះ យ៉ា មី ភេទស្រី អាយុ ២៣ឆ្នាំ មុខរបរ នៅផ្ទះមានទីលំនៅ សង្កាត់អូរឫស្សី៣ ខណ្ឌ ៧មករា រាជធានីភ្នំពេញ (អ្នកលេង) , ២/ឈ្មោះ សុខ សូរិយា ភេទស្រី អាយុ២១ឆ្នាំមុខរបរនៅផ្ទះ មានទីលំនៅ សង្កាត់អូរឫស្សីកែវ៣ ខណ្ឌ៧មករា រាជធានីភ្នំពេញ (អ្នកលេង) ៣/ឈ្មោះ ប៉ែក កមរា ភេទប្រុស អាយុ២៤ឆ្នាំមុខរបរនៅផ្ទះ មានទីលំនៅ […]
-
ព័ត៌មានជាតិ ២៦ មិថុនា ២០២០សេចក្តីបកស្រាយបំភ្លឺ និងបដិសេធរបស់ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ
ក្រុមប្រតិកម្មរហ័ស និងអធិការដ្ឋាននគរបាលខណ្ឌមានជ័យ សូមធ្វើការបកស្រាយបំភ្លឺ និងបដិសេធទាំងស្រុងចំពោះសារព័ត៌មាន និងផេកមួយចំនួនដែលចុះផ្សាយព័ត៌មានមិនពិត ដោយយករូបភាពចាស់មកផុស ដើម្បីធ្វើឲ្យប្រជាពលរដ្ឋមានការយល់ច្រឡំ ក៏ដូចជាក្នុងគោលបំណងបង្ខូចកិត្តិយសរបស់សមត្ថកិច្ច។ ដែលនាពេលកន្លងសមត្ថកិច្ច នៃអធិការដ្ឋាននគរបាលខណ្ឌមានជ័យ ក្រោមការដឹកនាំរបស់លោកវរសេនីយ៍ទោ ម៉េង វិមានតារា បានអនុវត្តតាមគោលការណែនាំរបស់រដ្ឋាភិបាល ក្រសួងពាក់ព័ន្ធ ក៏ដូចជាស្នងការដ្ឋាននគរបាលរាជធានីភ្នំពេញ តែងតែចុះដឹកនាំកម្លាំងជាប្រចាំក្នុងការចុះណែនាំអប់រំ និងធ្វើកិច្ចសន្យាតាមបណ្តាក្លឹបកំសាន្ត ខារ៉ាអូខេ ឲ្យបិទ និងគោរពតាមបទបញ្ជា ៕
-
ព័ត៌មានជាតិ ២៦ មិថុនា ២០២០សេចក្តីបកស្រាយបំភ្លឺ និងបដិសេធ របស់ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ
ក្រុមការងារព័ត៌មាន និងប្រតិកម្មរហ័ស និងអធិការដ្ឋាននគរបាលខណ្ឌដូនពេញ សូមធ្វើការបកស្រាយបំភ្លឺ និងបដិសេធចំពោះសារព័ត៌មានមួយចំនួនដែលយកព័ត៌មានចាស់មកផុស ក្នុងន័យបង្ខូចកិត្តិយសរបស់សមត្ថកិច្ច ស្របពេលពេលគោលដៅទាំងនេះត្រូវបានសមត្ថកិច្ចប៉ុស្តិ៍ ខណ្ឌបានចុះបង្ក្រាប ណែនាំអប់រំ និងធ្វើកិច្ចសន្យាឲ្យបញ្ឈប់រាល់សកម្មភាពទាំងនេះជាច្រើនខែមកហើយ៕
